19: Kuya No More

300 26 2

"KUYA Greco, thank you sa paglibre sa'min ng drinks at snacks kanina, ha?" sabi ni Ruma habang nasa passenger seat siya ng kotse ni Greco. Yep, ito ang nagbayad ng bill nila sa Freezy kanina. Hindi na nila ito napigilan dahil habang kino-compute ni Irene ang bill nila para hatiin eh bigla nang nag-abot ng cash si Greco sa staff. Ayaw namang tanggapin ng lalaki ang pera nila kaya wala na silang nagawa. "Dinalhan mo na nga kami ng gifts, nilibre mo pa kami."

"No, it's no big deal," sabi naman ni Greco na saglit lang siyang sinulyapan bago binalik ang atensiyon nito sa kalsada dahil nag-da-drive ito. "Parang apology ko na rin 'yon sa inyo kasi nakisali ako sa celebration ng squad niyo. I'm glad you and your friends liked my present."

"You didn't have to spend that much, Greco," sabi ni Rabi na nasa backseat. Muntik na niyang makalimutan na kasama nga pala nila ang kakambal niya dahil simula nang sumakay sila sa kotse ay tahimik lang ito habang kinakalikot ang phone nito. "A simple present like a cake would have sufficed."

"Oh, there's a cake beside you, Rabi," sabi ni Greco. "It's a gift for your parents."

Dumukwang siya para silipin ang backseat. Gaya nga ng sinabi ni Greco, merong box ng cake do'n na nakapatong sa isa pang mas malaking box. "You're so thoughtful, Kuya Greco," sabi niya, saka niya nilingon ang lalaki. "I'll tell Dad to bring the cake to our mom tomorrow. Sakto kasi tuwing weekend, dinadalaw ng daddy namin ang mommy namin."

"That's great," nakangiting sabi nito. "Is this the subdivision where you live?"

"Yes," sagot niya. "Ako na ang kakausap sa guard. Mahigpit ngayon ang security sa'min kasi bumalik na naman 'yong magnanakaw dito last week. May nabiktima na naman sila." Binaba niya ang salamin sa gilid niya nang huminto ang kotse sa guard house. Kilala naman siya ng guwardiya at sinabi niyang bisita nila si Greco. Still, they asked him to leave his driver's license before they let them enter the subdivision. "They're working extra hard."

"Come to think of it, parang may nabasa nga akong news about sa sunod-sunod na pagnanakaw sa isang subdivision dito sa Bulacan," halatang nag-aalala na sabi nito. "Ito ba 'yong subdivision na nasa news?"

Nakangiting nag-thumbs up siya rito. "Yep– kami nga 'yon."

"That's not something you should be proud of, dummy," saway sa kanya ni Rabi. "Muntik nang mapasok ng magnanakaw sina Irene last week, 'di ba?"

"Right," nanlulumong sagot niya, saka niya binaba ang kamay niya. "Buti na lang, nagising agad ang daddy niya at nakatawag sa guardhouse. Unfortunately, hindi na nila nahabol 'yong magnanakaw. Kahit sa CCTV, hindi nakita 'yong mukha no'ng culprit, eh."

"You should be extra careful then," halatang nag-aalala na sabi ni Greco. "Lalo na kapag kayong dalawa lang ni Rabi ang nasa bahay niyo."

"Yeah, thanks," sagot ni Rabi. "I always make sure that the doors and windows are locked. I even go to Ruma's room when she's asleep to make sure her door is locked from the inside."

Nag-pout siya dahil totoo 'yon. Ginagamit ni Rabi ang adjacent door nila para makapasok sa kuwarto niya. Wala kasi itong tiwala sa kanya kahit sinasabi naman niya rito na nila-lock niya ang pinto ng bedroom niya bago siya matulog.

Mukha namang na-satisfy si Greco sa sinabi ng kakambal niya. "That's good to hear."

"We're here," deklara ni Ruma nang makita na niya ang bahay nila. "That's our house."

Hininto ni Greco ang kotse nito sa tapat ng bahay nila. Naunang bumaba si Rabi para buksan ang gate. Pagkatapos, pinarada naman ni Greco ang sasakyan nito sa garahe nila bago sila bumaba. Kinuha muna ng lalaki ang dalawang box na nasa backseat kanina, saka ito sumunod sa kanya sa loob ng bahay dahil inimbitahan nila itong mag-coffee muna bilang pasasalamat sa paghahatid nito sa kanila.

Pagdating nila sa loob, inabot ni Greco ang cake sa kanya. Pagkatapos, pinaupo muna nila ito sa couch. Then, she and her twin brother went inside the kitchen.

"Rabi kicked me out of the kitchen," masiglang deklara ni Ruma nang bumalik siya sa living room kung saan iniwan nila si Greco kanina. "Siya na lang daw ang gagawa ng drinks kaya i-entertain na lang daw kita," pagbabalita niya, saka siya umupo sa tabi ni Greco na nasa couch. "Gusto mo bang manood ng TV, Kuya Greco?"

"Ah, no. Just talking is fine," sabi ni Greco, saka nito kinuha ang malaking kahon at inabot iyon sa kanya. "Ruma, here. Ito ang gift ko sa'yo."

"Huh?" nagtatakang tanong niya. "Pero may drawstring package na ko."

"That was a present for everyone," nakangiting katwiran nito. "But this one is for you."

Nagtataka man, kinuha pa rin niya ang kahon. Plain white lang ang wrapper niyon pero meron namang red ribbon sa ibabaw. Nang buksan niya ang box, nagulat siya sa sumalubong sa kanya. "These plushies are so cute, Kuya Greco!" Pinatong niya sa kandungan niya ang kahon at kinuha mula sa loob niyon ang dalawang plushies. Chibi versions iyon ng characters nilang sina Ri at Strange. The dolls were so soft that she couldn't stop herself from hugging them. "Are these really for me?"

"Of course," sagot nito. "Pinagawa ko 'yon no'ng ni-launch natin ang comics natin. Plano ko sana na ipa-deliver lang 'yan pero nang makita ko ang rapid increase ng views natin, naisip ko na puntahan ka dito. Kasi everytime na ino-open up ko ang tungkol sa views ng comics natin, binabago mo ang topic."

Dinaan niya sa tawa ang pagkapahiyang naramdaman. "I'm too scared to know. I even told the whole squad not to bring it up."

Bumuga ito ng hangin habang iiling-iling. "Iniiwasan mong i-check ang views ng webcomics natin pero updated ka sa progress ng webcomics ng kakambal mo?"

"Of course," automatic na sagot niya dahil para sa kanya, 'yon ang pinaka-natural na bagay sa mundo niya. "Rabi is my baby brother. It's my duty to look after him."

Nanlaki ang mga mata nito sa gulat. "Really? You're older than Rabi?"

Proud na tumango siya. "Yes. I'm sixty second older than Rabi. He just looks older than me because he's always grumpy. Pero ako pa rin ang ate niya."

"That's a surprise," nakangiting sabi nito. "Akala ko, kuya mo si Rabi. Ang overprotective kasi niya sa'yo, eh."

"No, that's not true," kontra niya. "He's just a rude brat. He always hits me when I'm supposed to be his big sister."

Natawa ito habang iiling-iling. "You really get along well."

Ngumiti lang siya at binago na ang usapan. "Kuya Greco, super thank you talaga sa mga gift mo. Next time, I'll prepare something for you as a token of gratitude."

"I'm looking forward to it," nakangiting sabi ng lalaki. "Ruma, can I make a request?"

"Sure, Kuya Greco."

"Have more confidence in yourself, Ruma," seryosong sabi nito. "You're not from the School for the Gifted." Pinatong nito ang kamay sa ulo niya. "And you're a good writer. You should be more proud of our webcomics, okay?" Bumaba ang kamay nito sa mukha niya para marahang pisilin ang pisngi niya. "Congratulations again for hitting fifty thousand views, Ruma. You're doing amazing. Keep it up."

She was touched. Hindi niya alam kung bakit pero kasabay ng pag-iiba ng heartbeat niya at nag-init din ang mga pisngi niya. Ngayon niya lang 'to naramdaman!

"And I have one more request, Ruma," nakangiting sabi ng lalaki mayamaya. "Please stop calling me 'kuya' since we're only two years apart."

"Are you sure?"

"Yep, try calling me by my name."

"G-Greco..." nahihiyang sabi ni Ruma sa mahinang boses. Nang umarte si Greco na hindi siya naririnig, tumikhim siya at mas nilakasan ang pagsasalita. "Greco."

Greco smiled so charmingly she thought he was literally shining at that moment. "Yes, Ruma?"

Ah, what is this feeling?

Our Sixty-Second Gap (Published/Preview)Basahin ang storyang ito ng LIBRE!