وره يومين من اتصال محمد خابرتني رؤى كلتلي انتي وين كتلها بالكليه وين واكفه مو اني بالكليه كتله حكفلج يم النافوره الاماميه كالت اوكي
رحت وكفت يم النافوره ادور رؤى ماكو طلعت تليفون دخابرها
جان وحد يكلي صباح الخير اني صعدت راسي قكفت كبالي محمد وظليت مصدومه هذا جابه هنا
كتله صباح النور
محمد : شونج
دنيا : الحمدلله
محمد : هههههه هم الحمدلله
دنيا : ابتسامه خفيفه
محمد : شعندج واكفه هنا
دنيا : رؤى حتجيني منتظرتها
محمد ديله لعد امشى
دنيا : وين مو كتلك روئ حتجي
محمد : روئ محتجي اني جنت انتظرج
دنيا : ظليت صافنه بوجهه
محمد : يله امشي نكعد بالكافتريه
دنيا: مشيت وياه واني كلش جنت خايفه وتوتره وكلسع اتلفت
محمد :شبيج داحس مفرحتي بشوفتي
دنيا : لا ابد بس خايفه لحد يشوفنا
محمد رستا التاف عليه وباوع كلي يعني منو يشوفنا اني حسيت محمد فهم غلط عباله اني احب واحد وخايفه يشوفني كتله يعني اقصد شله ماتي مو كتلهم بت خالتي حتجي وهسه اذا شافوك عبالهم داجذب عليهم
محمد : لا لتخافين محد يشوفنا تعالي نكعد هنا
دنيا : كعدنا بالكافتريا واني لازمه الدفتر مال محاظرات وصافنه عليه صعدت راسي شفت محمد يباع عليه
كلت خل اجرء واصير جريئه وكلتله شتشرب شتحب اجيبلك
محمد رستا خزرني كلتله شبيك مو انت ضيف هنا واني لازم اعزمك
محمد : كعدي هنا هسه اجي
دنيا شفت محمد ضاج كلت هذا شكد معقد وشويه شفته جاب قواطي عصاير واجه كعد كلي تفضلي كتله شكرا
محمد : انتي دايما عايفه شعرج مفتوح
دنيا : ايتغربت من سئلني على شعري كلتله مرات ومرات
محمد : متخافين يحسدون شعرج الحلو
دنيا : ههههه ليش بس اني عدي شعر
محمد : هههههه بعد لتفتحيه بالكليه
دنيا : محمد امرني بس سواها بشقه اني ظليت بس مبتسمه
محمد طلع تليفون وكلي شكد رقمج اني ظليت صافنه كتله شسوي بي
محمد : كال داشوف اذا خوش رقم اشتري منج
دنيا : ههههههههه
محمد : اي شكد
دنيا : لا ماكدر انطيكياه . هو جان لازم تليفون رستا قفله وخلا عالميز وطلع باكيت جكاير وكام يدخن
اني حسيته ضاج كتله محمد اني مناطيه رقمي لاحد غريب قاطعني كلي ليش اني غريب
اني بكلبي اكله يعني قابل رجلي سكتت محجيت
محمد : باباتي اني اعرفج من جنت بالمتوسطه من جانت خدودج تفاحات منا ومنا
دنيا : هههههه ضحكت بس بكلبي جنت خايفه وفرحانه
محمد : زين هسه اذا اني حتاجيت شي منج شلون اوصلج
دنيا : مثل موصلتلي اليوم
محمد : اليوم نشلع كلبي يله كدرت اشوفج زين ماشي نطيني صفحتج عالفيس
دنيا : استحيت اكله مانطيك شفت نفسي كلتله اوكي هو رستا كلي دزيتلج طلب كلتله انت متعرف اسمي بالفيس كلي اعرفه وحتى رقمج اعرفه بس محدك عليج لحد مانتي دكليلي
اني ظليت ساكته وكلت اكيد رؤى ماكو غيره اني اعلمها هاي كلبه
كلتله اني ماعندي انترنيت من ارجع للبيت عود اوافق كلي اوكي وراها كتلها اني لازم اروح عندي محاظره
محمد : اوكي عيني يله كومي خل اوصلج
دنيا وصلني يم درج لان اني شعبتي فوك صايره وكلي يله ديري بالج على نفسج ماشي كتله ماشي يله باي باي
صعدت لشعبتي واني المحاظره كلها افكر بي وبشخصيته وحسيته رجال وهو اصلا عده لحيه وشوارب وشويه شعره بي جم شبيايه وعضلات خفيفه يعني رجال صدك حلو
رجعت للبيت اول مافتت فتحت فيس وشفت جايني طلب منه فتت على صفحته وظليت اباوع بصوره وره كلها عباره عند طلعتات ويه جماعته راها ظليت اكول اقبل لو لا بعدين كلت خل اقبل وافقت عليه
بس هو جان مفاتح فيس وراها اني بدلت ونزلت تغديت ولملمت ورجعت صعدت فتحت فيس شفته مفاتح بعده كلت اوي شسويله خل انام
كعدت المغرب كمت غسلت وصليت وراها نزلت جوه كعدت يم اهلي سوالف وضحك وراها صعدت كلت خل اقره كعدت اقره تقريبا نص ساعه هيج كلت بله اشوفه فاتح فتحت لكيته مفاتح كلت هذا شبي وراها بالعشره ونص تقريبا فتحت فيس لكيته فاتح بس اني كلت مافوتله اسوي نفسي مشفته دقايق وفاتلي هلو
اني كلت مجاوبه بسرعه هسه عباله دانتظره
تقريبا وره خمس دقايق هيج كتبتله هلو كتبلي شونج كتله تمام انت شونك كلي بخير دامج انتي بخير كلتله الحمد للهوراها ظلينا نسولف لل12 وراها انتبهت عالوقت وماعرف شون مر كلتله يله اني اروح باجر عدي دوام كلي اوكي ماشي بس بشرط كتله شنو كلي باجر متفتحين شعرج اني ظليت صافنه كلت هذا شبي جلب بشعري كتله ليش كلي ماريد احد يشوف اني ضحكت كتبتله خل اتحجب فدنوب كتبلي يارييييييييييت اني كتبله الله كريم يله تصبح على خير وانتي من اهله باي باي
صبح كعدت بدلت ووكفت يم المرايه شلت شعري ذيل حصان ورحت للجامعه وصلت هناك دامشي شفت واحد كبالي ونصدمممممت من شفت ....
........يتبع
أنت تقرأ
نصيبي
Romanceيلعب القدر الكثير من حياتنا ...... ابطال القصه حقيقين وعاشو هذه التفاصيل اتمنى ان تنال اعجابكم
