نصيبي

نصيبي جزء 1

بغداد بدايه 2007
دنيا : دنيا : مرحبا اني دنيا عمري 14 سنه بعدني طالبه صف ثاني متوسط اني بنيه طويله وخشنه بيضه وعيوني سود وشعري اسود طويل الي يشوفني يكول اني اكبر من عمري بسبب طولي
ص
اني عندي 2 اخوان ياسر- بعده بالكيه يدرس مرحله ثاني
علي -تخرج من السادس اعدادي
اخوتي بسبب وضع العراق ب 2007 ابويه طلعهم لسوريا خوفا عليهم جانو بيت عمي هنا عايشين فهمه اجرو شقه وكعدو بصفهم

صراحه اني البيت بهذا الوقت كلش صار يضوج اني اروح للمدرسه ارجع اقره وعادي حياتي اخوتي صارلهم بسوريا تقريبا 6
قررنا روح لسوريا نشوفهم جم يوم ونرجع لان اني اصلا عندي مدرسه
رحنا سوريا وجان رحله كلش تعب رحنا سياره كبيررره منشئا ومرت الايام واحنا بسوريا واخوتي شفناهم وراها صار اسبوع كلنا نرجع لان اني عندي مدرسه لكن خابرونا عمامي من بغداد كلوله لابويه لترجع وضع مو زين
وجان وضع بغداد بهذه الايام كلش تعبانه قتل عالهويه وطائفيه وره شهرين هدء الوضع وقررنا نرجع فحظرنا غراضنا وسلمنا على خوتي ورحنا بطريق برجعه وصنا الحدود فلازم ننزل علمود نختم الجوازات بسوريا فجان كلش ازحام وجانت دنيا شتا وبارده فجان اكو عائله رجال ومرته وطفل وياهم احد شاب يطلع بكد اخويه ياسر حلو جان بس هذا ظل يباع عليه وكلسع يندار اني صراحه كلت هذا شبي بكلبي كلت عزه هذا عباله اني جبيره بس اني جنت فرحانه لان جنت مراهقه وبهذا العمر واحد من يباع عليج تحسين نفسج جبيره المهم اني صراحه سويت نفسي مباوع عليه وعفته وراها خلصنا ختم الجوازات وطلعنا وصلنا لمنطقه وكفت كل سيارات كالو الامريكان سادين الطريق وظلينا  واكفين فمرت عمي ويانا جانت كالت عفيه دنيا نزلي بس خل مريم بت عمي صغير تغسل رجلها نطتني بطل ونزلنا جانو الناس كلها نازله من السيارات فاني وكفت داغسل لابت عمي جان شفت نفس الولد واكف كبال ويبارع ويضحك اني كلبي نعصر كلت عزه هذا نفسه وراها هذا شو شمر رقم من دارجع بس اني مشلته دست عليه ومشيت صارت دنيا ليل كل نازل من سيارات يعني جم مريه كاعده بسياره المهم نزلت وكفت يم الباب شفت ابويه بس ناطيني ظهري ماشوف الا واحد يكلي هاج وديهمس اندار اشوفه واكف يمي ودينطيني رقم بس اني شنو حسيت نفسي صرت صفره ومبقى بيه دم يعني اني من خوفي رحت لزكت بظهر ابويه عزه متت من الخوف وراها بعد مشفته رجعنا لبغداد وبالكوه قبلت المديره مال مدرستي ارجع لان اجازتي جانت بس اسبوع واني ظليت شهرين
وعادي مرت الايام جدا عاديه صرت وره خمس سنوات صرت دخلت جامعه  وراها صار عرس بت خالتي الجبيره امي عدها 3 خوات فيعني اني صح ماعندي خوات بس هنا خواتي لبات يمهم يباتون يمي وهيج فصار عدنا عرس جنا كلش مكيفين وخاصه هي جانت عدها علاقه وتحبه المهم جان 2011 جان خطوبتها لروئ جنا كلش فرحانين وعبالك عرس مو خطوبه المهم جنا محظوين كلشي وكاعدين ننتظر العريس وكلسع رؤى تكرص بيه وبنات خالاتي الباقيات على اساس حتى نلحكها ورؤى كلسع توعد وحده بنا الا ازوجج اخو الا ازوجج صديقه وجنا خربانيين ضحك المهم اجوي وقرو الفاتحه وكالو جيبو البنيه ديعقدلها شيخ راحت رؤى ولابسه فستان ابيض يعني جوه الركبه بشويه وخلولها شال وكعدت عقدولهم وكمنا نهلهل ونركص وكلش فرحانيين ممصدكين عدنا عرس المهم كالو حيفوتون جماعه الولد يردون يهوسوله لان هو يمكن 3 مرات يخطبها وابو ميقبل رابع مره قابل فجنا ممصدكين رؤى حتاخذ احمد المهم فات العريس احمد وراه فد 10 ولد شباب وصراحه حلوين ومرتبين كلش وكامو يهوسون ويركصون ورجل خالتي كلسع يجي ويكول لخالتي كافي خزيتونا خل يطلعون لافوت اطردهم قصده على جماعه العريس جماعه العريس مابيهم احد غريب ولد عمه ولد خواله يعني هيج المهم باوعت على ولد بس حسيته شايفته وعصرت مخي ابد مذكرته مره اكر يجوز بالكيه شايفته بس عمره مو مال كليه مره اكول يجوز شفته بشارع ظليت متت ومذكرته المهم عفته وراها جتي حنين بت خالتي كلتلي دنيا باع ذاك ابو جوز بس يباع عليج كلتلي سوي نفسج دتاخذين صور وشوفي المهم رفعت راسي باوعته لكيته نفس الولد الي اني مشبه عليه متت كلت هذا اكيد يعرفني والمصيبه هو يباع ويبتسم بتسامه واحد يعرفني اني ظليت كلسع اندار عليه اريد اذكره ومداذكر المهم المهم راحو وخلصت الخطوبه وصعدنا البنات كلنا دنسولف عالخطوبه ونضحك فحنين كالت شفتو هذا ابو جوزي شون يباع على دنيا اني نداريت كتلهم خرب هذا حموت واعرف وين شايفته المهم راوينه صورته لرؤى كالت هذا صديقه لاحمد اسمه محمد اني كتلها هو يداو بكليه كالت لا هو تخرج من زمان ويه احمد كلت لعد هذا مو ويايه بجامعه

خلينا نرجع على محمد
محمد اني مواليد 85  اني خريج جامعه بغداد كليه العلوم قسم بايو  اني عندي مختبر وداشتغل بي
المهم اليوم خطوبه احمد الي هو مثابه اخويه جنت فرحان اله لان اهيررررا اخذ رؤى بعد عناء طويل رحنا لبيت العروسه قرينا الفاتحه وعقد اجمد على رؤى وراها احمد كال زفوني لرؤى كناله بابا خاف اهلها ميقبلون نفوت مال معليكم المهم فتنا هوسنا هوساتنا وركصنا ودبجنا المهم شفت كومه بنات واكفات كلهن حلوات بس اكو وحد شعرها اسود طويل ولابسه بنطرون وستره وكلش حلوه المهم شفتها كلت هايه وين شايفها شكلها ابد مو غريب المهم انتبهت هي دتباوع عليه اني كلت هاي يجوز تعرفني اني ظليت ابتسملها عساس هي تعرفني المهم اني اصلا مذكرتها بس صراحه عجبتني كلش هي ظاهر بت خاله رؤى لان الي اعرف من احمد عدها بنات خاله كومه
.
.
.
.
. يتبع ..........