أقدارنا مكتوبه

البارت الثالث قصة حبي

خلصنا الامتحان وصلنا لباب المدرسة ، طلعنا دنمشي للبيت اول مره ارفع راسي شفت شاب يخبل هو مو قصة يخبل بس مدري صار لقلبي دك دكات غريبه حسيت بشعور مو طبيعي لا فوكاها ابتسم الي 😊 ييمه قلبي اريد يهدء شوي بس جان ييستاهل كلشي بيه يدك مو بس قلبي 😜 جان وسيم كولش عيونه تخبل جبيره وساع ورموشه طوال وهوطول بعرض تقريبا طوله ١٧٨ وعنده عضلات 💪 بوي منين هذا شنو نازل بالغلط من الجنه 😂

احجي بقلبي واحس عيوني فاضحتني وماشلت عيني منه ولا شال عينه مني 😌 بعدين بدون شعور
كالت
__ هااا ملك هذا حلو
__ ها شنو منو الحلو ولج
__ ذاك الولد
__ اي مابي شي وبداخلي اكول (بوي يخبل مو بس حلو ههه)
__ هذا اخوي سيف
__ شنو اخوج لج لاجذبين صدك بعد ماعرف شحجي شكول جان مي بيدي شربته وكملته بدون حتى ماحس بروحي داسوي ........
راحت ريماس ويا اخوها واحن مشينا سوه جان بيتهم قريب ع بيت جدي اقصد ريماس والحلو 😁
كملت الطريق للبيت هاي المره ماعديت الحصوا نسيت بس بكل خطوه اتذكر عيونه والضحكه لحد موصلت للبيت ، فتحت الباب صعدت لغرفتي اول مره ماضوج مريم من تحجي ويا خطيبها صعدت وانا مسطوره اي لعد قليله النظره والابتسامه جان يخبل .....
هي هم مريم ضلت صافنه عليه شبيه ، بدلت حتى مكلت سلام عليكم لاحد عبالها مو زينه بالامتحان ،
واخذت البطانيه وغطيت راسي كوله ونمت ايي نمت اريد احلم 😋 كل مااغمض عيوني اتذكر عيونه لاحد يلومني اول مره شخص هيج يضحكلي اول مره بعمري اشعر بهيج شعور غريب مو طبيعي هذا الشعور دكات كلب متتوقف وحراره بالجسم واريد بس انام حتى اشوف عيونه اكثر من مره .....
__ لج ملك شبيج
__ مابيه اريد ابقى نايمه
__ لج مو من عوايدج تجين ساكته وتنامين حتى لو مو زينه بالامتحان كولي يالله تعوضيها
__ لا والله زينه بس شنو نعسانه تدرين باجر عندي جغرافيا ولازم اكعد ادرس كلت انام وبعدين ادرس حبابه كولي لاهلي انه نامت تعبانه تريد تدرس
__ ماشي حكول لبابا لايضل بالج نامي يروحي
نزلت مريم وكالت امي الها
__ اكلج شو لهسه مجتي ملك
__ جايه من زمان ونايمه
__ يمه خو مابيها شي بنيتي
__ لا مابيها شي حجيت وياها كالت تريد تنام ، مماتي ميته جوع
_ اي داصب خلي يجون اخوتج وأبوج
انا بقيت فوك مغطيه كل راسي وجنت نايمه ماكو شي بالي بس عيونه والضحكه ياربي سوه بيه هذا شو بعثر كياني بضحكه ونظره 🙄
__ لج كعدي ملك صارت السته وانتي نايمه كعدي درسي
كعدت فزيت اصلا عبالي انا مو بالبيت اي مو جنت بالشط واجواء حلوه شجابني هنا هههه
__ كعدت مريم ولج كعددددت همزين كعدتيني حتى اكمل دراستي ، ضليت سهرانه للصبح وانا ادرس بس بالورقه الاخيره ارسم عيون وضحكته ادري رسمي مو حلو بس اتخيلله هو هههه
كملت دراستي مابيه حيل اكوم للفراش نمت ع الكتاب بعدين كعدت ع صوت المنبه بسرعه بدلت ملابسي لبست السدرية واخذت الجنطه ونزلت اكلت شوي ويا امي وكمت رحت مشي للامتحان بس هاي المره شوي تأخرت من دخلت لكيتهم كولهم بالصف رحت ركض وسمعت رزاله من المعلمه ، وعتذرتلها كملت امتحاني وجان سهل مو صعب الحمد لله ، جمعنا كلنا وريماس من بعيد صاحتني
__ ملك ملك وينج
__ هياتني اشلونج بالامتحان
__ زين ترى مو صعب
__ ايي صدك مو صعب
__ ملك عندي موضوع وياج
__ اي كولي شنو الموضوع
__ اخوي كال انه معجب بيج ويريد رقمج حتى يحجي وياج
ضليت صافنه لان ادري هو حلو لا ياحلو يخبل وعيونه تثول وهو فد شي بس صار عندي تردد انه اشلون اكدر اخون ثقة اهلي ودخلت دوامه ما بعدها دوامه بقيت بحيره كتلها انطيني فرصه وبعدين اكلج ...

انطوني رايكم 😍 فدوه للحلوين ....