الابن السري
البارت العاشر والاخيرررر
غدير ..وسام
مشكاة .. دنكت على حذائه بستها اعتقني لوجه الله .
اني ضربتك راشدي اضربني من انكصت ايدي من امداني والطم واعيط اخ يابا لو يرجع الزمن ولك حتى من البيت ماطلع دمرتني الله لايوفقك عوفني اخذت حقك وزايد كعد يمي ويبجي ماكد مشكاة ماكدر ...ولك شنو متكدر موتني هاك جريت سلاحه ونطيته اله بس خلصني صدك اني بعت الدنيا اذا ترجعني اقتل نفسي سحب السلاح مني وكال خلص الي تريدي يجرالج
اوديج لااهلج كمت اتجى على الحيطان حاول يساعدني رفضت وصلت لبيت اهلي الله ياريحة هلي شكد طيبه اخ يابا شكد مشتاقه ارجع مثل قبل لاهم ولاغم كل همي شلبس وشأكل راد ينزل كتله وين
سامر احجي لاابوج كلشي ....كتله ميحتاج تيسر الله وياك
سامر ...اخاف يضربوج
مشكاة ... ميخالف حقهم
سامر ..ماسمح. لاحد يمد ايدة عليج
مشكاة ايباه شكد حنين روح الله وياك اني بتهم شميكون .نزلت وفتحت باب الجنه الي طلعت منها شافتني ميقات جانت مواكبه كل اخباري اول باول بس معرفت بحملي
اجتي تركض ولزمتني شبيج
كتلها دخليني راح اموت دخلتني شفت بابا وماما كاعدين وكفو دخت وفقدت الوعي عليه
صحيت لكيت نفسي بغرفتي وميقات يمي كالت اشلونج
كتلها بابا وين كالت سامر اجه وحجه لبابا كلشي وبابا والولد ضربو وطردو
دخل بابا ها بنتي ميشو اشلون صرتي
كتله بابا من تحضني اطيب مشتاقتلك اجه حضني واشتميته الله ريحته تخبل ردت روحي بوسته فدوة اروحلك بابا
كال ليش محجيتي جان كل هذا مصار
بابا هددني وبوقتها جان مستعد كلشي يسوي كال عوفي انسي كلشي وارتاحي ضليت فترة تعبانه ونزف منقطع راجعت كالت بعد ميصير حمل لان اثر الاجهاض وبابا اشتكى على سامر بس سامر واصل لفلفها وطلبت الطلاك لان ماكدر اكمل ويا ضل فترة يماطل وحاول يرجعني بس مقبلت راحله بابا لبيت اهله وحجالهم وتحت تهديد امه وحبه الها طلكني وخلصت بقيت فترة اتعالج ومكمت اطلع من البيت نهائيا ميقات اتزوجت واخواني كلمن اتزوج واستقل بسكنه بقينا بس اني وماما وبابا بلبيت حاولت اتجاوز الي صار واعيش طبيعي مكدرت عمري 21 بس احس بلستين بابا قدملي على وظيفه حتى يطلعني من جو الكائبه وداومت ومرات المح سامر يباوع من بعيد بس كلبي يرجف بس ماكد هو قتل اي كل احساس حلو بداخلي
العبرة من القصه انو لازم نحسب اي خطوة نخطوها واي تصرف نحاول نفكر بعواقبه وتبعاته علينا وعلى الي حوالينا مشكاة خسرة بسبب تهورها وسامر بسبب انانيته واتمنى تعجبكم القصه واعتذا اذا أطلت عليكم ام غدير
أنت تقرأ
الابن السري
ChickLitقصه منقوله للكاتبه غدير وسام قصه فتاه تتعرف على شاب ابن احد المسؤلين ويحصل حادث بينهما مما يجعل الشاب يقرر الانتقام من الفتاه وتدميرها لانه صاحب شخصيه مبهمه ومليئه بالعقد النفسيه
