الابن السري
البارت التاسع
غدير وسام
مشكاة .....بقيت ابجي الى نمت وماعرف شصار محسيت الى سامر يصحي بيه وخابف
سامر ..... شبيج ميشو حبي اصحي شلته وردت اخليها بسريرها خلت راسها بركبتي وبجت حسيت رجليه مشالتني وعرفت هي شكد متألمه وضعيفه
مشكاة ..... من شالني حضنته جنت محتاجه حضنه عرفت انو هذا ملاذي واماني هذا المكان الي اهرب منه واله بجيت عندة وكتله ماتحمل سامر لاتعوفني اموت رغم الي سوي بيه ماكدر ابتعد وماكدر ابقى اموت اءا اشوفك وياها ارحمني
سامر ....اشششش اي شي تردي يجرالج بس لاتعبين نفسج .....رفعت وجي وخليت عيني بعينه وكتله داموت سامر .... اشش خله ايدة على شفتي نامي وكانو كلمته كانت حب منوم ثقلت اجفاني ونمت بحضنه
صحيت الصبح لكيته يمي نايم صحيته سامر
ليش بقيت هنا ....؟ كال ماتركج وانتي تعبانه
ونورهان .... سامر .... متهمني هي تعرف ماريدها وفهمتها بس هي وافقت تتحمل حضنته كتله سامر رجعني لشقتي ماتحمل (غدير وسام )
كال كم يوم مبقى شي
طلع واني بقيت ماتحمل اطلع ولااكدر ابقى احس حيطان الغرفه بدت تطبك نفسي وشعور الغثيان دمرني صاير ميفاركني طلعت لكيتهم يفطرون سلمت وكعدت وياهم وسامر يباوعلي اني ماتحملت ريحة الاكل اترخصت دخلت للمطبخ اجه سامر
ميشو ليش متريكتي ... .ماريد مااشتهي نفسي تلعب واحس بغثيان وخمول ...
سامر امشي اوديج للدكتور
مشكاة ....لا ماروح اني يوميه هلشكل بعد الضهر ارتاح دخلت امه حسيتها تباوع بريبه
الام خير
سامر......لا بس مشكاة مريضه
الام ... بعدج مريضه لازم ترحين دكتور
سامر غيري ملابسج انتظرج برة اوديج دكتور
مشكاة ...ميحتاج .
سامر .... بدون مناقشه اني برة
مشكاة .....تمام .
غيرت وطلعت سمعت امه تحجي ويا
انته هواي مهتم بيها لاتنسى البارحه زواجك الناس تشوفك طالع وياها شتكول ونورهان مفكرت بيها
سامر ....شنو السالفه يوم البنيه مالها احد ومسؤوله مني واني حجيتلج وضعها وبعدين كلها ساعه وراجع
الام ... متطلع خلي الحرس يودوها
سامر ... ماأمن بلحرس اني اخذها
مشكاة .... اني جاهزة
سامر يله صعدت ويا بلسيارة
ها حبي بعدج تعبانه
مشكاة ... امممم يعني احسن شويه
سامر يله وصلنه
الدكتورة .... انتي الدورة الشهريه متأخرة عندج
صفنت من الاحداث والانشغال نسيتها
نعم تقريبا شهرين
كالت اممم وتقريبا راح تدخلين بلثالث
مشكاة شنو يعني
الدكتورة ... حامل يعني متعرفين
مشكاة ....ابجي واضحك معقوله
الدكتورة نعم وهذا الي يصير عندج وحام الغثيان امر طبيعي
طلعت فرحانه ... خابرت سامر اجاني صعدت ويا
سامر اني حامل
سامر ..... شنو ممعقوله مو وكته ابد
مشكاة ....نعم
سامر اني مفكرت بهلشي شلون راح عن بالي
مشكاة شتقصد
سامر ...يعني تنزلي
كتله مستحيل
سامر ....مشكاة لاتظلين تعاندين بكلشي كتلج مو وقته
ارجعي للدكتورة خلي تنزله
مشكاة انته واعي للتحجي هاي نفس تقتلها ومو اي نفس ابنك
اني ممستعد لطفل تنزلي كتله
سامر مانزله
ضرب الستيرن وكام يعيط مو كيفج تنزلي لا والله تعرفين اشوفج وج ثتني بحياتج مشايفته
كتله سامر عفيه اريدة
سامر ....عيني بس فترة والله بعدها ماخليج تلحكين عليهم
مانزله سامر لو تموتني
اتصل بواحد ... واخذ عنوان دكتورة تجهضلي الطفل
مشكاة مانزله كتلك لاتعب نفسك كال شوفي تنزلي بكيفج لو غصبن عنج .ونزل وعافني وحدي بلسيارة واشوفه يحجي بلفون بعصبيه رجع كال فكرتي
بشنو سامر معقوله الي تسوي
كال بعدج قافله يعني اتذكري انتي اضطريتيني اتصرف وياج بهلشكل اني خيرتج .... كتله لاتهددني باهلي ميهمني لان عرفت هو ميأذيهم
رجع اتصل .. و شفت الحرس جايين عليه ..كتله اذا واحد منهم لمسني ماسامحك شفت نطو شي بايدة فتح باب السيارة وسحبني وراها محسيت
الى اني بغرفه والم فضيع بطني يكطعني ودايخه ولساني ثكيل هنا عرفت انو اني خسرت ابني
ظليت اعيط وابجي ماعرف صوتي يطلع او لا شسويت سامر ابني اريدة حرام عليك ماسامحك حقير
اريد ابني حسيت بطني فارغ مو كاني مصارلي ساعه من عرفت كأني جنت حامل تسع شهور كرهته وكرهت نفسي وضعفي الي خلاة يدوس عليه
شفت ممرضه اجت كتلها شصار كالت لاتخافين نزلنا عيني وتباوعلي بنظرة كاني وحدة موزينه وتخلصت من بذرة حرام
كتلها اني مزوجه
كالت اي عيني ادري كلهم يكولون هيج الله يستر علينه
محجيت وياها هو الي رخصني وبعد ميهمني
بدلتلي وطلعت كوة امشي لكيته واكف
كتله تفو عليك ياحقير .
سامر ....اسف انتي جبرتيني
لزمني سحبت ايدي كتله لهنا انتهينا سامر
روح الله وياك انت قطعت اخر خيط بيني وبينك
كال امشي ويايه
على جثتي سامر اصيرلك مرة بعد انتهت اني انت قتلتني وقتلت حبك ويا ابني لا تطلب اجي وياك روح
كال امشي ارتاحي وبعدين نتفاهم
مشكاة .... وتعتقد راحتي يمك اذا الي ذرة معزة بكلبك اتركني (غدير وسام )
أنت تقرأ
الابن السري
ChickLitقصه منقوله للكاتبه غدير وسام قصه فتاه تتعرف على شاب ابن احد المسؤلين ويحصل حادث بينهما مما يجعل الشاب يقرر الانتقام من الفتاه وتدميرها لانه صاحب شخصيه مبهمه ومليئه بالعقد النفسيه
