بدايه خاطئه

الجزءالثاني

#بدايه_خاطئه
البارت الثاني ..
بقلم غدير وسام
الناشربارق العراقي
عشنا احلى ايام الخطوبه وصارت عشقي . قربت امتحاناتها  تركتها تقرا  بس اتصل اطمن واسدة .بهاي الفترة تزوج سجاد .وانخبصت ويا ..حنه وعرس .خلصنا زواجه .فترة استعدل ويكول فقيرة وحبابه بعدين رجع لسوالفه ابو طبع ميغير طبعه امه دائما تتصل تشتكي منه يضرب البنيه  ومرة اتصلت كالت تعال نوصلها لاهلها اني وياك .رحت طلعتلي هي والبنيه .سبحان الخالقها.حوريه موبشر رغم اكو اثار ضرب بوجها وطفله كلش صغيرة  الطريق  كله ساكته وصافنه  عكس هذا المخبل .وامه تسولف .يضربها وهي مدللها ابوها  هي وأخواتها
فرات...هسا فترة ويتغير ميبقى هيج .2
ام سجاد ..تعبني يوم ..لابشغل لابمصرف وهي متشتكي بس يحاجي بنات  ومن تعاتبه يضربها  شكل لاخويه اني .
فرات .. هسا خوما رايحه زعلانه خيتي .طولي بالج عليه
جاوبت بهمس وبجي  ..لا
فرات ..اي لاتكبريها .وتحملي  يراد فترة ويتغير ميبقى هيج وسجاد خوش سجاد. وصلتهم .ابوها طلع جلب بيه
ام سجاد .. تعال فوت خاله .حتى نرج سوا .
دخلت بيتهم راقي بلعرس مدخلنا  ابوها انسان فاهم ومثقف . رجعنا .
ام سجاد .اني ورطت البنيه خطيتها بركبتي
فرات ..كولي ياالله .بعده  انطو مجال واني اليوم اطيح حضه
ام سجاد ..اي والله احجي ويا هو يحبك ويسمعلك 
فرات ..ان شاء الله وصلنا رجعت للبيت .خابرت عبير
شلونج
عبير .😢موتتني الدراسه 
فرات ..ههه يله  تحملي حتى تنجحين وترحين سادس زينه
عبير .ان شاء الله شخبارك .
فرات ..ماكو .مشتاقلج
عبير تعال يمنا اشوفك الله عليك
فرات اني هم  اريد اشوفج بس خاف اعطلح 
عبير ..حباب نص ساعه .
فرات ..لج لاتتوسلين .اني منا ميت .يله جاي .رحت شافتني خاله .
شلونك ..ماكو كطعت .بينا
فرات .ماريد اعطل عبير
خاله ..اي حبيبي الله يرضه عليك فوت ابني هسا صيح عبورة .
جتي عبير تركض باستني من خدي ..شميتها اني شكد مشتاق لريحتها الطيبه .
شلونك .اله اتوسل يله تجي مزاعلتك
فرات .. لا حبيبي اريدج تقرين
عبير .هي  الساعه شتفرق عليه هم ارتاح ..حباب خلي نطلع مختنكه .
فرات ..كيفج حبيبي .يله
عبير .فدوة لكلبك .هسا ابدل واجي .
خاله ..وين ولج والدراسه .
فرات ..خلي تغير جو  خاله حتى تفتح نفسها للقرايه
خاله ..كيفكم .روحو .بس لاتتاخرون ماوصيك  حبيبي
فرات .صار خالتي .
جتي .عبير .لابسه جبه نيلي وحجاب وردي . طلعنا .
شنو كمر يمي نازل
عبير ..شكرا حبيبي .عيونك الحلوة .رحنا مطعم .طلبنا عشا . اكلي وجج اصفر من القرايه
عبير ..داكل حبيبي .اي سولفلي  مشتاقه اسمع اخبارك
فرات ..ماكو شي بس شغلة سجاد ومرته اليوم  وصلتها لااهلها خطيه طفله مري اهلها ليش مزوجيها ومبينين مثقفين وممحتاجين .صح سجاد اخويه وزلمه وكت الشدة واخو خيته بس لو عندي بنيه مانطيها اله لان صاحب علاقات وشرب
عبير ..خطيه
فرات ..اي فعلا مسكينه وضاربها اليوم اله اسحله من اشوفه
عبير ...فرات انته هم تضرب
فرات ..عيب الرجال يمد ايدة على مرا هي كائن ضعيف والي يضربها مو رجال .اكو هواي طرق تعاقب بيهم غير الضرب
عبير ..مثليش .
فرات ..من نتزاعل اطبقهن عليج وتعرفيهن .ههه
عبير ..يومه الله لايجيب زعل بينا .
باوعت خلصتي ارجعج هسا خالتي تزعل
عبير شويه حباب .بعد
فرات ..ههههه لج كومي .وعد كل فترة اطلعج اغيرلج جو ومن تخلصين يوميه نطلع
رجعتها للبيت .قبل لاتنزل جريتها .بستها من راسها وحضنتها حيل .اوف .محتاج لهذا الحضن جنت .نزلت تركض .رحت للبيت .اجت ايام وراحت ايام وكملت عبورة امتحاناتها ونجحت للسادس.اني  اجمع يم امي ..للسلفه وللذهب والغرفه قررت اذا مكفن ابيع السيارة بس ابويه وامي مقبلو  حتى خالتي وابو عبير من سامعين كالو براحته لايستعجل  بيوم كاعد اتصلت ام سجاد .الحكلي خاله راح يموت البنيه .ركضت ..فتحت بابهم وطبيت لكيته لازم البنيه مخلصها منتهيه بليدة دفعته منها . ممبينتلها معالم من الدم .. جان شارب مبين .. خليناها اني وامه وللمستشفى  .دخلتهم  عالجوها  وسئلو شبيها هي وعت كالتلهم وكعت .الدكتورة تباوعلي باشمئزاز . هاي بس انتو وكعتكم هيج . انتو دتنطوهم مجال يتمادون بضربجن .. وانته عيني بنيه هاي مو كيس ملاكمه ولارجال مثلك . اخذتهم وطلعت اباوع كلبي ممرود عليها .
ام سجاد . ..الله يستر عليك يوم .خلصتنا
اسمعها .تهمس ..وديني لبابا .عمه .فدوة
ام سجاد ...ولج شلون اوديج ابوج .ميرجعج بعد 
فرات ..اخاف يرجع يضربها اوصلكم واخذة يمي .
وصلتهم لكيته بلبيت سحلته وطلعته .جان  كلشي ميدري بنفسه .شارب كومه خذته للبيت غسلتله وبدلت ملابسه .وفرشتله بغرفتي ونام   لليل كعد .. ضايج .
فرات ..شبيك ..متكلي . موتتها للبنيه  لو ميته بيدك . بت اوادم ومشتكت عليك .جان ذبوك بلسجن لك رادو ياكلوني عبالهم اني ضاربها منتظرين بس اشارة منها
سجاد ..شحدها لاتخليني اروح اخلصها
فرات ..حتى ادفنك هنا شبيك تخبلت انته . متريدها دزها لاهلها
غدير وسام ..
سجاد ..تعاركت ويا نورهان وطلعت حركتي بيها
فرات ..ايا ناقص ..علمود هاي .ال...تضرب  زوجتك
سجاد ..اني ضايج وامي  تلح ..تريد دكتورة .علمود الاطفال ويني وين الاطفال تريد  طيح حضي هي وامي فرات ..رحت جبتله عشا لكيته يريد يطلع .وين رايح
سجاد ..للبيت .عيب  باقي هنا .
فرات متروح اليوم بات يمي
سجاد.. وداعت فرات ماسوي شي اريد انام .
فرات ..دتعشا وروح منو هسا كاعد يحير بيك كوة عشيته .وراح .خابرت امه كلتلها اجه وبلغيني اذا صار شي
عدت ايام ..علاقتي بعبير تجنن  كملت السادس ونجحت  . ..... دخلت  جامعة بغداد .. لغات ..قسم انكليزي . اخذتها اشتريتلها ملابس .وجنط واحذيه .جهزتها من كلشي ...واني اوديها واجيبها .. واخذت غرفه  قبلها رتبت غرفتي ..صبغ وديكور ..وبيت اهلي كله صبغته اتصلت بيها
فرات ..هلو عبورة .
عبير هلو فرات
فرات ..عذريني انشغلت عنج بس رتبت غرفتنا 
عبير .عادي .ولايهمك
فرات ..راح ادزلج صور  تشوفين شغلي .
عبير ..اوك
فرات ..وباجر  اجي عليج تجين تشوفيها
عبير ..مااكدر باجر عندي امتحان واريد اقرا مو مال اطلع
فرات ..زين خليها لبعده
عبير ..ان شاء الله يله اريد  عندي دراسه
فرات ..الله وياج
سديته ..وطلعت لسجاد وخليل   متركوني  ايدهم  بايدي متركوني ابد ..
كعدنا لليل .ورجعت لكيت اهلي مجتعين .
ابو فرات ..ابويه اذا مااعندك شي .نزوجك بعد
فرات ..اي ماعندي شي كملت كلشي
ام فرات ..باجر اروح اتفق وياهم 
ابو فرات ..اي ..من ارجع من الدوام كلنه نروح الهم
علي ..بلخير اخويه .
عقيل ..يوم الي ..يارب
فرات ...ان شاء الله 
رحت ..لغرفتي . اتصلت .بعبير مجاوبت .باوعت متصله بلنت .يجوز تقرا بس هي بلفترة الاخيرة حيل ابتعدت عني .اتصل متجاوب .اروح الكاها طالعه  مهتميت  نمت الصبح طلعت لشغلي بيومها تاخرت اتصلت بامي  كتلها ماكدر اجي روحي لاتنتظرين  رجعت  اهلي ضايجين .
فرات ..خير
امي ..خير يوم ماكو شي .
فرات ....ممبين خير اشو ضايجين
ابو فرات ..لا بس البنيه تكول بعد اكمل دراسه يله اتزوج
فرات ..ضحكت  شلون يابه  بلعكس  عبير مستعجله اكثر مني  اني هسا اتصل وافتهم
فرات ..هلو عبير .شنو هذا السمعته
عبير ..هلو فرات ..مثل مسمعت اريد اكمل اذا تحب تنتظر واذا لا  الله يوفقك
فرات ..مداافتهم .شنو قصدج
عبير ..فرات ..قصدي  واضح اني ماكدر اوفق بين الدراسه والزواج
فرات ..هذا كلام جديد  ليش متكدرين شراح يتغيررعليج
عبير ..لا هواي يتغير .الزواج مسؤليه واني مو كدها حاليا وبعدين ..انته وين تكدر  على مصاريفي .اني اريد لبس وذهب مثل البنات خوما ابقى على الحلقه
فرات .. الذهب ..مو مشكله ابيع السيارة واشتريلج ذهب
والدراسه ان شاء الله متحسين  بفرق
عبير ..افكر ..هسا اروح نعست
فرات ..براحتج  صفنت .هاي البنيه بايعه مبينه بس اني احبها   ماكدر بدونها ....بعد اسبوع ..
ام فرات ..ماما ..حبيبي هاي خالتك اتصلت تكول  عبير تريد تفسخ 
فرات ..براحتهم .امي صح احبها بس مااذل  نفسي الها لو منو تكون .  جتي خالتي .عهود تبجي وباست راسي
عهود ..حبيبي .والله ردتك الله شاهد بس ماكدر اجبرها
فرات ..براحتها خاله .
عهود ..لاتزعل مني وتشيل بكلبك
فرات ..لا خاله متوقعتها منج خلص  نطلع على حب الله وتبقين خالتي 
عهود ..هي مو بنتي بس هي الخسرانه والله
فرات ...الله يوفقها وترتاح ان شاء الله ماكول غيرها اترخص خاله خابرت سجاد وطلعنا .
سجاد ....شبيك يول
فرات ....فسخت خطوبتي
سجاد ..كول غيرها يمعود  صار سنتين خطوبه وتحبها وتحبك شصار
فرات ...ماعرف .البنيه تكول مااوفق بين الزواج والدراسه
سجاد ....لك هاي دروب اذا ماطلعت مكبله بلكليه ازين شاربي .
فرات ..بعصبيه ...لك شتحربط نسيت هاي بت خالتي .لو النماذج التعرفها خلتك تشك بكل الناس ومتعرف تحجي  لو غيرك الحاجيها جان ذبحته
دفعته ورحت .
سجاد ...تعال شبيك  يمعود
فرات ..وخر من طاح حضك .عود مخنوك اجيت عليه خنكني بلزايد  رجعت للبيت .بعد يومين فسخنا عقد السيد وانتهت علاقتي  بعبير . بيومها طلعت روحي .. احتاجيت اكون لوحدي طلعت  من البيت وضليت افتر بلسيارة للصبح .رجعت لكيت امي وابويه كاعدين ينتظرون واخواني كلمن بمكان  يدورون
فرات ..صدك تحجون ضايج وطلعت شبيكم
ابو فرات ..ليش جهازك مغلق
فرات ...فصل شحن والله حجي مو قصدي اقلقكم
ام فرات ..ليش هلشكل يوم علمود بنيه تسوي بنفسك
فرات ...شسويت .. انتحرت لو رحت شربت ورجعت اطوطح كله احتاجيت وقت لوحدي اعيد حساباتي .
ابو فرات .كافي فوت يابه لغرفتك ارتاح وانتي سويله اكل .
فرات ..لاحجي انام اريد ماشهي .بست روسهم ورحت انام
عبير ..   فرات ابن خالتي كان حلم طفولتي ..احبه من اني طفله ..ولمن بدا يوصلنا فرحت كلش .تقربت منه وخليته ينتبهلي . من خطبني  مصدكت .. وبقينا مخطوبين سنتين .. بس لمن دخلت للكليه شفت غير عالم . المخطوبات والمزوجات لابسين كومه ذهب واني بس بلحلقه . وبعدين بدو الشباب واللبس