روآيـــة #مــاذنـبي_آنــا (روايات ليبية )

البارت الــعــاشــر

#روآيــة
#مــاذنبي_أنا

________
#البارت_العاشر

•
•
•
سعاد >>روروروروروري
رونق>> 😞😞💔
سعاد>>ربي يسعدك يابنتي
رونق>>ان شاء الله💔
.
.
.
.
.
.
#يوم_الاحد

اجتمعوا الكل في بيت ام رونق

خالتها فاطمه>>الف الف الف الف مبروك
رونق>>تسلمي
خ فاطمه>>روروروروروروري
رونق>>ابتسمت🙂
خ عائشه>>يازينة جيتك فرحانه وشاهد ربي سبحانه
رونق>>.......

.
.
ندى >>خيرك تقول سبونج بوب ماده وجهك
رونق>>ههههه شن بندير هي
نهى>>ههههه. والله ماتتحشمي ياندى
ندى>>>هههههه
رونق>>بنات نبي نطلع من هنا طلعوني
ندى>>انتي عروسة يابنت
رونق>>تربحوواا فيااا اجر
نهى>>هي ياسمين نكلموا خالتي سعاد ونطلعوو
رونق>>ايي هييي امشيي
.
.
طلععو البنات
.
.
ندى>>كلمك وسام!
رونق>>تنهدت>>لااا
ندى>>غريبه
رونق>>خلي يتعاود ع غيابي😞
ندى>>ربي يكون معاك
رونق>>يارب🙂

.
.
نهى خشت سبونج اوقفي هي قالت باه
رونق>>بفرحه>>تبصصصرري
نهى>>والله
رونق<<ضمتها>>تهبلييي والله
نهى>>هههه هيي البسي
رونق>>هييي

.
.
نهى>>ندى
ندى>>هاا
نهى>>كلمك وسام
ندى>>اي
نهى>>ياروحي حالته توجع
ندى>>الله غالب
نهى>>تعررفيي بيموت يقوليي كيف بنعيش من غيرها
ندى>>ربي يصبره
نهى>>مسااكين
ندى>>الله غالب ‎#نصيبات
نهى>>ربي يصبرها المسكينه
ندى>>اي والله
ياسمين>>بس حالتها توجع
ندى>>انا فاهمه ان ابتسامتها تصنع
نهى>>تحاول تبان قوية
ندى>>اييي بس ربي يصبرها
ياسمين>>هي خل نشوفوها
نهى وندى>~هيي

.
.
خشو الغرفة
ندى>>بصدمه>>خيرررك

رونق كانت طايحه ع الارض وتبكي
نهى~>بسم الله رونق رونق خيرك
رونق>>تبكي>>يااارب صبرني ياااربي
ندى>>استهدي بالله يارونق
رونق>>كيف بنتحمل بس قولولي
نهى>>الله غالب يارونق
ندى>>رونق نعرفك قوية انا
رونق>>قربت نهايتي يابنات
ندى>>اسكتي لا تقولي هك
نهى>>بعيد الشر عليك احنى معاك
رونق>>تنهدت يااارب صبرني
نهى>>خلاص هي امسحي دموعك واطلعي معانا
رونق>>وقفت تمسح في دموعهاا
وطلعت

.
.
.
.
.
.
.
.
#في_سيارة

كانو يغنو ويضحكو

رونق>>يااحليليي بنستاحشكم 😭
ندى<<ضمتها>واناا والله
رونق>>بس كل يوم بتجوني راه
ياسمين>>هههه يااعيني كل يوم عندك لين عريس الغفلة يلزنا
رونق>>ههههه يملح ماحد قاله ياخدني
.
.
.
.
.
____________

فجأة تحولت من �امراه ثرثارة تحب الضحك� وتعشق الحياة،�لا امراة علئ وجها �إبتسامة عادية تميل� للعزلة والهدوء والصمت،�ذلك لم يكن الا وجعآ�وجعآ حطمها تمامآ💔

د ميسم>>لو بتبكي مش ح تستفادي شي رونق
رونق >> اوك شن تبي ندير مثلا!!
د ميسم>>احكي قصتك وانتي مبتسمه لانك ماغلطتيش
رونق>>تنهدت >>
د ميسم>>خلي غيرك يتعلم من قصتك بش يستفادو
رونق>~اخخخ
د ميسم>>كملي
رونق>>
.
.
.
.
_______
رجعت رونق للبيت
خشو البنات يضحكو

خ عائشه>>رونق انتي عروسه
رونق>>تضحك>>وكان عروسه
خ عائشه>>علاش طالعه
رونق>>هههه نغير في جوي
ندى>>بنات جعت انا
رونق>>تعالو ناكلوا
ياسمين>>هياا
.
.
.

فاتو يومين
#الثلاثاء
سعاد>>هي يابنات نوضو وقت راه
رونق>>افففف
سعاد>>هي اوقفي تقول مش عروسه مكانك غر السياره
رونق>>باه
سعاد~>حتى خوتك ركبو الضوء برا
رونق>>وقفت
.
.
.
.
.
مشت رونق للحمام
طلعت من الحمام وهي تبكي

خ عائشه>>روروروروروروروروروروري
رونق>>دموعهاا ينزلوا مش حاسه بشيء
خ فاطمه>>استهدي بالله يابنتي
رونق>~بدموع>>حولوا بعدو خلوني في حالي
ندى>>ضمتها>>رونق خلاص لا تبكي والله قطعتيني معاك💔
رونق>>تبكي>
.
.
.
.
لبست الردي البودري
خ عائشه>>لبس البودري محلاه كل بنيه تتمناه
رونق>>🙂
خ فاطمه>>لبس البودري والحنه ربي لا يحرمكم منه
ندى>>روروروروروروري

كملت يومها بـلا وعي ولا شعور مجرد كائنة تاكل تضحك وتبتسم وكأنه مش عرسهاا
#ليلا

ندى>>والله ماما كلمتني تبيني نروح
رونق~>تبكي>>ماتخلنيش بروحي
ندى>>والله مانقدر
رونق>>هاتي نكلمها
ندى>>اتصلت ب امها
وكلمتها رونق ووافقت
.
.
.
.
عجـبآ يآقلبي ، تبكي شوقا على من أبگآك جرحا 💔!�
تحت شجرة في جنان
كانت ندى ورونق
رونق~>ندى
ندى>>نعم
رونق>>كلمي وسام
ندى>>لا
رونق~>تبكي>>ارجوكك بس توا نسمع صوته بس
ندى>>اتصلت بـ وسام
وسام>>الو
رونق>>نزلوت دموعها>>وسام
وسام>>رونق صح اللي ريته ريت ضي في شارعكم مش عرسك صح
رونق>>تبكي>>الله غالب وسام
وسام>>.....
____________
انتهى البارت
ملاحظه!
انا لما نقول رايكم مهم عندي
ماكانش قصدي ديرو لايك !
او علقوا بـ تم !
او علقوا بـ قصير البارت!!
انا نعرف انه قصير لما نكتب عيوني مفتوحات ! ونشوف
بس هي القصه قصيره وانا نبيهاا كلها واقع مانبي نزيد عليها
ولو بنكتب بارت طويل ح تجي في بارت واحد قصة كلها !
يعني ياريت تعلقوا بـ شيء يرفع معنوياتي
او حتى دعاء لصاحبة القصة
واللي بتعلق بـ تم او لايك يخليه او تخليه عنده /عندها خير 🙂
#روآيات_ليبية
#رورو
RORO_Ashour
💛💛
_________________