وره جم اسبوع خابرتني رؤى دكلي محمد ترى ثابر احمد عليج ويكله اريد رقمه بس احمد كايله ماعندي مسئلني اني كتله خل اسئل دنيا تقبل
اني كتلها ديري بالج تنطين رقمي اموت خوتي تعرفيهم اذا دك رقم غريب وهم شافون رستا ياخذو همه يجاوبن فلسويلي مصيبه
كالتلي اي اني هم فكرت بخوتج كالت لعد شون انطي فيسج اني كتلها كلشي لتنطي شبيج انتي لسويلي سالفه كالت براحتج ملحت عليه لان تعرف اخوتي مشددين عليه صح مدلعيني ومهتمين بيه بس كلش يخافون عليه
جنت بالكليه خابرتني رؤى كالت العصر حجي اني وحنين يمج كتلها هلا بيج
رجعت العصر من الكليه تغديت ورحت نمت العصر اشوف وحد دكلي كومي عيني كومي خاتون كومي طلعتي معشوقه منذ الصغر فتحت عيون رؤى وحنين فوك راسي كتلهم ياستار ريا وسكينه عمرهن مانجمعن الا اكو مصيبه رؤى كالت دكومي صحصحي داشوفج فشي اني كمت كتلها شكو كالت باعي هاي منو ونطتني تليفون طبعا صوره مغوشه ومبينه تليفون قديم كتلها منيه هاي بارعت عزه هاي اني هاي وين منيلج صوره وضليت اضحك على شكلي لان جنت صغير وسمينه كلتلي دباعي هاي وين باوعت صوره اني ممنتبه اصلا ولازمه بطل ماي بيدي بس كتلها لج مداذكر وين اخذتيلي هاي صوره كالت عيني هاي مواني هاي الحبيب الولهان كتلها منو حمزه اخوج اخواها جان بي سوله يطك صور واحنا ممنتبهين حتى يضحك علينا بيها بعدين كالت لا مو حمزه وراها كتلها لتخبلين دحجي كالت هاي صوره بارحه محمد دزها لاحمد واحمد دزها الي ويكلي هاي دنيا لو لا
اني ظليت لحظه سكوت وصافنه على رؤى كتلها وكمت امتمت وم وم ومحمد م م يله. صورتي وطبعا كمت ارجف كتلي
لج محمد ممتاكد انتي بس بارحه دازها لاحمد يسئله هاي انتي بس احمد شعرفه دزها الي كتلها واني كلتله اي هاي دنيا من جانت يمكن بالمتوسطه
كتلها ميله صورتي دحجي ولج حتى مداذكر كولي عاد حموت
كالت محمد ماخذلج هاي صوره من جنتو راجعين من سوريا بطريق نازله انتي دتغسلين وماخذلج صوره وظل جم مره ينطيج رقم بس انتي ضربتي بوري اني هي كالت هيج رستا ذكرته كتله خرب خرب اذكرت وكمت من الفراش اروح واجي واكله والله ذكرته خر حظي لج هذا هذ هذا من جنا راجعين من سوريا جنت صف ثاني متوسط وهو يمكن عباله جبيره ظل كتله لج خرب عزه تهالي شوفي كلبي حيطلع من مكانه كلتلي لج اي هو بالخطوبه ممذكرج لاناتي خاله مكياج بس بالعزيمه عرفج لان اني بالعزيمه جنت خاله بس كحله وهايه فعرفني واصلا وجهي ممتغير من جنت صغير بس مجرد خدودي صغرانات وهاي بس هو متغير يمكن كبران لحيه عده فيعني مذكرته
اني كلسع اطلع صوره واضحك
وراها خابر احمد على رؤى كللها ها طلعت هي كلتله اي مو كلتلك هي جان يكلي نطينياها محمد ديريد يحاجيها اني كتلها ما ما ما وواشر بيدي هي رستا كلتله هاي هيانها اني كمت افشر وبيدي واسبها المهم اخذت تليفون واني ميت خجل
دنيا : الو
محمد : الو هلا والله شونج دنيا شخبارج ان شاءالله بخير
دنيا : الحمدلله
محمد : شونج بدوام ان شاءالله مرتاحه
دنيا : الحمدلله
محمد : شنو ماعندج غير الحمدلله
دنيا:: اي شونك انت
محمد : اني بخير دامج انتي بخير
دنيا : هاك رؤى
محمد : دقيقه ديقه شبيج بعدني ممكمل حجي
دنيا : اي
محمد : شفتي صوره
دنيا : اي
محمد : شبيج متحجين
دنيا : مو كاعد احجي
محمد : تعرفين من يوم الخطوبه واني بس اريد اذكرج ومن شفتج بالعزيمه عن قرب اذكرتج ورجعت للرامات التليفونات كلها ادور صورتج
دنيا : انت شلون تاخذلي صوره
محمد : كال والله اني عبالي انتي بالكليه بوكتها جنتي مينه اكبر من عمرج
دنيا : اي اني جنت ضخمه
محمد : بس هسه صايره تخبلين
دنيا : سكوت ماكو اي كلمه
محمد : انتي مبين عليج هيج تستحين
دنيا : لعد شمبين
محمد : لا بس صورت انتي بالجامعه وشويه جريئه
دنيا : اكلك محمد هاي رؤى تريد احمد يله باي
ورستا شمرت تليفون على رؤى
اني صح بالكليه بس اني عمري محجيت ويه ولد بتليفون ماعندي ابد علاقه مع العلم بنات خالاتي عادي عدهم بس اني محيطي بس بجامعه حتى شلتي بيها بس ولد واحد وباقي بنات فكلش ارتبك واستحي
أنت تقرأ
نصيبي
Romanceيلعب القدر الكثير من حياتنا ...... ابطال القصه حقيقين وعاشو هذه التفاصيل اتمنى ان تنال اعجابكم
