جنون عاشق - منى سليمان (الجزء الأول لسلسلة حورية قلبي)

جنون عاشق .. الفصل السادس والعشرون .. منى سليمان

جنون عاشق

الفصل السادس والعشرون

* عناد حورية *

نفضت الجميلة يده وأشهرت سبابتها في وجهه وهتفت بحدة تفوق حدته

- أنا تعبت منك وزهقت، مفيش فايدة فيك همجي

قالتها ثم دلفت إلى مكتب يوسف صافعة الباب خلفها بعنف

- في إيه؟!!!

قالها يوسف بقلق فزفرت حورية بضيق وشرعت أن تجيبه ولكن قاطعها دخول فهد قائلاً

- خير؟

- لازم حد مننا يسافر علشان يستلم مشروع توسيع قرية مرسى علم، ومحمد قرر أنكم تسافروا مع بعض

- بس أنا مش عايزه أسافر

قالتها حورية بضيق فاعتصر قلب يوسف ولكنه لم يظهر ذلك وهتف بحنان

- السفر يومين بس يا روحي، قولتي إيه؟

- موافقه، أنا هرجع مكتبي

قالتها ثم غادرت المكان فكاد فهد يلحق بها، ولكن أوقفه صوت يوسف قائلاً بجدية

- أستنى عايزك

جلس فهد على المقعد المقابل له وتحدث بهدوء قائلاً : خير يا يوسف

- خير بأمر الله، سفرية مرسى علم هتكون أخر فرصة ليك

- مش فاهم، أخر فرصة لإيه؟!!

- أخر فرصة تصالح فيها حورية

تبدلت قسمات وجه فهد وابتلع ريقه بصعوبة ولكن يوسف لم يهتم وأردف قائلاً

- أنا عارف كل حاجة وصدقني اللي منعني انتقم منك هو الحب اللي ظاهر في عيونك

- أنا أنا

قاطعه يوسف قائلاً : أنت غلطت في حقها كتير ولازم تعمل المستحيل علشان ترجعلك يا أما تنساها وكل واحد فيكم يشوف حياته

- أنا مقدرش أعيش من غيرها

قالها فهد بنبرة صوت حزينة محملة بالألم فابتسم يوسف ثم ترك مقعده واقترب منه

- وهي كمان ما تقدرش تعيش من غيرك

- أنا بحاول اسيطر على غضبي على قد ما بقدر، لكن أول ما بشوف راجل بيقرب منها ما بحسش باللي بعمله

- حورية محتاجة منك الحنان والأمان وكمان شوية جنون

ما أن وصلت كلمات يوسف إلى مسامع فهد، اتسعت ابتسامته وتسارع نبض قلبه

- حورية جننتني من زمان، بس صدقني هعمل المستحيل علشان تسامحني

- ربنا معاك ويعينك على اللي هتعمله فيك هناك

- هروح أشوفها وبجد متشكر ليك

**************************

في مكتب حورية....
جلست على مقعدها وأخذت تتذكر الذكريات التي جمعتها بفهد في ذلك المكان فتلألأت الدموع في عينيها، ولم تمض سوى دقيقة واحدة حتى دلف فهد إلى مكتبها بدون سابق إنذار وتفاجأ بدموعها فاقترب منها وهتف بنبرة صوت تحمل القلق