غضب العشق ( نهوة)

البارت ١٨

غضب: لتزعلين حبيبي مادري شبية خلي نطلع فرحانين رايحين تصيرين مرتي بالقانون لتكلبيها علينه
عشق: اني اكلبها
غضب: لا والله اني بس لتزعلين
عشق : هههه يلة كوم مزعلانه
غضب: يمة فدوة ل هل ضحكة
كمت لبست شالي وطلعت وهوة وراي نزلنه سويت ريوك هوة كاعد ويا ابو بالصالة ديحجون صبيت الريوك واخذت الصينية حطيتها كباله وكعدت تريكنا وهوة يحجي ويا اهله واني صافنه عليه بي شي مختلف اليوم يمكن تعاملة الحلو خلصنا الريوك شلت الصينية سمعت يصيح واني بالمطبخ
غضب: عشق عشق وينج
رحتله كاعد بالصالة
عشق: ها غضب
غضب: حضري نفسج راح نطلع للمحكمة
عشق: اوك
عفته وصعدت فوك للغرفة بدلت لفيت شالي فتحت باب الغرفة شفت امي بوجهي حضنتها بقوة ودموعي نزلت شفته واكف وراها
غضب: جبتها الج حتى تضحكين لو تبجين
عشق: مدابجي
فكيت امي ومسحت دموعي
ام عشق: شلونج عشق
عشق: مشتاقتلج ماما
غضب: يلة نزلي انتضريني ابدل واجيج
دخل للغرفة نزلت اني وامي ضلت تسألني شلون غضب وياج ومبين تعامله احسن كلتلها احسن من قبل ام غضب هم بدلت وطلعت وكفنه ننتضر غضب دقايق ونزل لابس بنطرون اسود وقميص  اسود وقمصلة سودة طالع حلو وعطرة قوي ضليت صافنه الى ان وكف كدامي ومد اصبعة على خشمي
غضب: عجبج
عشق: اي طالع حلو
غضب: الحمد لله رضيتي علية
ندار لامة : جاهزين
ام غضب: اي يمة يلة نتوكل
طلع كدامنه صعدت امه بصفه واني وامي ورا الطريق كله عينه بعيني
غضب: عشق شمسوية بعينج
عشق: شمسوية
غضب: شمخليتلها
عشق: ها كحله
غضب: كلتيلي قبل لتحطيها
ام غضب: يمة شكو ب
قاطعها وهو يكز على سنونة
غضب: معليج يمة وانتي سألتيني قبل لتحطين
عشق: عفية مو كل البنات يح
قاطعني: البنات وحد وانتي وحد لتقارنين نفسج بيهن
مد ايدة سحب كلينسة ومدة الي وهوة يباوع بالمرايا : مسحيها
عشق: عفية غضب
غضب: اخذي الكلينس وامسححححي
اخذتة من ايدة واني امسح نزلت دموعي
غضب: شكو تبجين علمود كحلة
زادت دموعي وزادت ايدي قوة ب مسح عيوني وكف السيارة بقوة وندار علية
غضب بعصبية سحب ايدي من عيني: على كيفج لتنبط عينج
سحبت ايدي منه ودموعي زادت لزم حنجي
غضب: الف مرة كلت لتبجين كدااااامي
ام عشق: يمه على كي
قاطعها: لتدخلللين
لازم حنجي قربة على وجهة: مسحي دموعج
ندار لمكانه
عشق: رجعني للبيت
ضرب الاستيرن بقوة وندار باوعلي : بلا خبال
عشق بدموع: شكو بيها اذا حطيت كحلة
غضب: اني مدكدر انزل عيوني من عيونج الغريب شحالة
محجيت شي بس الدموع تنزل فتح بابة ونزل فتح بابي وكور وجهي بين ايديناته  حط كصته على كصتي بس احسه نار جهنم
غضب: ارحميني اررررحميني
وجهي بين ايدي وكصته على كصتي هزيت راسي بمعنى اي باس كصتي وسد بابي وكعد بمكانه وطلع مسحت دموعي وكعدت ماردت اضغط عليه واني اعرفة لازم اعصابة بكوة امي وامة ماحجن شي  ولا عبالك موجودات وصلنه للمحكمة نزل فتح بابي لزم ايدي ونزلني احس الناس كلها تباوع علينه دخلنا اجراءات وسوالف عقدنه صرت مرتة هسه وكف لزم ركبتي بايدة حاوط ركبتي ومد شفته على كصتي باسها بقوة وكال شكرآ طلعنه امه ماقبلت تكعد كدام كعدتني اني بصفه واني ميته خجل وكف كدام مطعم نزلنه تغدينة لان جانت الساعة ١٢ تقريبآ رجعنه للبيت شفت غرفة غضب بالحديقة فاتحيها
عشق: هاي ليش غرفتك هنا
غضب: ديشكلون غرفتنا فوك
دخلنا للبيت كلها باركتلنه شفت ابوية واكف تثدمت يمه لزمت ايدة بستها ونزلت دموعي يمكن لو ابوية واكف وياي جان ماوصلت هنا اليوم هو باس راسي وندار بست ايد عمي هم باس راسي وكعد غضب لزم ايدي وصعدني ويا باوعت غرفته مصبوغة ابيض ورصاصي باوعتله
عشق: هاي شوكت
غضب: اول ماطلعنه جابو الصباغ
وكف وراي حضني وباس راسي من ورا
غضب: باجر نشكل الغرفة وعكبة الحنه ووراها تصيرين الي وحدي
خفت من كلمة تصيرين الي ابتعدت عنه ونداريت باوعتله
عشق: خلي اروح لبيت اهلي لحد يوم العرس
غضب: لا ماكو بيت اهلج بعد تضلين هنا كلها على بعضها ٣ ايام وينتهي كلشي
تقربت منه حضنت خصرة ورفع وجهي لوجهة حنجي على صدرة وكتله بعيون متوسلة
عشق: غير اطلع من بيت اهلي الناس شيكولون لو اني مو مثل باقي البنات وتجي تاخذني من بيت اهلي
حضني هوة هم وباس كصتي
غضب: ماكدر ابتعد عنج
عشق: ليش متفكر بية
غضب: ماعندي غير انتي بتفكيري وكلبي ثقي بالله
ذب حسرة وباس راسي بقوة: احبج واموت بيج بس ماكدر ابتعد منج اختنك وروح جدي النفس ما اخذة
كلبت وجهي وفكيت ايدي من خصرة هوة لزمني ع السريع وحضني ذب حسرة وتنهد
غضب: ماشي تطلعين من بيت اهلج عروس بس مو اليوم تروحين بالحنه روحي ماكدر اتحمل فراكج بكوة راح اتحمل يوم واحد
هزيت راسي بمعنى اي بسته من خده : شكرآ
ضل حاضني مادري شكد الى ان دفعته من حسيت خنكني بحضنته
غضب: ها حبيبي شبيك
ضحكت اريد اضم الضحكة ماكدر
غضب: شبيج تضحكين حبيبي
عشق: ههههه ميلوكلك دور العاشق هههههه
غضب: تضحكين علية
عشق: انته تخيل غضب عاشق
غضب: مو هيج غضب العشق  وعشق الغضب
عشق: يلة ننزل
غضب: ليش
عشق: غير الاهل جوة مو عيب شيكولون
غضب: يكولون الي يكولو ميهمني
عشق: عفية غضب مشتاقلة لاهلي خلي اشوفهم
غضب: شوكت تشتاقيلي وارتاح
عفته ونزلت الزلم كاعدين بالاستقبال عمامي كلهم جايين طبيت بوست ايدهم باركولي ولدهم كاعدين كلهم كالو مبروك بنت العم غضب دخل سلم عليهم باركولة
طلعت لغرفة البنات نسوان عمامي والبنات كاعدات صاحني البنات اكعد يمهن كعدت سوالفهن ع المكياج والحب واني الشغلتين محرمات عليه سألوني على معاملة غضب وياي كلتلهم الحمد لله وكمت امي كاعدة ويا نسوان عمامي مددت بصفها نزعت شالي وحطيت راسي بحضنها لعبت بشعري درت وجهي على بطنها حضنتها وهيه تلعب بشعري نزلت دمعتي حيل صعبة تبتعدين عن امج يعني حنانج كله يروح منج صح ببيت اهلي جانت معاملة اخواني لا تقل عن معاملة غضب بس هناك احسن ع الاقل امي يمي بحبها وحنيتها عليه من اخدم داخدم ابوية واخوتي مو مثل هنا صح مابيهم حنية بس مجرد اني وياهم سعادة بالنسبة الي هناك بيتي بدون شال افتر ومن انام البس الي ارتاح بيهن مو مثل هنا غضب حنين علية بس افعالة ممتوازنة ساعة عصبي وساعة عاشق الحمد لله على كل حال حضنت بطنها وهيه تمسح على راسي غفيت مادري بعد يمكن حضن الام غير شكل لو يمكن لان البارحة تأخرت يله نمت لو يمكن تعبي النفسي انعكس بنومتي صحيت ورا  كم ساعة على ايد محاوطتني وعطر عرفته قبل لا افتح عيوني هذا عطره عطر غضب نايم وراي ومحاوطني واحس ببوساته على شعري مافتحت عيني درت نفسي باتجاهة  هوة باس راسي وفرك ضهري مديت ايدي جوا والثانية فوكا رغم الي يسوي غضب بس الامان الي احسه ويا حتى ويا امي ما احسه شي واحد مطمني اذا اني ويا امي مراح تكدر تمنع احد يأذيني لان احتمال تتأذة وياي بس اذا اني ويا غضب محد يأذيني غيرة بس اذيته من حبي اعترف من البارحة من سمعت غضب يحبني وحجالي شوكت حبني شي بداخلي تحرك نحوة حضني لصدرة
عشق بنعس: غضب
غضب: ي عيونة
عشق : لتعوفني
غضب: اعوف نفسي وماعوفج
حضني بقوة كلمة لتعوفني طلعت من داخلي مو من لساني حلو شعور تحسين انتي عزيزة يم انسان انتي كلشي بحياتة ويحافظ عليج من نسمة الهوة ويتمنى رضاج نمت واني احس ببوساته على شعري حسيت ورا فترة وهو يتحرك يريد يكوم فتحت عيوني
عشق: وين رايح
غضب: كعدتي حبيبي
باس راسي
غضب: يحيى لازمي بسيطرة شايل سلاح اروح اشوفة
عشق: ماشي
طلع لبست شالي وكمت غسلت وجهي اجتي سرى واني اغسل حضنتني نشفت وجهي
عشق: شبيج
سرى: لاول مرة من البارحة لليوم غضب هادئ كله بفضلج
عشق: اي صدك يحيى لازمي بالسيطرة
سرى: اي غبي على شنو شايل سلاح
عشق: تحبي
سرى: منو يحيى طبعآ هذا حيصير رجلي
عشق: شلون تحبي بعصبيته
سرى: يحيى افضل من غضب وعدي وقصي باضعاف على الاقل يحبني ميأذيني
عشق: هم صدك بالخير عليكم
دخلت للاستقبال عمامي كاعدين يسبون ب يحيى ويكولون عليه مزعطه باوع الساعة بال ٨ بليل يعني صار ٧ ساعات نايمة شلون نومة ضلو يتناقشون على يحيى ووضعة عراقيين من يلزمون سالفة بعد ضليت كاعدة ماحجيت ولا كلمة  احس الكعدة بدون غضب مابيها طعم يمكن حبيته مرت اكثر من ساعة دخل يحيى وغضب ورا واحمد ابن عمي وياهم لزمو عمامي رزايل واني اباوع ل غضب يحيى فات يغسل وجهة صاح سرى الخاولي وين كامت سرى توديلة الخاولي اني جعت طلعت من الاستقبال شفت يحيى حاضن سرى وهيه تبجي بحضنه وتكله لتسوي هشكل بعد يضلون يحجون عليك كدامي يمكن يحيى وسرى من زمان واحد يحب الخ دخلت للمطبخ طلعت كبه داكلي دخل غضب
غضب: سويلي وياج حبيبتي
ماعرف شصار بية يمكن اشتاقيتلة ويمكن غيرة بنات لان شفت سرى حضنت يحيى خلتني اندار اباوعله واروح ركض عليه واكمز على خصرة حاوطت خصرة انصدم تعلكت بركبته حضني وهوة شايلني مديت راسي بركبته
عشق: ليش تأخرت
غضب: من ورا يحيى انتي شبيج حبيبتي
عشق: ضل هيج وياي لتتغير
بعد وجهة من ركبتي وباوع بعيوني
غضب: شبيج عشق
عشق: شتاقيتلك
ماحسيت غير غضب يقترب ويبوسني واني معلكة بركبته دخلت امه للمطبخ
ام غضب: الدهن احتر
شافتنه مكملت حجايتها وطلعت استحت واني استحيت اكثر ضربته على جتفه ابتعد
غضب: ها حبيبي
عشق: امك شافتنه نزلني
دار وجهة باوع ورا وندار باوعلي
غضب: راحت عوفج منها وين جنت
دفعته وحليت رجلي من خصرة ونزلت
عشق: جنت بالعشا
غضب: لا جنت داتعشة تعاي وين رايحة
عشق: اسوي عشا
غضب: ماريد اتعشى بيج اني
عشق: واني شتعشى جوعانه
غضب بابتسامة: تعشي بيه
عشق: لا اريد اكل امشي يم عمامك احضر العشا اني
غضب: اووف ماشي
ديطلع صحته
عشق: غضب
ندار باوعلي : ها حبيبي غيرتي رأيي
واقترب باتجاهي
عشق: نزل وجهك شوية
حط ايدة ورا ضهرة وقرب وجهة علية مغمض عيونه بالردان مال دشداشتي مسحت شفايفة فتح عيونه
غضب: شنو
عشق: حمرة ضلت
غضب: ياحمرة
مسح شفايفي باصبعة وباوعلي
غضب: هاي شنو
عشق: حمرة
غضب: وليش تحطين حمرة
عشق: اووف غضب غير متزوجة ترة فدنوب سويتها مو صوجك صوجي 
حبيت اتزعل على راسة لازم اغيرة مو حالة هاي محرومة من كلشي من ورا نداريت علساس زعلانه وكفت ع الطباخ اجه وراي حضني
غضب: اسف حبيبي لتزعلين
نداريت باوعتله
عشق: دائمآ هيج تسوي
غضب رفع ايدة للسما: ااااخ الله شمسوي بحياتي ودزيتلي هيج وردة الي
ابتسمت جان يقترب اكثر حط ايدة ورا ضهرة وانحنى بتجاهي
غضب: منينلج الحمرة
عشق بضحكة شريرة: وصيت قدس عليها
غضب: ها وينها دشوف
عشق: امانه متكسرها
غضب: والله ما اكسرها بس اشوفها
عشق: اوك
درت ضهري علية ومديت ايدي طلعتها من ( المكان الي كل البنات يضمون بي شغلاتهم المهمة ههههه) حسيت راسة على جتفي
غضب: هاي وين ضامتها
درت وجهي عليه واني شايلتها: شعليك انته
اخذها من ايدي ويباوع بعيوني
عشق بتوسل : عفية غضب انته حلفت متكسرها
غضب: ب

🌹🌹
للكاتبة Lamar Alzankna

------
اعتذر عن التأخير بس كلتلكم عندي شغل الكلية اليوم طلعت من ٧ ونص الصبح لل٢ الضهر يلة رجعت نمت من التعب لان البارحة سهرت لل٥ الصبح  بل ٧ المغرب يلة كعدت وهسه كعدت اكتبلكم البارت اعذروني اذا البارتات صايرة بيها جرائة بس هذا طلب البطلة ان اذكر القصة بالتفاصيل واصلا همه متزوجين شتتوقعوهم 😂 المهم بالنسبة لليسألون شوكت تخلص القصة ف اجاوبهم يمكن تطول بعد اكثر من ١٠ ايام لان القصة داذكرها بالتفصيل 💐💐

البارت طولتة لخاطر عيونكم الحلوة صار ١٧٦٦ كلمة

شكرآ لتعليقاتكم الحلوة🌹
التصويت اليخبببل🌹
التشجيع المستمر الرائع 🌹

احبكم❤