#بدايه_خاطئه
البارت الثاني عشر
بقلم غدير وسام .
الناشربارق العراقي
مها راحت لاهلها قربت والدتها .. عبالك البيت فرغ . وعبير الحمد لله اخذوها اهلها .
خاله ..خاتون .. لحكي سوي غدا .عمج على جيه
تالين ..بلي خاله
عقيل حمايه جان خريج كليه عسكريه ومن ينزل عنده محل موبايلات ..حباب ومؤدب بس دائما اسمعه ويا بنات يحجي . عادي بعمرة وهو كلش وسيم احلى من فرات ورتبه حتى عيونه ملونه زرك .. كملت تنظيف وغدا داكوي بملابس الولد سمعت فرات يعيط عقيل ..لك عقيل .. طلعت ركض وخاله تسكت بي ..اول مرة اشوفه عصبي هيج .واجه عمو ويا هم جان نار .. نزل عقيل .لزمه فرات ضرب .. ركضت اريد ادخل . بس فرات دفعني ..ولي لغرفتج لاتدخلين .
تالين .شكو ..
خاله شبي شسوه يومه
فرات ..لك عار سكط عينك على عرض صاحبك ولك اخت صديقك. انوب مزوجات . تدور .. خنكه ..شفت الولد طلعت عيونه .لزمت اضرب ولك فرات راح يموت ..عمو وج خاله .. كوة خلصنا من ايدة .. تحول وحش مو بشر .. عمو جر فرات .وخاله اخذت عقيل .. فرات .ا.ني الك اذا ماموتك ياناقص ..ولك . ..اذا ..عرف الولد شنكله ..عود يسكت لا والله طلقه براسك وحلوكنا منكدر نفكها .
عمو .. شمدريك انته
فرات صاحبه اجه كلي كال تلاحكو لايسويلكم بلوة
عقيل .. اني الهم ..على اساس هما ممسوين علاقات
كام فرات ركض وخلا جوه رجليه ..لك ويا بنات مو مزوجات .
عقيل ..علساس تالين مجانت مرة صاحبك ..
تالين بهتت معرفت شصار .
فرات وعمو تكابلو عليه خابرت لحمايه علي . ومحمد جوي ركض ..
فرات ..بيمن تعيرني لك عينها مشالتها ولايوم وجهتلي كلام .تساوي تالين بهاي..واني من طلكت يله حبيتها
رحت لغرفتي صوتهم يعلى وينصه ..ماعرف شصار بس هدو شويه . عمو راد جاي سويتله ونطيته علاج الضغط مالته . بقت الاجواء مشحونه فترة وفرات كله صياح ويايه .. وقررو يزوجو .
فرات اريد اخطب ساجدين لعقيل جسي نبض اهلج
تالين ..ليش ساجدين
فرات ..ليش لا
تالين ..عقيل حباب .وعاشرته ابد مشفت منه شي بس شغلة البنات خفت على اختي كتله .. صاحب علاقات
فرات ..يزوج ويعقل .شوفيلي اهلج العصر اوديج
اخذني.. ورا الغدا كلت لماما.. وبابا
بابا .انتي عاشرتيهم شنو رائيج بلولد
تالين ..بابا ..حباب وشاغول بس هو عده علاقات
بابا .. اها.. رجلج وين
تالين بليل يجي بس كال اذا اكو موافقه حتى نتقدم
ماما .. ساجدين صغيره .. وصاحب العلاقات يخوف كافي سجاد وماجانه منه
تالين ..بس الولد زين .وفطن بلبيت .. ومشفت عليه شي مثل .فرات .. واشوفهم ويا زوجاتهم مداريهن ابوهم وفرات وعلي .. يعني معاملتهم حلوة للزوجه بابا .. يجي زوجج وافتهم منه
فرات وصاني ماجيب طاري المشكله بس حسيت داخدع اهلي .بس عقيل وردة اجه فرات .وكعد ويا اهلي .. ماعرف شكلهم لان طلعت الضاهر قنعهم لان بابا كله اسئل البنيه وابلغكم .. طلعنا .
تالين .. شكلت لبابا .
فرات ..شكتله اذا انني مخربه الدنيا .عود دازها تجس نبض رايحه تكلهم صاحب علاقات
تالين ..يعني اكذب اسوي منزه صار شي ميرجعون يكولون ليش محجيتي
فرات .. كافي .. هو منو ماعده علاقات بهذا الوكت شنو محد ينطيهم لو ميزوجون اذا على كلامج محد تزوج
تالين .. غير اخليهم على بينه
فرات .. هو صوجي دزيتج من الاول واحجي وياهم . وعموما كلت لابوج على شغلة المشكله .. وبينتله كلشي . بس يسئلون ساجدين
تالين ..شبيك ويايه صاير متتحملني 😢
فرات ..اني روحي مجارعها لج انتي متدرين . المشكله الي احنا بيها
فرات ..اخويه .جان بخطر ممتحمل .وميقبل يتركها . ضربته وقررت اخطبله من اخوات تالين الي اصغر منها ..اخذته برة البيت وحاجيته
عقيل ..ماريد اتزوج .واذا قررت مو بهاي الطر يقه شنو طفل انتو تختارون
فرات ..سد حلكك مو كافي .. الي صار . بس البنيه توافق اخطبها الك . واياك يوصل لتالين او اهلها خبر
عقيل.. اني احب تالين واحترمها وماحجي لخاطر ها
فرات ..مبين تحترمها من كلامك .
رجعت للبيت شفته يتعذر منها وهي تضحك شكد فطيره هاي البنيه .
اهلج مرجعو خبر .
تالين ...لا ماكو . الضهر حاجاني بابا ..مجاب سيرة
عقيل بكلبي ..بلكي يرفضون .
فرات ..وانتي مسئلتي لو اله اعلمج
تالين ...لا مسئلته استحي اخابر ماما واسئلها
فرات ..زين خليلي عشا ..
تالين خليت عشا لزمني اكلتي لا ..ماشتهي .
فرات ..تعالي .
تالين كعدت يمه
فرات . حسيت نفسي قسيت عليها واعرفها متاكل اله اني .وياها .
جتي امي . مهمومه كلنا خايفين . اهل البنيه شاكين بس لفيناها بينا حتى زوجها ميوصله خبر .هي جانت يمهم زعلانه البنيه رجعوها لرجلها واحنا راح نزوجه ونفض الشغله امي .. شسويتو يمه
فرات ..لاتخافين يوم فضت ان شاء الله
ابو فرات .. ان شاء الله ماكو شي .. تالين بابا شفتي اهلح
تالين رايحه اتصل بماما عمو .
ام فرات ..ليش ماشوفله عبير ..
ابو فرات ..لا عبير متفيدنا ..
عقيل ..هاي شبيج يمه كل عقلج تحجين
ام فرات .. انلصم انت
#بدايه_خاطئه
غدير وسام
تالين اتصلت .بامي ..
ماما ..هلو توله شلونج
تالين ..زينه حاجيتبها لساجدين
ماما. بلي يوم موافقه وابوج كال يتفضلون هما والولد نتعرف عليه زين هسا جنت ناويه اتصل
تالين...زين ابلغهم لعد ..سلميلي على بابا والبنات
ماما ..يوصل
تالين .. عمو موافقه البنيه بس بابا رايدكم انتو وعقيل يتعرف عليه
ابو .فرات ..بلغيهم باجر العصر يمهم .
فرات ..غسلت .ورحت للغرفه ..نص ساعه وهي ماكو
صحت تالين .
تالين ..نعم ..
فرات .تعالي .
تالين ..نعم .. تريد شي
فرات وين شدسوين
تالين ..دارتب بلمطبخ
فرات ..ها وبس انتي مطبخج ساعه يله ينظف
تالين ..كملت .. وعمو راد كهوة وخاله هم كالت حضريلي الحمام .. السخان عاطل . دفيتلها مي
فرات .. وخلصتي .لولا
تالين ..بلي .خلصت .
فرات ..تعالي مرغيلي ضهري .. اريد اصالحها اعرف ضوجتها باخير ايام جتي .. تقربت . تمرغلي .. اويلي ..ايدين لو دوا .جريتهم بستهم . زعلان مني حبيبي
تالين ....لا مزعلانه .
فرات .. متاكدة لعد منو هذا الي عاقد حواجبه ومبرطم
تالين .. اني لو انته .. متتحجه صاير وبس تعيط عليه ... متتحملي حجايه عبالك من ورايه المشكله ..حتى وجي متباوع بي وتصيح كدام اهلك عليه . بجيت هو تخبل كام لحيله .وجرني
فرات .. كل هذا اني مسوي بيج .. حضنتها تبجي .. لجمت كلبي خطيه هي متحجي واني زودتها . ياحبيبي غير انتي مرتي واذب همي يمج .
تالين . اشكيلي .. احجي منو ميسمعك بس مو هلشكل شايل همك لوحدك . وضايج
فرات ... اعتذر ..ياروحيتي انتي .. اف يابه زعلانه وشايله بكلبها عليه اليوم احرك الدنيا .. واحرك فرات .
تالين ..اسم الله لاتحجي هيج شعندي غيرك .
فرات .مدام ماعندج غيري حني ..واطيني بوسه
تالين ..ههههه بس بوسه
فرات والله انتي كريمه واحنا نستاهل . شيطلع من ايدج خير وبركه
تالين حضنت فرات ونمت .. كعدته الصبح راح لشغله . كعدت خاله .. صبحت عليها مجاوبت
عفتها ..
ام فرات .من ختلتي مكلتي تحتاج شي لو متصدكين تفوتين للغرفه
تالين ..خاله . رحت نمت ..ومن تحتاجين شي صيحي عليه متاخر لو اتعاجز منج كملت شغل .والحجي .من خاله ميخلص على كلشي تعلق .. انتظرت فرات .. اجه حضرتله ملابسه وتغدينا وطلعنا لاهلي . عقيل .مبين ضايج . حاجيته بلطريق ..شبيك عقيل .
عقيل ..لا مبيه شي . بس ضايج باجر تخلص اجازتي
تالين ..اها..اا .وصلنا للبيت كعدو بلاستقبال ورحت يم امي والبنات وخاله ويايه .شفت ساجدين فرحانه لابسه فستان اصفر وهي بيضه . تجنن والشعر منزلته وبدون مكياج هي حلوة حتى خاله ضلت صافنه وتصلي على النبي . اخذتها ها ولج فرحانه
ساجدين ..لج كلبي راح يوكف .. من عرسج واني مخليه عيني عليه حماج الصاك .. فدوة انوب عسكري . يومه اموت على الضباط .
تالين ..عزة العزاج .. ولج شنو انتي
ساجدين .. اني اخت تالين .. اصغر منها . صف خامس ادبي . بيضه ..كصيرة .. وعيوني عسلي وشعري .جوزي . رسومي ناعمه .. خشمي صغير وشفايفي صغار كلشي بيه قزم مثلي 😁 من خطوبه اختي عجبني حماها .طول وهيبه وعيونه ..خرب .. زرك واللحيه . تخبل .مرات اشوفه حالقها شكله . احلى .. بلعرس .ضليت .واكفه بزفة تالين الكل صعد وبقيت اني . وبنت خالتي . اجه يعيط عليهم واخذني بسيارته .. حاجاني .شبيج راح تبجين .. اني اخو العريس ترا
ساجدين ..اعرفك ..بس عفيه وين ماما وباقي اقربائنا
عقيل ..امج ويا العروس واهلج كلهم بذيج الكيه صايرة حل وشد تردين ترحين ويةهن واني ناعمه يجعصوج والله وهنا ماشاء الله كل وحدة مشتمل مو مرة .
ساجدين .. لا نبقى وياك .. الطريق .يدك هورن ويركص احنا ورا كاعدات . وصلنا وراح ..من يومها تعلقت بي فديته وممصدكه هو هم حبني وتقدملي اكيد من العرس يفكر بيه فديتني من يقاومني .. تالين ..وين صفنتي ..امي تصيحج
ساجدين ..جيت ماما ..
ام فرات ..صدقه لمحمد .فدوة
ساجدين 🙈
ام تالين .. منورتنا اليوم ام فرات
ام فرات .. والله من اخلاق نادين وتربيتها الحلوة .كلنا نجيب اختها للبيت بعد تنطونا لا
ام نادين .. ابوها كيف .يكول مثل فرات . انطي واني مغمض . صدك الله مارزقنا ولد بس فرات .وزوج نادين .وهسا عقيل ولدنا ان شاء الله .
ام فرات ..ان شاء الله خيه
اجه فرات .. وينها سوسه .
ساجدين ..نعم .
فرات .. راح ادخل .عقيل . تشوفون بعض وتتعرفون . وراها نسمع منج لان احنا كلنا مقتنعين باقيه يمج الشغله
ساجدين ..ان شاء الله .
تالين اشرلي .. تعالي
رحتله .. فرات .. جيبي اختج وتعالي .
اخذت ساجدين .. ورحت للاستقبال . عقيل صاير احمر ومدنك يهز برجله ..فقير ابو البنات كعدتها يمه فرات امشي .. طلعنا بابا وعمو راحو يم ماما
تالين ... يبقون وحدهم
فرات ...اي شبيج غرتي .
تالين .. ليش اغار . اخاف على اختي
فرات ...لاتخافين عيني .. هسا تخبله مثل مخبلتني اختها
تالين .. ههههه فديتك
فرات فديت الفداني
أنت تقرأ
بدايه خاطئه
General Fictionبدايه خاطئه بقلم غدير وسام الناشربارق العراقي الاختيارات الخاطئه قد تكون درس لنا لنعدل مسارات حياتنا ونصحح الاخطاء التي وقعنا بها في البدايه وهذا ماسيحكيه لنا ابطال قصة بداية خاطئه
