دنيا : الو
محمد : شونج
دنيا : الحمدلله انت شونك
محمد : تحت رحمته شخبارج الاهل شونهم
دنيا : الحمدلله
محمد : تعرفين اول مكلي احمد دنيا فصخت خطوبتها والله جان روحي ردت الي
دنيا : اي ماكو نصيب الحمدلله على كلشي
محمد : اي الحمد لله
دنيا : انت شخبارك شونه ابنك
محمد : الحمدلله بخير يم امه مو يمي
دنيا : يعني عايش يم امه
محمد : اي بس 3 ايام بالاسبوع يجي يمي
دنيا : ها وانت وامه تتواصلون يعني علمود الولد
( اني جنت حموت واعرف علاقته شونها وياه يعني اكو امل يرجعلها لو لا )
محمد : اي طبعا بعدين هي بت عمتي يعني بالاعياد اشوفها واشوف رجلها هم
دنيا : ليش مزوجه ( اني كلت الحمدلله مابيها امل ترجعله )
محمد : اي وره منفصلنه بسنه زوجت وياها واحد بالدوام
دنيا : بس زين خال ابنك يعيش ويه رجل امه
محمد : الرجال محترم واصلا ابني كل ميجي يسولفلي عليه جابله وين اخذه يعني مداري ابني شريد اكثر من هذا
دنيا : اي اهم شي الولد الله يحفظه الك
محمد : شكرا ويحفظج الي
دنيا : اني هو كال هيج احس كلبي كام يدك سريع . كتله ترى جنت بالحمام من داك
محمد : يعني هسه شعرج مبلل
دنيا : اي جنت بعدني دامشط بي ودكيتلي
محمد : روحي نشفيه لتتمرضين
دنيا : لازم ضجت مني
محمد : اضوج من دنيا كلها ومنج ماضوج بس غير خايف عليج يابنيتي
دنيا : انت ليش دايما دكلي بنيتي باباتي شنو بنتك اني ومادري
محمد : هههههههه غير انتي بت كلبي
دنيا : لابله
محمد : وداعتج . روحي نشفي شعرج
دنيا : اوكي يله باي
محمد : كملي ودكيلي مسكول حتى ادكلج
دنيا : ماشي
الحلو بمحمد من ادكله ميجاوب ينطي رفض وراها هو يدك يخاف على رصيدي 😂
كملت شعري وجتي رؤى لان جنت بعدني يمها وطبت حنين وظلين نسولف وضحك وعبرت ساعتين هيج دزلي مسج ( لو رايحه بصالون تنشفين شعرج جان راجعه هسه وينج )
رديتله ( ههههه كاعده ويه رؤى وحنين واخذتنا السوالف )
ردلي ( دعوفيهم مشبعانه منهم )
رديتله ( لا صراحه كلش شبعت صالي جم يوم عدهم )
ردلي ( شوكت ترجعين للبيت )
رديتله ( مادري )
ردلي ( باجر ترجعين مفهوم)
رديتله ( رجعنا عالاوامر )
ردلي ( ماريد تبقين يمهم كافي صالج جم يوم مشتاقيتي لغرفتج )
رديتله ( لا )
ردلي ( ولج يابه باجر ترجعين واذا مرجعتي اني اجي ارجعج )
رديتله ( اي غير اكو سبب ليش تريدني ارجع )
ردلي ( ارجعي للبيت واكلج ليش )
رديتله ( اوكي اذا اخويه باجر ماعده شي عود اكله يمرلي )
ردلي ( عفيه بابنيتي )
رديتله ( روح نام لان بنات كاعدات وماكدر احجي وياك )
ردلي ( ماشي اذا منمتي خابري اني كاعد )
رديتله ( اوكي )
جنت فرحانه فرحه مو طبيعيه يعني احساسي كلش احبه وياه وجنت مشتاقتله كلش
وراها ظلينا كاعدين لل 2 اني والبنات دك خشب عالعالم وضحك
وراها نمنا كعدت صبح لكيته دازلي مسج ( صباح الخير ياحلو )
رديتله ( صباح النور ) ردلي ( شوكت ترجعين اليوم )
رديتله ( بعدني مكايله لاخويه )
ردلي ( دكليله شمنتظره )
خابرت ياسر كلتله تكدر تجي تاخذني كلي ماشي وره الظهر اجيج
سديته دزيتله مسج لمحمد ( وره الظهر يجي ياخذني )
ردلي ( اوكي روحي تريكي يله )
كمت تريكت ووحضرت غراضي والعصر اجه ياسر اخذني للبيت
المهم كلتله وصلت اني بالبيت هو مردلي ولليل ماكو مردلي كلت هذا وينه دكيتله ماكو ميرد وراها خابرتني صديقتي وكعدنا نسولف وكلسع تليفوني يدك اباع اشوفه ديتصل بيه يعني ديطلعله انتظار
اني مكدر اسد تليفون لان صديقتي جان تحجي بشي مهم وراها صار بالوحده سديت تليفون لكيته داكلي 8 مرات اني دكيتله نطاني رفض ورد دك بس كلت الو كلي ويامن جنتي تحجي صالج ساعه كتله ويه صديقتي كلي ممنوع تحجين ويه اي شخص وره ال 12 مفهوم كتله ليش شكو بيها عادي كلي دتفهمين الداحجي لو اعيد كتله اوكي ( مردت صير مشكله فسايرته )
كلتله بعدين انت وينك من العصر ادكله ماكو وين جنت كلي والله الظهر طلعت مستعجل ونسيته بالبيت ومكدرت ارجعله لان وحدي بالمختبر اليوم كتله ها كتله اي كلي ليش خليتني ارجع للبيت
كلي اي بعد ماكو اصلا بيتوته بره البيت مفهوم كتله ليش بله واني بايته بيت غريب ترى بيت خالتي واني من صغيره كله يمهم
كلي هاي قبل من جنتي صغيره هسه انتي جبيره وعاقله وحبابه وسمعين الكلام كتله لا هذا الشي الوحيد الي ماقبله كلي دنيا بيت رؤى مو عدها اخو كتله اي كلي شكبره كتله سادس اعدادي
كلي اي خلص يعني بيتنم ولد شكو رايحه تباتين كتله حمزه اصغر مني شدكول شو هذا كلي الصغير ميحبل قابل اني مفتهمته بالبدايه شنو يعني بعدين كتله شنو هالحجي ترى عيب احنا متربين سوه
كلي دنيا تردين تروحين من امج تبات باتي وياها بوحدج متباتين
اني ظليت ساكته ومكلتله شي كلي اشوفج سكتي لازم معاجبج الوضع كتله صراحه كلش كلي اي شنسوي قدمي اعتراض وان شاءالله ينقبل كتله حضرتك صنف كلي تعرفين لو انتي يمي جان عرفت شون اسده لحلكج كتله اي بله شون كلي جان خليت بوسه على هاي شفتج اني سكتت لان هو اول مره يجرء هيج يحجي كلي شبيج سكتي لازم خفتي لاسويها كتله اي شونه دامك هو ظل يضحك ويكلي بسرعه غيرتي الاتجا ه ظلينا نسولف بس هو كل شويه يجرء اكثر بالحجي واني كلش اخجل بعدي كلتله يله حروح انام كلي تجين انومج على ايدي كتله لا شكرا ماحب انام الا على مخده كلي تعالي انومج على صدري اني كتله يله حروح من صدك نعست هو ضحك كلي شنسوي الهذا الخجل كتله مخجلانه يله تصبح على خير وراها سدينا تليفون بس ظليت كلسع صافنه واضحك عبالك مخبل وكلسع اذكر حجايه واضحك
ظلينا العطله كلها نحجي واكثر من مره فات من يم بيتنا اني اكفله بالشباك يعني اني ماشوفه ولا هو يشوفني بس المهم اشوف سياره واحس هو هنا وهو نفس الشي المهم يعرف اني داباع عليه
أنت تقرأ
نصيبي
Romanceيلعب القدر الكثير من حياتنا ...... ابطال القصه حقيقين وعاشو هذه التفاصيل اتمنى ان تنال اعجابكم
