نصيبي

نصيبي الجزء 6

ديري بالج على نفسج باباتي اني كتله اوكي يله باي باي
اني جنت كلش مرتاحتله صح اني بالبدايه جنت مرتبكه واخاف بس بعدين شفته هو هو اي يخاف عليه فات علينا شهرين واحنا نحجي بتليفون ومرات يجي للجامعه نلتقي مره اتفقنا يجي باجر حتى نشاوف واصلا يوديني يعرفني على دكتور بالجامعه حتى يدير باله عليه بيومها لبست تنوره كصيره يم ركبه وجواها لابست كالون اسود شفاف وبدي وسترة جلد سوده يعني وفكيت شعري وشلته بس منا ومنا بماشات المهم رحت وياريتني مارحت .......
وصلت الجامعه وراها قبل ماوصل يم كليتي خابرني كلي وينج كتله حكفلك يم قسم كلي ماشي
شويه واسمع واحد يكلي اشتعلو عشيرتج على هاللبس هذا اني تفاجئت او مره هيج يغلط اني كتله شبيك محمد
كلي انعل ابو محمد والخلفوه على هذا اللبس  اني ظليت ساكته شبي هذا كلتله شبي لبسي غير افتهم
كلي تردين تخبلين امشي كدامي امشي نوب واكفه كدام العالم
وراها اخذ ني ورحنا كعد نا بالحديقه بس المسطبه كعدتها على الحديقه والحديقه مابيها احد لان بعده جان صبح
فكلي كعدي هنا كعدنا واني كلش ضايجه من تصرفه هذا ودمعه واكفه بطرف عيني ظل يحجي وليش لابسه هيج رجلج كلها طالعه وتنوره حصره وحجي حجي اول مره يحجيه وراها اني كاعده وخاله الملزمه على رجلي هذا شاف ولد وبنيه ديمشون بالحديقه جان يكول استغفر الله كام ونزع سترته وكلي خليها على رجليج اني اخذتها وحسستي اني مصلخه وطلع جكاير وظل يدخن وصاير نار وراها هدءندار عليه شافني مدنجه وكلشي محجيت كلي دنيا هو بس كال دنيا اني دموعي نزلت هو كلي لج لتبجين والله مقصدي اعيط بس فرت من شفتج هيج لابسه واني ابجي واكله لا انت فشلتني وبس ترزل بيه كلي اشتعلو عشيرتي نفر نفر على هاي دموع ولج لتبجين دموعج شعلوني شعل وراها سكتت كلي باباتي اني غير اخاف عليج تردين امشي بصفج ورجلج طالعه نصها واني اتفرج شفتيني خال اريلات كلي والله فقدت ومادري من شفتج ردت اكتلج سكت وراها كلي وجماله فاتحه شعرج الي اني اصلا جم مره كايلج ممنوع
نداريت عليه كلتله والله فتحته لان وسكتت كلي اي ليش كتله ماكو شي
كتله يله حروح حتبدي محاضرتي كلي وين لتخليني افشر حتكملين دوام بهذا لبسج وراها صدك ضجت نداريت عليه كتله اولا لبسي مابي شي وثانيا قبل لاطلع من البيت اهلي شافوني فكافي حسستني اني بلا ملابس
هو سكت كلي جان حركتج غير اذا بلا ملابس
اني ضحكت كلي كومي اليوم ماكو محاضرات اليوم بس الي كتله ليش عود كلي بكيفي
كلي كومي خل روح على صديقي داوصي عليج حتى يحجي ويه استاذج كلتله ماشي
مشينا نمشي وينافخ وراها رحنا على صديقه وحجه ويه علمود يحجي ويه استاذي لان صديقه ويوصي عليه لان اني جنت مو زينه بهاي الماده
وراها دنمشي صديقه ظل يحجي وياه اني شويه ابتعدت منهم كلت خاف يريد يكله شي
اجه محمد كلي امشي كدامي كتله شبيك كلي امشي لابتلي بيج
نزلنا وصلنا قريب باب كلتله وين طالعين كلي امشي كتله ماطلع من جامعه خلينا هنا واصلا عدي محاضرات كلي دمشي داوصلج للبيت
كتله يابيت داكلك محاضراتي كلي دنيا امشي لتخليني احجي حجي زايد واطلع من طوري امشي المهم طلعت واني جنت خايفه من عصبيته
وصلنا لسيارته وصعدنا ومشى وندار عليه كلي ورب الكعبه اذا شفتج لابسه هيج متلومين  الا نفسج  ا
كتله محمد ترى كبرت سالفه كلش كلي شكبرتها وكام يحجي يحجي وعصبي كتله شبيك يعني مو سدينا سالفه هاي وصرت هادي شبيك تحولت كلي تقبلين صديقي يكلي وسكت مكمل الحجايه كتله شيكول عليه كلي سدي الموضوع وظل طريق كله يفشر على سيارات الي تفوت من يمه الي متنطي مجال وراها وصلت البيت اني فتحت باب سياره ونزلت حتى مسلمت عليه هو شافني طبيت ورستا حرك
طبيت للبيت اني ضايجه منه لان هيج تصرف وكلت هاي عود مثقف وواعي وهيج امي شافتي كلتلي ها شرجعج كتلها اي ماكو محاضرات استاذ مجاي وشعدي باقي كلت ارجع
صعدت بدلت وراها نزلت اشتغلت ويه امي وتقريبا صارت 12 هيج
صعدت لغرفتي لكيته دازلي مسج وكاتبلي( تنزلين من سياره ومسلمين هين دنيا ) اني كلت بكلبي وفوكاها هو ابو راهي طيح حظي هو هناك ويريدني احجي عادي وياه عفته مجاوبته
وراها فتحت الفيس هو كلش يضوج ومحذرني مانزل صورتي بالفيس المهم غيرت صوره شخصيه وخليت صورتي نص وجهي
وكلبت بي شويه وسديته للعصر ماكو لا رساله لا دك
اني كلت لوتنكلب دنيا مادكله ولا ادزله مسج على الي سواه اليوم
وراها لليل جنت جوه صعدت لكيت تليفون حاركه حرك من الاتصالات ودازلي رساله كاتب والله اذا محجاوبين لاحرك عشيرتج
اني كلت هذا شبي بس يحرك بعشيرتي صبح حركهم شبقى بيهم المهم كلت شبي من صبح عصبي ادري مو رجعنا للبيت بعد شكو المهم هو دك رستا اني فتحت الخط بس كلت الو كلي هسه تغيرين صورتج بالفيس لا ارتكب بيج جنايه اني كتله ماغيرها عاجبتني كلي غيريها دنيا لتخليني ااحجي حجي ميعجبج وطبعا بصياح يحجي اني كتله اوكي سديت تليفون ورحت غيرت صورتي بالفيس شويه ودك كلي غيرتيها كتله اي كلي ماشي وسد تليفون بوجهي اني ظليت صافنه وخاله تليفون على اذني كلت هذا مخبل والله بعد محجي ويه على هاي تصرفات مال مخابيل
ثاني يوم بدلت ورحت للجامعه واني كلت هسه يجي يصالحني وخلص دوام وماكو حتى مدك فات تقريبا 4 ايام ودزلي مسج المغربيه كاتب (مشتاقلج ) مجاوبته بس صراحه اني جنت فرحانه
وراها دك مرتين مجاوبته دزلي مسج ( بعدج زعلانه ) مجاوبته فتحت فيس لكيته هم دازلي حجي وينج (مشتاقلج ليش مدكين وسئلين عليه ) اني كلت فوكاها يريدني اني ادك وراها ثاني يوم داومت وحظرت نفسي كلت اكيد حيجي للكليه حتى يصالحني ونضربت بوري وماجه بالليل جوي بيت خاله ابتسام يمنا ورؤى كلتلي تعالي نصعد فوك صعدنا ونطتني علبه صغير مغلفه كتلها هاي شنو كالت بارحه محمد ناطيها لاحمد حتى اوصلجياها فتحتها بيها ساعه وخال كرت جوه كاتب (اعتذر ) كلتلها باعي جايب هديه وكرت وممكلف يكتب شي بس اعتذر روئ همه كلهم هيج طكه ونص كتلها هسه شسوي كالت دخابري خطيه كتلها والله لو تعرفين سوه بيه فحجيتلها على الي سواها هي طبعا خربانه ضحك ودكلي حموت لا رجعج للبيت وطكها بضحكه. وراها كلتلي يله ميخالف شسويله مادام عرف غلطته كتلها لا مادك عود اذ دك اجاوبه وراها نزلتا جوه سويت عشه ويه امي وتعشينا كلنا وراها راحو وصعدت فوك كلت خل اقره شويه جان يدك محمد اني شويه وجاوبته كلتله الو كلي هلا والله اروح فدوه لهذا الصوت اني كتله شكو شرايد كلي غير سلامتج ماريد بعدج زعلانه كتله اي كلي ان شاءالله اموت وتخلصين مني وبعد مازعلج كتله اسم الله كلي اسف واعتذر بس اني والله يا بنتي اخاف عليج وماريد احد يباع عليج وكافي زعل ياعيني كلتله وسدت التليفون بوجهي نسيتها كلي والله جنت عصبي واني من اصير عصبي لساني يكوم يشتغل وانتي كل محجيت جاوبتيني ومردت اترفز ويطلع مني حجي محلو وسديته كتله خوش عذر كلي يابت الناس من شوفين عصبي سكتي لظلين ترادديني اني شويه واسكت كتله ها تريد طيح حظي واني ساكته ماحجي كال معاش والله اذبحه الي يوصل يمج وراها ظلينا نحجي ومر على علاقتنا تقريبا 3 اشهر ونص وفديوم جنت احجي وياه وفجاه دخل عليه واحد وصاااح ...... يتبع