جاوب
محمد : الو
دنيا : هلو محمد شونك
محمد : هلا يادنيتي اني هسه صرت زين من سمعت صوتج
دنيا : سمعت من رؤى الحجي مسوي عمليه
محمد : اي والله سوه مال قلب مفتوح
دنيا : حمدلله على سلامته وميشوف شر ان شاءالله
محمد : الله يسلمج اشكرج على سؤالج
دنيا : لا تدلل يله اخذ راحتك
محمد : دنيا بعدج زعلانه مني
دنيا : محمد اني لازم اروح امي دصيحني
محمد : دنيا لسوين هيج والله اني ضايع بلاياج
دنيا : محمد كافي عفيه ماريد احجي بهذا الموضوع
محمد : دنيا اسف اذا زعلتج والله مجان اقصد اذيج والله لو اعرف حشوف وحده مثلج اظل انتظرج طول عمري ومازوج
دنيا : محمد اني مالي حق احاسبك على شي فات هاي حياتك وانت حر بيها تزوج تطلك معليه اني
محمد : لج هاي حياتي اذا انتي مابيها متسوه شي
دنيا : الله يخليك محمد كافي
محمد : ماشي يابه اخاف ضوجتج بكلامي هذا اني اسف واعتذر
دنيا : يله باي محمد
محمد : باي
سديته منه واني كلبي يوجعني اريد اكله احبك اريد اكله ماكدر بدونك بس ماكدر اكو شي ديمنعني
يمكن ماريد اعلق نفسي بي اكثر لان اعرف تالي هو محيصير الي لان اعرف اهلي محد يقبل على واحد مطلك وفوكاها عده طفل
وره شهر تقريبا وهو كل جم يوم يخابر او يدز مسج بس اني مجاوب
ياسر اخويه حاجي ويه ابويه صديقه خاطبني منه وياسر كله لابويه خوش ولد وعائلته زينه وشغله زين ابويه كله خل نسئل دنيا اذا قبلت نتوكل على الله
وراها جتي امي دكلي على صديق ياسر وامي كلتلي فكر زين هذا زواج مو لعبه
اني صراحه جنت اعرفه للولد شايفته قبل ويه ياسر بس ابد مفكرت بي انه يزوجني
كلبي يحب محمد ويعشق حتى عصبيته ماريد اخذ واحد ماحبه ظليت افكر بي واكول محمد محيصير الي ابويه محيقبل عليه بعدين ظليت اكول قبل جم سنه محمد شافني واني جنت صغيره ويفتر زمن ويشوفني مره ثانيه هذا كله صدفه لو قدري هو
فكر جيبني وفكره توديني لحد بالاخير قررت اوافق على صلاح صديق ياسر وكتلهم موافقه عليه
وره جم يوم دزو امه على امي وطلبتني رسمي وقررو يسون قراه الفاتحه بعد اسبوع بس ابويه شرط
ماكو عقد سيد قبل ميزوجون يعقدون محكمه حتى ليظل الولد فايت طالع
صارت قراءه الفاتحه ( الخطوبه ) واجه الولد لابسنا حلقات
وظل يحجي ويايه بس اني مجنت راغبته ابد يعني حتى جواباتي اله مختصره
وجنت اتمنى لو محمد مكانه
وره خطوبتي بيومين محمد دز مسج كاتبلي
(ولا جنك حبيبي الجنت اسولف بي &ولافكرت مره لغيري راح صير )
اني شفت المسج نهاريت من البجي لان جنت مخنوكه كلش ومطايقه احد وظليت بس ابجي دزيتله مسج
( انا احبكَ لكن الامر انتهى الان ..
فلم يعد لذالك ايه اهمية....)
دزلي ( يابت كلبي ماتمنيت شي بحياتي كد ماتمنيتج حلالي الله يرزقج سعاده دنيا كلها )
مجاوبته لان ظليت بس ابجي وماعرف شحجي واكول اريد ادزله اكله لتعوفني تعال اخذني اريدك هواي حجي جان بداخلي بس مكدرت مكدرت
واسبوعين من خطوبتي وطبعا صلاح جان يجي لبيتنا حتى يشوفني بس اخويه يكعد يمنا ميعوفنا لوحدنا اني صراحه جنت مرتاحه لان ياسر يكعد يمنا
صلاح يحاجيني ويسولف بس اني ماجاوب وياه يعني سئلني جاوبته مسئل ماحجي
خلصت السنه وجتي العطله الجبيره وره خطوبتي ابد مشفت محمد حتى ولا يدك ولا يدز مسج
بس صلاح جان دايما يخابر عليه حتى بالليل يدك وره 'ال 12 بس اني جنت مجاوب عليه بالليل حتى ليحجي ويايه حجي ماحبه جنت اكله بالليل اني انام من ال 10 جان يدك صبحيه او العصر واحجي وياه شويه واسده اتحجج باي شي
ام صلاح دكت على امي وكلتلها الولد مستعجل ويريد يزوج وهو مكمل كلشي امي كتلها اكول لابوها ويصير خير ان شاءالله
امي كالت لابويه ابويه كلها شنو مستعجل اتفقنا بثالث تزوج ليش هالحجي امي كالت اكللها
خابرت امي ام صلاح كلتلها عيني ام صلاح ابو البنيه يكول اتفقنا بثالث تزوج ليش هل الاستعجال ام صلاح والله الولد يريد يزوج ويكول شعندي منتظر واني مكمل ومن هالحجي كالت والله ابو البنيه ميقبل وراها اجه ياسر صلاح كايله حتى يحجي ويه ابويه وابويه مغير قراره كله اتفقنا بثالث وهاهيه معاجبه كله كل واحد يروح بدربه
ثاني يوم ياسر ردله جواب لصلاح ابويه ميقبل
العصر امي جانت بالغرفه يمي صلاح دك جاوبته هذا عصبي ويصيح عليه اني فتحت السبيكر حتى اسمع امي
هذا بلش فشار عليه وعلى ابويه وانت عصبان ماعليج تنزلين دكولين لابوج اني اريد ازوج هسه وكومه حجي وعياط
امي متحملت اخذت تليفون مني وكلتله بارك الله بيك وباخلاقك هو سمع امي سده للتليفون
امي كلتلي لو يبقى اخر رجال مازوجج اله بعدكم مخطوبين وهالفشار والصياح تزوجون يمكن يكوم يضربج
نزلت على ابويه مكلتله الولد يفشر ومدري شنو بس كلتله الولد مصر يزوج هسه وحتى دنيا مقابله على حجيه فكول لياسر خل يكله ماعدنا بنات للزواج وهسه الم غراضه ينطيها اله ابويه كلها هسه اني احجي ويه الولد امي كلتله لاتحجي ولادكول اذا هو مو كد كلمته هسه باجر عكبه كل ميحجي لازم احنا نفذ اوامره المهم ابويه قبل انتظر ياسر وكله كول للولد ماكو زواج لا هسه ولا بعدين وكل واحد بطريقه وراها فصخت خطوبتي من الي اسمه صلاح جنت فرحانه اكثر من فرحتي بخطوبتي احس جبل ونزاح من صدري
وراها ابويه عباله اني مقهوره من فسخ الخطوبه نطاني فلوس كلي روح شتري هدوم للدوام روح لبيت خالتج تونسي المهم عباله ضايجه واني جنت ماكو وحده فرحانه بكدي
رحت بيت خالتي ابتسام وخابرت على بنات خالاتي البقيه جني وظلينا ضحك وسوالف وشقه وطلعات وكلش تونسنا
فديوم من جنت بعدني بيت خالتي
اجه احمد على رؤى دياخذها ديشوفون غرفه مال نوم المهم رؤى جانت بعدها ممكمله كلتلي روحي كولي هسه تجي هو جان بطرمه طلعت سلمت عليه وكتله هسه تجي رؤى وراها ظلينا نسولف ونحجي اجه بالي اسئل على محمد
كتله شونه محمد كلي محمد ابد موزين هالفتره متغير عصاب وميتحجه ومو مثل قبل كتله عرف اني فسخت كلي لا مكتله كتله ها واني بكلبي اكله خرب بيك ليش مكتله
كلي محمد تعبان من كلشي حتى ديفكر يهاجر بس الي موكفه فهد ابنه كتله ها
اجتي رؤى ونكطع حديثنا وراحو بالليل من رجعت رؤى كتلها خلي احمد يكول لمحمد اني فصخت بس لدكليله دنيا كلتلي
باوعت عليه رؤى كالت حنيتي كتله كلش
كالت ماشي اكله
وره يومين محمد دك عليه بس اني جنت بالحمام اسبح طلعت شفته داك مرتين
اني كلت خرب الا هسه يدك حبكت الا اني بالحمام
كمت مشطت شعري وكلسع اباع للتليفون عبالي يدك وره ساعه هيج رد دك عليه ركض جاوبت الو ....... يتبع
أنت تقرأ
نصيبي
Romanceيلعب القدر الكثير من حياتنا ...... ابطال القصه حقيقين وعاشو هذه التفاصيل اتمنى ان تنال اعجابكم
