أقدارنا مكتوبه

البارت الرابع

بعد يوم جان حييل مشوق خصوصي من حجتلي ريماس بأخوها معجب بيه ، رجعت للبيت حجيت لاختي كتلها
ع الي صار بقت تصرخ عليه وتكول ماعدنا هيج شي ومنو سواها بالعائله حتى انتي تسويها وضلت تحجي عليه وهددتني تحجي بالبنت خالتي عليه حتى ماتقدم خطوه وحده طبعا سوتها 😑
وخابرتني بنت خالتي وكالت لاتصيرين غبيه وانتي متسويها لان تخافين مو ...
انا بقيت مصره ع موقفي اريد اجرب وهذا الشخص دخل قلبي حييل اصلا كل شي بيه يريده قلبي وعقلي ...
وشنو الي يصير خلي يصير ....
ورحت نمت اصلا نمت بسرعه وجانت الفرحه والبعثره بداخلي ......
ثاني يوم اجاني رقم غريب بقيت ما شلته مدري ارتبكت ادري بي مو طبعي وانا الي داصرفه مو من عوايدي بس قلبي ياناس حسوو 😔
ويوم ٢/٦ يوم اربعاء ساعه بال٤:٣٧ تجرأت ومدري منين جتني الجرأه وخابرته .....  اول مره اسمع صوت شخص غريب ولد واحجي ويا الشعور ميوصف اصلا ماكدر اوصفه حتى الكم دكات قلبي بينت والصوت النبض صار عالي 😵
__ ألوووو
بقيت ساكته محجيت شي لان صدك جنت مستحيه وخايفه
___ الووو ملك مادري ليش عندي حساس انتي ملك
___ ااي انا ملك
__ اشلونج جان قلبي يكول راح دكين
__ الحمد لله تمام وانت اشلونك
__ هستوني صرت زين من سمعت صوتج
__ شدعوه
___ ملك وداعت امي انت اول بنيه احجي وياها واول بنيه تدخل قلبي اصلا مادري صار بيه من شفتج حسيت بشعور غريب عيونج تجذب بيهن سحر
طبعا بعد مااخذ ولا انطي ......
بقيت ع اسمع صوته وبس لحد مصار الوقت متأخر بليل كتله اترخص اروح اكمل دراستي لان عدي امتحان باجر ،
وكلي كملي اريد اشوفج بأعلى المراتب كوني كدها ...
خلصت التلفون وجان من اجمل ايام حياتي ،
من هذا اليوم ابتدا ايام حياتي تبتسم الي وبقينا انا وسيف نحجي كل يوم والتلفون مينزل من اذاني ابد اويلي شكد شجان صوته من اسمعه ارتاح خشونه ع حنيه  الي بداخلي .....
خلال هاي الفتره ماسمعت بيوم منه كلمه تأذيني واذا كنت اغيب يكلب الدنيا يخلي صديقتي تخابر ع امي حتى يشوفني زينه لو لا بيه شي مابيه ...
متسودن عليه يخاف من الهوه وجان بين فتره والثانيه يجيبلي هدايا ....
خلصت امتحانات نص السنه ومرت شهور وايام وانا وسيف يكبر حبنا اكثر واكثر حتى سمينا اطفالنا وكم طفل انجيب وين نعيش اشلون كلشي حجينا ،
اهملت دراستي اصلا اهملت كلشي بحياتي صار سيف بحياتي وبس اشلون اخابره اشلون احجي ويا وهذا كل همي ...
مرت الايام وجتي امتحانات اخر السنه مجنت اروح لصديقاتي ادرس لان اكون تعبانه وسهرانه بالتلفون ويا سيف لحد اخر ليل ...
وخلصت الامتحانات ورسبت 😔
لان لتهيت ويا نسيت كلشي حتى نفسي  .
شفت امي زعلت وابوي .
وكفت كبال المرايا وحجيت ويا نفسي لازم احط حد بعد ولازم اصلا اعوفه كاافي خسرت سنه وصدك سويت الي اريده
بيوم جمعت كل قوتي واتصلت
__ سيف اعذرني هاي السنه راحت عليه ورسبت اريد ارجع ، راح اعوفك ونفترق
__ مخبله اشلون تعوفيني ولج ماكدر بدونج انتهي
__ودراستي ومستقبلي ودمعات امي وحزن ابوي 😔
__ اي عرفي اشلون تساوين بيني وبينها
___ لا انا قررت وهاي هيه

وسديت التلفون وبقيت تقريبا ٣ اشهر وانا ماحجي ويا ..

حاول هواي يتصل بس جنت ع موقفي ماغيرته ابد ....

ولتهيت بالدراسة بس بالي كله يمه ، ليش اجذب بالي وعقلي
اوووف لو جنت اكدر بس اطمن وعرف اشلونه 😓
خابرت ريماس وكتلها تجي يمي اشتاقتيلها ونكعد ندرس ونشاوف وجتي ريماس للبيت كعدنا ودرسنا ورجعت لبيتها  جان يوم  حلو لان من ريحة سيف 😁 ....
صوت تلفون بس مو تلفوني ودورت ع مصدر الصوت لكيت ريماس ناسيه فونها والمتصل جان سيف ، قلبي حن حييل بين اشيله وبين لا عقلي قلبي حن اشلون بيه
بدون شعور شلته
___ الووو وينج انتي ليش تأخرتي
__ هاي ريماس نست تلفونها هنا وانا صديقتها
__ هاا اوك شكرا لج
__ العفو
سد التلفون ياربييييي شكد اشتاقيت لهذا الصوت
وشكد مشتاقه نرجع سوه ،
غصيت بدموعي وبدون شعور غمضت عيوني وغطيت راسي بالبطانيه وره ساعتين رجع خابر
__ الو ولج مشتاقتلج غبيه ليش هيج ابتعدتي
بقيت ساكته وكلت بداخلي كافي اعاقب نفسي هو العمر مره....كلت مو بس انت مشتاك انا اكثر الشوك الي بيه ،
وضلينا نسولف ونضحك مثل ايام زمان ومن راد يروح كلي اريد اسمع صوتج بعد لاتحرميني منه وانا ايي اوك بدون اي تفكير مخبله بي جنت 😁
رايكم يهمني 😍