عشق الارملة

بارت الرابع

اسسسفة ع تاخير بس ظروف ان شاء الله اعوضكم ببارت طويل
-----------------------------------------------------------

مروة...بعد ما وصلنا للكلية دخلنا جوا اجوي صديقاتي اثنين مينا و دنيا ووياهم مهند هو يحبني بس اني أكره مااحب ابد اجوي يمنا ومهند عيونا صاير نار

دنيا...ها ولج عوبه اشلونك اخبارج
مروة...عوبه بعينج حمدالله انتي اشلونك
دنيا...تمام
مينا...هلا خبلة وينج مشتاقتلج
مروة...هلا حبي (وحضنتهم)
مروة...مناك اجى مهند وجرني من ايدي ومسك قوي بحيث مكانه صار احمر

مروة...ولك اشبيك
مهند...منو هذا الي جاية ويا ها ياساقطة وإني اكول مؤدبة ومحترمة طلعتي ساقطة تف(تكرمون) عليج وع الي خلفوج تبيعين شرفج علمود واحد مثل هذا ساقط ودايح هو هذا الي يطلع من ارامل
مروة...اني مااتحملت وضربت راشدي وكلتله...اني اشرف منك ومن الي تعرفهم ومااقبل تحجي ع اهلي اهلي هم الي ربوني بعز واحترام وتربية وأدب ويجي واحد حقير مثلك يشك بشرفي مو كل وحدة ارملة وحلوة معناها مو شريفة اني اشرف منك هم وانت منو تلزم ايدي ها.

بقى صافن مطلع منا كلمة وكملت حجيي...وهذا الي تكوله هو احسن منك ومن الي خلفوك اشرف منك صديقي صح بس لحد هسة كلمة وحدة ماكايل يجرحني حتى ايدي مالزمة وانت بكل صلافة تجي وتكول تبيعين شرفج واذا اتجرئت وحجيت وياي اشتكي عليج ومااخاف منك

محمد...شفت شلون حجى ويا مروة ولما دافعت عن نفسها وعني كلش فرحت وكبرت بعيني رحتلها وكلت...خويه انت لا تقرر عن ناس ماتعرفهم مروة اشرف منك وإني مو لعوب مثلك حتى العب بيها ع كيفي وهي صديقتي و احبها فلا تدخل بيناتنا عرفت

مروة...لما سمعت الي كال محمد حسيت بشعور غريب مسك ايدي واخذني ورا كلية

انت شنو كلتله هسة
محمد..مروة أي احبج احبج وربي العظيم احبج وإني مااريد العب بمشاعرج فباجر اجي واخطبج واجيب عمامي واهلي
مروة...بس محمد اني ارملة ومو كل ناس يتقبلني اشلون اتقبلتني واشلون يتقبلني اهلك وإني مطلعة فكرت زواج من راسي
محمد...مروة اني احبج ومحد يكدر يفرقنا وهم مو بكيفهم يتقبلون أو لا اني اعيش وحدي لان هم عايشين ببغداد وإني هنا ف مرة بالسنة يزوروني وهم مادخلهم بحياتي اني اتزوج أو هم اريد اسئلج سؤال تحبيني
مروة..___
محمد..مروة تحبيني لو لا
مروة..مااعرف
محمد..شنو ماتعرفين
مروة..محمد مااعرف اذا احبك أو لا
محمد..اوك بأجر اكون يمكم
مروة..محمد رجاء لاتخرب حياتك
محمد..الواحد يخرب حياته إذا اتزوج الي يحبا
مروة...____
محمد...يلا رح يبدي محاضرة باي
مروة..الله وياك
مروة...صدك لما كلي محمد أنه يحبني فرحت اكثير بس مابينتله اني متأكدة باني احبه بس ماكلتله المهم رحت للمحاضرة وكل فكري يما وخلص ردت ارجع للبيت شفت صوت وراي يكول حبيبتي انتضري

محمد..دخلت للماحضرة ولما طلعت شفت مروة وحدها دا ترجع كالتلها

حبيبتي انتضري اني اوصلج وخزرتها..كلتلها هيج لان مهند جان يريد يحجي وياها
مروة...درت وجهي شفت محمد وخزرني شفت مهند واكف قريب علينا وإني كلتله اوك

محمد...ركبي..شوفي اذا شفتج تحجين ويا مهند أو واكفة ويا مارح تشوفين خير

مروة..ركبت وهو يحجي وإني صافنة حتى مااعرف شيحجي وصلت للبيت نزلت ودخلت جوا راسا نمت حتى مااكلت شي كعدت شفت ساعة ٧ مسا نزلت جوا شفت ماما
مروة..ماما
ام مروة..نعم حبيبتي
مروة..ماما بأجر رح يجولي خطابة
ام مروة...شششننووو.ومنننو
مروة..واحد وياي بالكلية هندسة وجان وياي يشتغل بالمول
ام مروة...خوما اكو شي بيناتكم
مروة..ماما تشكين بيا
ام مروة..يصير خير ان شاء الله
مروة...ونعم بالله

محمد... بعد مانزلت مروة رحت للبيت اكلت ونمت وكعدت بالعصر ساعة ٥ خابرت عمامي واهلي ع خطوبة بالاول رفضوا بعدين وافقوا طلعت ويا جماعتي ورجعت بليل ساعة ١٢ونص ودزيت رسال لمروة

مروة...اتعشيت ويا اهلي وماما كالت لبابا ع خطوبة وكال يصير خير اذا ولد زين ليش لا وإني فرحت بداخلي بس مابينت لأحد غسلت مواعين عزلت مطبخ باوعت ع مسلسلات صار ١٢ونص شفت محمد دازلي رسالة "حبي مشتاقلج ونبي حبيبتي وعمري وحياتي ودنيتي وام بيتي وام جهالي اتحضري بأجر اني يمج"ضحكت ع حجيا بس حبيتا صدك خابرتا

مروة..ها خير
محمد..ها بعينج اشبيج
مروة..نعسانة
محمد..متنامين
مروة...واشلون انام اذا ما اسمع صوت حبيبي
محمد..منو حبيبج لج
مروة...معليك هسة شرايد
محمد...حبيبج مو ومعلية إلا اموتا وادفنا منو هو احجي لا والعباس هسة اجي لبيتكم
مروة...أهدى أهدى شبيك تدفن نفسك
محمد ..يعني قصدج اني حبيبج مو
مروة...ها اا نعسانة يلا. تصبح ع خير
محمد..الا اخليها تكولينها وانتي بخير
مروة.سديت تلفون وإني خجلانة وفرحانة مشاعر مخطلتة اجى صبح وجاب ويا ايام جديدة ومختلفة
.
.
.
.
.
.
.
.
.
رجاء تصوويت علمود أكمل