دنيا : نصدمت شفته واكف كبالي يعني اول ماطلع من تفتيش مال الجامعه لكيته كبالي بكلبي كلت شبي هذا البارحه جان هنا
محمد : صباح الخير
دنيا صباح النور
محمد : شونج
دنيا : الحمدلله تمام انت شونك
محمد : اني بخير دامج انتي بخير
دنيا : شعدك هنا
محمد : جيت اخطفج 😈
دنيا : هههههه 😰
محمد : والله عدي موعد بالعشره هنا يم جامعه وكلت خل اجي اشوفج وراها اروح
دنيا : ها اي بس اني محاضرتي ب 9 يعني حتبقى وحدك للعشره
محمد : يهون عليج تعوفيني وحدي
دنيا : والله عندي امتحان يعني ماكدر لازم ادخل للمحاظره هاي
محمد : زين تعالي نكعد بعد وكت منا للتسعه
دنيا : اوكي تعال روح نكعد على ذني المسطبات كعدنا وهورد كلي شونج كلتله الحمدلله وبتسمت
محمد : قريتي زين للامتحان
دنيا : اي الحمدلله
محمد : المفروض اليوم اعاقبج
دنيا : ليش
محمد : تنهد وكلي مو كتلج شيلي شعرج
دنيا : اي مو شلته ذيل حصان
محمد : لا اني قصي شيلي كله سوي طوبه
دنيا : هههههه قصدك كبايه
محمد : شنو اكو تسريحه اسمها كبايه
دنيا : اي ههههه
محمد : ماكو كباب
دنيا : هههههه لا
محمد : لتوهين السالفه ليش مشلتيه
دنيا : اني صراحه ضجت حسيته كام يجاوز حده فكلتله عاجبني هيج اسوي
محمد : باوعلي كلي والله اني لو من عميد جامعه الا اخلي بنات كلها تتحجب
دنيا : هههههه ليش عود هيج انت متشدد
محمد : لا مو متشدد بس ماحب احد يشوف شعر الي يخصوني
دنيا : اني كمت امتمت كلته ها
محمد : انتي شكد عدج خوان وخوات
دنيا : عندي بس 2 ولد واني اصغر وحده
محمد : يعني انتي اخر العنقود
دنيا : اي
محمد : يعني انتي دلوعه مال البيت
دنيا : مممم يعني
محمد : ودلوعتي هم
دنيا : اني رستا دنجت وكلبي يدك وبيني وبين نفسي اكو اكول خرب اريد اكوم وراها محمد كام نزع قمصله ماته لان جانت شمس علينه ويمكن حتر بس عطره يسطر سطر
وراها فتحت ملزمه دراجع لازمه القلم محمد اخذ مني القلم ودفتر ودار دفتر من ظهره وفتحه وكتب رقم موبايل كلتله هذا شنو كلي هذا رقمي اذا احتاجيتي شي هنا خابريني ترى كلهم عرف
كلتله ها شكرا وراها كعدت اراجع لحد 8ونص صارت
محمد : دكافي قرايه والله تنجحين
دنيا : طبعا اني صح جنت دوراجع بس بالي يمه وهو بس يباع عليه
كلتله لا كملت واني يمكن سطر مكملت وراها كلي يله روحي لقسمج خاف بارده هنا كلتله وانت كلي اني هنا انتظرج لحد مطلعين اذا لحكتي عليه قبل ما اروح
كلتله لا بعد وكت صير الا روبع واصعد كلي براحتج
كلتله انت شنو تشتغل
كلي عندي مختبر واشتغل بي
كلتله انت خريج شنو كلي بايو كتله هنا كلي اي لذالك كتلج عدي عرف
كلتله زين لعد وراها تليفوني دك علي وياه بشله فجاوبته وعلي بس يضحك بيه المهم كلتله هسه شويه واجي سديته وجان محمد كلي منو هذا كتله هذا علي
كلي صدك علي هااا ومخنزر كلتله هذا ويايه بشله كلي كلش زين يعرف رقمج وضحك بيناتكم كلتله اي مو ويايه بشله وخوش ولد
كلي واني مو خوش ولد مو كلتله لا مو هيج ومعرفت صراحه ماعرف شحجي
وراها كام وعدل ملابسه وكال يله اني اترخص كتله وين مو موعدك بالعشره كلي لا حروح على صديقي هنا وراها اروح روحي انتي وراج امتحان وعلي دينتظرج هو رستا كلي يله مع السلامه وعافني وراح اني ظليت صافنه هذا مخبل شبي تحول بس شافني احجي ويه الولد وراها كمت رحت للقسم وجان امتحان عدنا امتحنا وراها كملت دوام رجعت للبيت خابرت رؤى كتلها على الي صار كلتلي معليج بي هو طباكات وضحكنا
وراها لليل فتحت فيس لكيته مفاتح
ثاني يوم دوام رجعت وهم فتحت فيس ماكو ظل تقريبا اسبوع كل مافتح فيس ماشوفه فاتح لو بس افتح هو يسده وراها اني كمت احوص بس اريد اعرف ليش هيج ديصرف طلعت رقمه جان كاتبه بدفتري ظليت ادك لا ادك لا الي كلت ادزله مسج وهاهيه
كتبتله هلو محمد شونك شخبارك حبيت اسئل عليك لان مدتفتح فيس وظل بالي ان شاء ماكو شي ودزيتها
وره تقريبا عشر دقايق دزلي مسج هلا والله اني بخير انتي شونج دوامج شونه دزيتله الحمدلله بخير كتله اسفه عالازعاج بس حبيت اطمئن عليك جاوبني انتي احلا ازعاج بس هالايام مالي خلك وشغل جاوبته الله يساعدك جاوبني نص ساعه واصل للبيت ونحاجه ماشي هسه داسوق جاوبته اوكي
وره ساعه هيج كاعده احضر هدومي مال دوام دزلي مسج كتبلي ليش مفاتحه فيس اني فتحت فيس بس نت جان شلعان كلب بس يحمل ويطلع من الصفحه ظليت احاول ماكو دزيتله مسج كتبتله شبكه تعبانه جاوبني شون نظل بس رسايل جاوبته اذا تعبان اخذ راحتك جاوبني انتي الي متعبتني جاوبته ليش شمسويه اني جاوبني انتي بخيله مترديني اسمع صوتج دزيتله لا بس ماريد اضوجك هذا رستا دك اني كمت يمه كمت اطكطك من الخوف هاف خوتي يفوتولي او يسمعون المهم جاوبته كتله الوكلي هلا والله هلا دندونتي كلتله شونك كلي هسه صرت زين من سمعت صوتج كلتله شون الشغل كلي الحمدلله كلي دندونتي كلتله نعم كلي مشتاق لشعرج كلتله ههههه كصيته كلي شنووووو صدك كصيتيه كلتله اي واني جنت اشاقه وياه هذا شو حسيته عصبي صار وشون تكصي وليش كلتله على كيفك داشاقه كلي والله اذا كاصته لازينج صفر اني ههههههه كلتله لا دشاقه كلي خوما دتفتحيه وشفتيني ماكو واخذتي راحتج اني هههههه وراها ظلينا نحجي لل2 ونص وراها كتلها محمد لازم اروح انام بعد ماكدر افتح عيوني كلي اوكي عيوني روحي ريحي عيونج الحلوات كتله تصبح على خير كلي دندونتي وخذ تنهيده وكلي .............. يتبع
أنت تقرأ
نصيبي
Romanceيلعب القدر الكثير من حياتنا ...... ابطال القصه حقيقين وعاشو هذه التفاصيل اتمنى ان تنال اعجابكم
