مايحس بجروح غيره المو جريح
المايودع احباب ناسي المكبره
هاي دنيا وتحجي بلسان الصريح
وماتجامل ناس فوك المعبره!
الماتعب بدروبه لتظن مستريح
ايجوز مرتاح وخطوته امعثره!
بيهم ابعثرة درب يمشي الصحيح
وبيهم اعوج لو تحطله المسطره!
بيهم اتاخر لجن زار الضريح
وبيهم اشما يركض ايرد ليوره!
بالك اتصدك عذر لمن تطيح
اجه ايشيلك لجن مدري اشأخره!
اليحب يوصَلك ابيوم التصيح
عكس اليغلس ابعذر المادره!
لا تغرك دمعة اعيون الوكيح!
وبمزاجه ادموعه هيج اموجره!
هو مو كل منذبح اسمه الذبيح
ايجوز ذباح إوكع بالمجزره!
ايجوز ذباح إوكع بالمجزره!
بقلمي كاظم
