اريد ان اعيش

البارت الخامس

#اريد_ان_اعيش 5
الخامس ...
بقلمي نوره
Nora Naser

نور ...
تفاجئت بدخلته عليه .. جنت شايله يسر .. وافتر
بي ضوجني بس يبجي واني تعبانه ..

من شفته .. اتمنيت اروح الـه .. احضنه اگوله اسفه
على كلامي السمعته الك
بس ماسويتها سويت نفسي .. مدايره بال اله ابد
وكملت فرتي بالغرفه ..
اجه اقترب مني واخذ يسر وبوسني ..
علاء .. حمدلله على سلامتج
نور .. ابتعدت منه وتصنعت الالم ورحت كعدت على السرير ..گتله شجابك مو ابنك مريض .. ليش جيت
علاء .. ارجع ؟؟؟؟
نور .. ترجع تبقى متهمني مااگدي منك اهتمام
علاء .. هااا هي عليه وقتربت منها وهي كاعده على السرير اريد ابوسهه من شفتها ميلت نفسهه على السرير مقبلت وطنكرت ودارت وجهه گتلها هاا شكو الهالدرجه زعلانه مني نور لاتدلعين
نور.. علاء اني مجرد شي ثانوي بحياتك
واني مااريد هالشي طبعا .. باع اكرهني طلكني
بس لتجيلي وقت حاجتك
علاء .. صدووك تحجين هذا ضنج بيه
نور .. انطيني يسر خلي انيمه
علاء .. راح اخذه يمي العبه
نور .. فتت بالفراش وتغطيت ..
وهو طلع من الغرفه ويا يسر
انقهرت عليه كلش هواي حجيت حجي مؤلم
بس خلي يحس بيه وباليحجي ويايه ويشوف شون انجرح من كلامه
سحبت الفون .. وخابرت احلام
هااحلام مكتيلي شكد فلوس المستشفى
احلام .. ولج حيدر ميقبل ياخذ
نور ..ليش بالله زين كوليلي شكد اني اتصرف
احلام .. ولج ماادري مقبل يكول هسه شونج
نور .. زينه اجه علاء
احلام .. اي اشوفج زينه هه
نور ...ههههه يلا حبي اخابرج غير وقت
سديته منها شفت مسج من حيدر
ياعزااا شاف طلب الصداقه وصل اله الاشعار
واكيد عرفني لان اني كاتبه اسمي بالانكليزي
نور سلام ومعلومات عني مكان سكني وشغلي
اكيد عرفني يااااخرب
نوب كاتب هلا ام حلا شفتج دازتلي طلب صداقه
خير محتاجه شي ..
كلت خلي ارد عليه فشله واكوله على الفلوس
رديت عليه سلامتك مااريد بس شكد فلوس المستشفى
حيدر .. لا خليهن مال سلامتج يمعوده ..
نور .. لا عيني مقصرت الي سويته وياي ميتسوه
والله بس كول شكد وعفت الفون .. وطلعت

••________________••
علاء .. كعدت يم عمتي .. وسولفت الي كل شي

وكالت حما احلام هيج وهيج ماخذهه من الشغل  ودفع فلوس المستشفى ومااعرف شنو
اني رأسا خليت يسر يم عمتي ورحت النور للغرفه
اول مافتحت الباب .. شفتهه تريد تطلع سحبتهه
من ايدهه ..
تعالي نور .. شنو الي سمعته من عمتي
نور .. اووو شسمعت ..ودرت وجهي عنه
علاء .. شنوو اووو هيج كلامي ثكيل عليج ودرت وجهه صوبي بعد شنو سمعت متخربطه بالدوام ومن هالحجي ...
نور ... اي علاء وخلف الله على الولد ساعدني وداني المستشفى واهتم بيه .. وداني مستشفى خاص ولو انت مجان سويتهه وعفته اريد اطلع
علاء .. شنو تعيريني بي
نور..مثلما انت تعيرني بامل
علاء ..سمعيني نور حتى تبطلين من الشغل واخذج ويايه للعماره
نور .. شسوي رايحه وياك وين اكعد ببيت اختك
علاء .. اني ادبرها معليج
نور .. والشغل .. اعوفه
علاء .. اي تعوفي اني اصرف عليكم
نور ... وامي
علاء .. اذا تردين ناخذها ويانه
نور .. ماااا . وخر وعفته وطلعت
علاء ... لاصدك تتدلع هي اني اعلمها مااخليها تداوم
طبيت اريد ابدل اروح اجيب اكل من المطعم .. لان شكلها تعبانه ومابيهه تطبخ وامها هم تعبانه ...