#بدايه_خاطئه
#.البارت الخامس عشر
بقلم غدير وسام
الناشربارق العراقي
🌸🌸🌸🌼🌼🌼🌼🌼🌼🌼🌼🌼🌼🌼🌼
عبير .. مستعده كلشي اسوي وارجعك ..ياربي احبه شلون من ايدي .وخليت تالين العوبه تاخذه .
عندي صديقتي .. تعرف وحدة تشتغل . سحر . اتصلت بيها .وخليتها تاخذني عليها .سوتلي عمل .كالت تخلي اله بعصير . وبلاكل .وبعدها انطيج الها شغل .. جبته سويت عصير لفرات .وديته شربه استمريت كم يوم انطي
🌸🌸🌸🌼🌼🌼🌼🌼🌼🌸🌸🌸🌼🌼🌼
فرات ..كمت من افوت للبيت شي ويكتم على صدري ماطيق احد . .وماريد احد يحجي وياي خصوصا تالين .يمكن لان زواج عقيل تقرب .وكلشي براسي
تالين ..فرات .. خاله تريدك
فرات .. كليلها بعدين اريد انام
تالين .. صار ..طلعت صاحني
نعم ..فرات ..موكتلج اريد انام متعرفين طفين الضوا وتولين
تالين ..طفيت الضويات وطلعت .
خاله وينه
تالين ..نايم خاله
فرات ..دك فوني ..عبير
هلو .
فرات هلو شلونج
عبير .. بالي يمك اليوم ضايج
فرات ..اي والله مخنوك ماعرف شبيه
عبير ..سلامتك ..بيه ولابيك .
فرات .. الله يسلمج .احجي وياها واكو لهفه اريد اشوفها
فاتت تالين .. اها سالم ..باجر اجيك ونتفاهم
عبير ..هههه لازم كبسو عليك
فرات ..اي .الله وياك .
تالين .. تريد شي .قبل لااروح
فرات ..وين موليه
تالين . مو كتلك نروح اني وخاله لبيت اهلي نشوف شمحتاجين
فرات ..شوكت كتيلي .. اشو صايره بكيفج تتصرفين
تالين ..كتلك والله فرات وخاله هم كلتلك اذ متريدني اروح ماروح .
فرات ..ولي عساج مرجعتي
تالين ..ليش هيج تحجي ويايه فرات ..
فرات ..تالين اشتري روحج وطلعي مني .
تالين ..طلعت من يمه وخذت ملابسي بدلت بغرفه خاله وطلعنا لاهلي بعد اسبوع الزواج ونريد ناخذها تشتري فساتين . رحنا بالي مو يمهم . اشترت واني هم اخذت فستان حوامل وردي .. للعرس لان بقاعه .وللحنه فستان ليموني .. قصير . رجعنا فرات ماكو .. مشت الايام وفرات من سيء للاسواء ..واني اسكت ماحجي
🌸🌸🌸🌸🌼🌼🌼🌼🌼🌼
فرات ..تالين .احس ااذيها ومن اطلع اموت قهر عليها بس من اشوفها اتخبل .معدتي بدت تكلب عليه تلعب نفسي ومرات يلزمني وجع . وكوابيس بليل مانام . عبير تقربت حيل مني وكمت افكر بيها هواي .واحسب شوكت اروح اشوفها . .. صارت بينا اتصلات وبيوم حنة عقيل .. جتي من الصبح . تالين مخبوصه تشتغل .رحتلها .مترحين يم ساجدين .تالين ..اخاف خاله متقبل
فرات .اني راح اكلها .بسرعه اوديج وارجع .
تالين ..فدوه لعينك .((((غدير وسام))))
فرات ..كلت لامي كالت خلي غيرك يوصلها .محتاجيك ابوك يريدك .رجعت عليها . خلصتي محمد راح يوديج
تالين ..ليش مو انته
فرات ..فضيني ..يله امشي اطلعج
تالين طلعت ركض .. حرك محمد شارعين .كتله محمد نسيت تلفوني وفساتيني . محمد يله امشي ارجعج .
رجعت ..
🌸🌼🌼🌼🌼🌼🌼🌼🌼🌼
فرات .. دزيت تالين .ويا محمد . اشتغل صاحتلي عبير
جرتني لغرفتي .وحضنتني. كالت احبك سحبت راسي وباستني بهاي اللحضه انفتح الباب وشفت تالين
تالين .. هاي شنوووو 😲فرات ..
عبيرر.ركضت طلعت واني طفرت جريت تالين كامت تصيح سديت حلكها ..
تالين . عوفني اليوم اموتها وافضحكم .دزني لاهلي حتى يخلاكم الجو بغرفتي ليش . فرات .
فرات .. سدي حلكج .ماكو شي
تالين .ماكو شي تبوس بيها بغرفتي ضربته حيل على صدرة ودفعته نار بصدري شابه .. اريد اطلع ميخليني . اصيح يسد بحلكي ..اشش لااموتج هنا
تالين . موتني احسن من الي شفته . حسافه عليك فرات جنت اشوفك غير بس طلعت انكس من سجاد
فرات .ضربتها راشدي .لج اني انكس من سجاد اليوم اربيج ..لزمتها راشديات .
ودفر
تالين .. ضربني كمت اعيط التمو اهله وخلصوني منه الكل مستغرب .هذا مو فرات لا
فرات لازمه محمد وعقيل . وهويريد يضربني
عمو ..شبيكم وكتها هسا كدام العالم
محمد ..شبيج ياخويه مووكلتي اجيب تلفوني شجابج يمه وهو صاير نار وشرار .
تالين ..محمد وديني ..لاهلي امشي
عمو .محد يطلع من البيت خلي نفتهم شكو
تالين هذا ابنكم يمكم هو يحجي
فرات ..انلصمي وخلي العرس يمر بخيرر. اذا فكيتي حلكج لو طلعتي تخربين على اختج وعلى نفسج
تالين .يحجي وكانو هو لازمني ويا واحد مو اني .
سكتت لخاطر اختي .
عمو ..شكو شبيكم
فرات .ماكو يابه . يله ماصر شي .روحوكملو لتخلون الناس تحس . .
طلعو وهو وياهم .رجع ورا نص ساعه يباوع اني على كعدتي ساكته ..
فرات ..تالين .كومي الموضوع مو مثل مفتهمتي .
تالين .. خلي تطلع من البيت لااكوم افضحكم وميهمني احد
فرات صارر بس سكتي .لايصير بيج شي
طلع ..هامته كلش . خلي عرس ساجدين يخلص واشوفك .فرات ..
جتي خالتي ..شبيكم يوم هاي عين ماصلت على محمد
تالين ..بجيت .. كومتني غسلتلي .كالت بدلي عيب الكرايب كلها بره تسئل يله رتبي وجج وتعالي .
تالين ...خاله ماكدر والله .
خاله . يله حبيبه كومي .
بدلت .وطلعت مها باستني .. وجتي هاي كبالي بكل عين صلفه . تمنيت.أ كطعها وافضحها .. شغلت اغاني وتركص .هاي تري تغيضني
فرات ..من فاتت تالين .. عبالك جنت منوم.وصحيت اريدها تسكت ماكو .. ضربتها .خفت تطلع اذا طلعت مترجع اعرفها واعرف اهلها ..يارب مرتي اريدها بس ماعرف شديصير بيه . خفت عليها رجعت . شفتها على كعدتها حاجيتها . كالت طرد عبير .. عبيرر. اوف شيخلصني منج هسا شجابها للغرفه .امي كالت راح نروح .نحني البنيه .. شلون اخاف تروح ومترجع .. جريتها ..
غدير وسام ..
فرات ..لج اذا فتحتي حلكج بكلمه لو رحتي وجلبتي هناك .ترا بكلمه اخرب الزواج
تالين ...تهددني اله اكل لبابا
فرات ..اكو شي متعرفي ..ترا عقيل ميريد اختج وهسا بس اكله بطل يركصلها بجفيه . .وانتي كيفح
تالين ..هسا جاي تكلي فرات ..ليش تكسر ركبه ساجدين ..شكد مخدوعه بيك ..حسافه والف حسافه عليك .. وسفه .. تصدك .سجاد احسن منك .ذاك جان واضح من الاول .مو مثلك حيه .. طلعت . واني شايله هم اختي اكثررمن همي شسويت بيج ساجدين .شفت عقيل واكف
شلونج خويه
تالين .. شلوني .. الله يعلم بلوني .. بجيت . باس راسي .لاتضوجين هو عصبي اكيد احد غاثه لاتخربين فرحتي انقهر من اشوفج تبجين
تالين ..صدك فرحان عقيل .
عقيل .اي ليش تسئلين
تالين ..عقيل حلفتك بكلشي تحبه لاتاذي ساجدين .
عقيل ..ها..اا بعيوني احطها . ليش هيج تحجين اكو شي .ههه لو لان انكتلتي اليوم .
تالين .. لا ماكوشي . وصلنا لبيت اهلي .ساجدين تجنن حسيت عقيل ميرمش . ماما ..ليش مجيتي شبيهن عيونج وجج وارمات
تالين ..ماكدرت هواي عالم . تعبت .. يمكن من التعب
ماما ..على كيفج انتي حامل . .🌸🌸🌸🌸🌼🌼🌼🌼🌼🌼ساجدين .. اليوم حنتي وفرحانه كوه قنعت عقيل اطلع اختار الفساتين .والصالون اختاريت للحنه ماروني .وللعرس .. فستان ستن . ضيق من يم الصدر و عريض من جوه كوميل .. كلش ضخم وذيل .. اجو عقيل واهله تالين كالت اجي قبلهم .بس مجتي .دخلو عقيل . لابس قاط اسود . وقميص احمر حناني وراحو تالين .متبقين
تالين ..لا فرات ميقبل .مو كتلج حلف بخطوبتكم بعد مابات
ساجدين .. شلون لعد (((غدير وسام)))
تالين .يله باجر تجين يمي طلعت صعدت بلكيه ويا اهله واقربائه .صعد لزم ايدي جرني ونزلني لسيارته عبير تباوع وكرايبهم يضحكون
صعدت محاجيته . بس عيوني تجري .. فرات ..كافي ..راح تموتين ..صدكي ماعرف شبيه لج انتي روحي من الدنيا انكسرت ايدي ان شاء الله كبل مامدها عليج . وعبير. هي جتي للغرفه .وحاجتني وتقربت بيمن احلفلج وداعت ابني الي بطنج .
تالين ..محجيت ويا .وصلنا نزلت .. انخبصنا لليل واني تعبانه مو تعب جسم لا تعب روح وفكر بليلتها فرشت بلكاع ونمت ماتحمل مجرد شوفته تاذيني
منمت ولاعرفت النوم الفجر صليت وقريت قران وكمت هواي ناس بلبيت سويت ريوك والولد جابو صمون . وبدينا نحضر للعرس ترتيب وطبخ غدا كملنا جهزنا نفسنا للزفه . لبست الفستان ومكياج . فرات لبس قاط . وراحو لعقيل لبسو . قاط .. رصاصي . بين فرحانه لاختي وبين خايفه عليها طلعنا زفه وهم مخلاني اروح اخذني ويا بسيارة الزفه ولازم ايدي .. وصلنا .. فدوة ملاك مو عروس كعد يمها شويه عقيل وطلعنا .. هلمره عفته ورحت ويا اهلي . كعدت يم ماما .. كالت شبيج مهمومه
تالين ..تعبانه ماما .. شوفي هاي نص العالم جتي هسا تشوفين البيت مملي .
ماما ..بس هيج اخاف بيج شي .تالين ..لا ..تعبانه ماما
وصلنا شفت عقيل خطيه نزل .ساجدين .. ذبحو جوه رجليها وفاتت للبيت . التهينا عشا وبعدها زفينا العرسان عقيل مقبل يروح فندق . خاله صاحت عليه .كافي اكعدي يم امج انتي .ماما باتت يمنا . لان ساجدين من زفو عقيل عليها بجت بجي ..ومخلت ماما تطلع الى ان كلتلها ابقى هنا .
كعدنا اني وماما .. عشيتها واني يومين مافايت لبطني غير المي .
ماما ..اكلي .
تالين ..ماشتهي ..
ماما .انتي مو طبيعيه امشي بغرفتج واحجي شكو
. متعاركه ويا فرات ..
تالين .. لا.. هسا اجيج اشوف شيردون رحت للمطبخ
عبير جتي يمي .. هنا مراقبتنا وتفترين ورانا بس بيت اهلي اني ويا لوحدنا شلون تراقبينا ..صار فتره اني ويا علاقتنا رجعت
تالين ..شيسوي بيتكم
عبير ...هههه راح يكمل شهر يشتغل بيتنا . وانتي متدرين .كتلج فرات الي مو الج ..
تالين ..احمدي ربج .اكو اس هنا جان سحلتج بس ماخلصتي بس يعدي العرس ..انتظري
عبير ..ههههه
رحت افور يمكن اذا الزمه هسا اذبحه ..
خلص بعد .
ماما ..شافتني .... شبيج ولج ..هو فات ماما كلتله شبيها مرتك باوع ..
فرات ..ماكو شي
ماما ..شطلعت وياكم متعاركين دنصالحكم
فرات .. ها ..خفت حاجيه لامها بس شو تسئلني لو حاجيه تاخذها وتطلع .
تالين ..ماكو ..شي . ماما .
🌼🌼🌼🌼🌼🌸🌸🌸🌸🌸🌸🌸🏵🏵🏵🏵🏵🏵🏵 ساجدين بيوم عرسي خلص ركض صالون .وزفه من اجوي كلبي صار يرجف .. دخل عقيل واخوانه يركصون واقربائه . بعدين لزمني وطلعنا ..بلسياره احس بي يباوع عليه وكلساع يجر . الغطا على وجي .. من وصلنا جانو امي .والبنات بعيدات ..هو احتار بيه نزلني .وعدل وضعي . لازمني ..لان ماشوف كعدني .بعدين طلع . شويه ودوني لغرفتي عادي اضحك واسولف بس من سمعت صارت هوسه ودبجه كالو زفو للعريس .متت وجلبت بماما
ماما ..اروح اني..ساجدين ..ماكو مترحين😢😢
تالين .اني يمج ..
ساجدين ..ما اريد ماما ..مترحين .
ماما ..كافي عيب .
عقيل ..ظلي هنا خاله .
ماما ..صار .باقيه يمج .هنا ..يله صيري سباعيه واني
غدير وسام .
ماما ..اني واختج هنا . لاتخافين
ساجدين ..طلعت .. التفتلي .يضحك ..
عقيل ..من شفتها بلحنه انسطرت .. مردت اطلع .. وكملت عليه بلزفاف . ردت اضمها حتى من عيوني . من نزلت تتعثر اني نزلت الغطا حيل متشوف لزمتها مردت اعوفها ..من كعدت يمها .. طلعت واحسب شوكت يزفوني ..من زفوني وبجت ..انقهرت .. خرب هاي طفله شلون حتفض وياها .تتوسل بامها قهرتني . من طلعورجعت تشهك .كعدت يمها لزمتها .. ليش تبجين
ساجدين 😢((((غدير وسام)))
فرات .لاتخافين .يجوز اني بينتلج الجانب العصبي والمتشدد بس الحنون مشفتي وهذا بايدج انتي . اذا صرتي اليه زوجه مطيعه وحبيبه تلكيني احسن باوعت ..ضعت بعيونها مدمعه ..يمكن رغبه يمكن مودة انزرعت بس حسيت اريدها حلالي . بستها .هي رجفت .. حضنتها ردتها تتطمن .متخاف بس رجتني رج خرب ضميرح شبيح
ساجدين ..اريد اروح للحمام
عقيل .. كومي .. هذا .. ساجدين .. لاتنزعين الفستان
ساجدين 🤤نعم
عقيل .. مثل مسمعتي ..
ساجدين ..غسلت وطلعت .. واكف .كال تعالي رحتله .طلع تلفونه واخذلنه صور اني ويا .
عقيل ..ضحكي ..باسني من خدي واخذلنه
ضحكت .. رجع باسني وو و ..
ساجدين .. باس راسي .. كال مبروك .. اني ابجي .
عقيل ..تخلصيها بجي اليوم . . كام غسل وطلع صارت هلاهل .جوي امي وتالين .غسللي وبدلولي . الكل مله الغرفه اخته وكرايبهم .اني ميته خجل . مشطتلي تالين . ماما كالت اروح اني ..بعد مناك ابوج واختج .خطيه
تالين .. روحي ماما لايظل بالج بعد صارت مره .مو سجو
ساجدين ..انتي بس تردين ترحين ..روحي .
ماما ..الصبح اجي والله
ساجدين ..روحي ولاتجين بعد .
عقيل فتت سمعتها خربت ضحك .كل عقلها زعلانه .
هما شافوني ترخصو .وصتني عليها خاله لاتتقربلها بعد لباجر موزين .. صار خاله ولايهمج .راحت
عقيل . .اشو مجلبتي بيها .لو مترديها بعد
ساجدين .. الصبح تجي .
عقيل ..ها . هلا بيها كليلها لاتكثر عسل .لان بتها عسل واكل عسل يصير بيه سكر .
ساجدين ..ها..🙁
عقيل .. هههه اليوم تخلصيها لو بجي ..لو..ها تعالي نامي .تعبان .ساجدين .. بعدني خايفه منه .
عقيل .. تنامين .لولا .
ساجدين ..جيت .. نمت . بلطرف .جرني .. حضني .ونام .
🌸🌸🌸🌼🌼🌼🌼🌼🌼🌼🌼🌼🌼🌼تالين ..
ماما ..لحت .علينا ..ومخلصني منها بس من صارت هلاهل رحنا ..لكينا عقيل بره مستحي رحنا . لساجدين ..شكد ضايجه ضحكت عليها خطيه شعرها منفوش . اخذتها غسلتلها ولبستها . وطلعت ماما راحت فرات وصلها ورجع
لاكني فارشه بلكاع ونايمه ..شالني ..دفعته .عوفني فرات
فرات .. كتلج شيصير متعوفين فراشج .
تالين ..والبارحه من ردت بكل طريقه تزحلكني مجنت راح اترك فراشي .لو عدك بديل
فرات ..ضربتها راشدي ..لج سكتتلج هواي .
تالين ..لاتضرب .فهمت مو فوك شينه كوات عينه .ردت اطلع مخلاني بقيت بلكاع منتجيه على الكنتور وراسي بين رجليه وابجي . عبالك .مادري بيك .تشتغل عدهم بلبيت وغرامياتك .انته وياها لو تلفوناتك بليل وياها .. كلشي عرفت ..بس يافرات ..خلصت بعد وياك تهددني باختي تريد تكرسر ركبتها الله ميرضه بلظلم وتطلع بيك حوبتنا . مالي دخل بيك .مدام حلت عبير هسا بعينك روح فرات .. كتله لبابا انتو نسخه وحده انت وصاحبك .
فرات ..لج انجبي لاادوس بطنج .. سافله لاتجيبن اسمه وزين تالين اذا ماخذها عليج فلا اني فرات ..
تالين .اخذها ..اخذها فرات بلعافيه عليك ..الساقطه بت خالتك .تلوكون لبعض اثنينكم طينه وحده .
فرات ..هجمت عليها خلصتها .. الباب دفره عقيل واخذها مني .تخبلت اليوم شبيك البنيه حامل .
ساجدين ..صافنه خطيه . خاله وعمو اجوي . اخذتني ساجدين . حلكي يصب دم وخشمي يوجعني
تالين .. انطيني كلنس سجو
ساجدين .. هاج حبي . النونو زين يوجعج شي
تالين ..بجيت..مادري .. مادري
ساجدين .. ليش ضربج شسويتي .
تالين ..معليج .. نامو انتو .رجعت للغرفه عقيل ..وين رايحه نامي يم ساجدين
تالين ..لا .. روح ..اعتذر خرعتكم بلليل وانتو عرسان روح لسجو ..خافت خطيه .
لكيته بلغرفه كاعد على الجربايه راسه بين ايدي .
فرات ..اربيج تالين ..ماخليج هيج .اني فرعنتج عليه ..وكبرت راسج .
محاجيته . تمددت بلكاع .بطني وضهري .نار بيهم . هدوؤ بس شهكاتي ..تنسمع ((((غدير وسام)))
فرات ..غثتني .. وصاير ماسيطر .على نفسي احس بس اريد اضربها مادري شلون ضربتها بس حجيها يشك الكلب كوه خلصها عقيل مني وابوي وكعلي رزايل . رجعت نامت بلكاع اسمع شهكاتها روحي تنمرد عليها هاي وردتي طفلتي شكد تعبت يله حصلتها . محسيت بنفسي نمت .. صار وجه قبيح بوجي وعاط فزيت لكيتها ماكو والصبح صاير عبالك نمت ثواني وشنو هذا الوجه
تالين .. منمت من الوجع . الصبح كعدت اني ومها عزلنا .وسوينا ريوك .. وجي ازرك وخشمي وارم . جوي اهلي ختلت كتلهم كولو نايمه هي وفرات .فتت قفلت الباب لكيته كاعد وجه اصفر ويلهث . طلعتلي ملابس وغسلت و مكيجت راح الزراك .بس خشمي ..
محاجيته شويه .واندكت باب الغرفه . مها ..تالين اهلج يردوج .. ووللحكايه بقيه ..شتتوقعون اهل تالين شراح يتصرفون
أنت تقرأ
بدايه خاطئه
General Fictionبدايه خاطئه بقلم غدير وسام الناشربارق العراقي الاختيارات الخاطئه قد تكون درس لنا لنعدل مسارات حياتنا ونصحح الاخطاء التي وقعنا بها في البدايه وهذا ماسيحكيه لنا ابطال قصة بداية خاطئه
