#بسمه
البارت 22
#ام_مصطفى
شنوووووو عيدي مفتهمت
اي مثل ماسمعت
طايحه دك سوالف وضحك هي وسامر والبنيه رنا
اجت اشتكتلي دكول غير ازوج كافي خلي اجوز من رجلي ....
اه
ولج صدك هالحجي
اليوم شيخلصج مني
طفر علي شلون بات مان رأسا نام فوكاي
بوكسيات ودك وضرب
امي تعيط عوفها وأجر بي وجهال آمين يتصارخون وإني اعيط
ماكو مافكني
كام وكام يدفر بيه دفرات ع صدري ع بطني يرفع رجله حيل
وينزلها ع بطني بضربه
متت حسيت هاي نهايتي
إلى أن وكعت امي اتخربطت
عافني وراح عليها
كمت اسحل بنفسي سحوول
للغرفه
حتى امي ماشفت شبيها
دخلت للغرفه وإني ازحف مااكدر امشي رجلي خدرت جسمي كله مااحس بي بعد
رجع علي وين المبايل وينه طلعيه
اشرتله ع الجربايه
مااكدر احجي صوتي راح أحس
ركض اخذه همزين امسح كل شي منه اني
لازمه بيده وجان يدك سامر
يبووووووي
يدك سامر يعني صدك عدج شي وياه
جاوب لك سامر والله اذبحك واذبحها
جوز من بسمه
مااعرف سامر شنو يحجي وياه
بس رائد يكله
هذا الحجي خلي يفيدك عود
حسابي وياك عسير
لك لوتضل آخر واحد بالدنيا مااطيك أيها سمعت لولا
سد الخط لزم المبايل سواه طشار
والسيم كارت كسره تكسر
وطلع وسد الباب
أخ أخ الله لايوفقك كون
أخ يمه راح اموت أخ رجلي بطني
كمت جلبت بالجربايه
أريد اصعد انام عليها نومت الكاع تاذيني كوه كدرت أحرك جسمي
ومديته ع الجربايه
سمر تحجي ومرت رائد تصيح
والجهال يبجون صارت هوسه
ماكوو ربع ساعه اسمع صوت
سامر وينها شسويت الها
اسمع رائد يكله مالك شغل بيه
الصبحه الي بينا بصفحه وبسمه بصفحه
عيب عليك مأمنك ع بيتي تالي تخوني مع الاسف عليك
مرتك فاضحتنا بالفاتحه ع شنو اشاف عليكم كلي
كال من انعل ساعة السوده العرفتها بيه يمعود هاي وحده شكاكه ختولي
سنين اني عايش يمكم وانام عدكم
شفت علي شي
وهو هذا الحارك كلبي ولك خاف جنت تستغفلني
شوف رائد انت قربتني من بسمه
انت جنت مأذيها كلش
خليتني اعطف عليها
واتقرب الها واتعلق بيها أحبها
مدام هيج أستاذ سامر لعد ماخطبتها
ردت اخطبها بس ثامر صدمني وخطبها قبلي
شسوي حضي المصخم خلاه يحط عينه ع نفس البنيه الي أريدها
كال رائد والله عمي خوش
ولا تستحون انتم معتبرينكم إخوانه تالي تباوعون ع عرضنه
صار مصايح بينهم
كله سامر فهمني هسه شسويت البسمه
كاله كسرتها ولو بيدي اكتلها واخلص
سامر دفع رائد ودخل سامر علي للغرفه
بسمه وينج بيج شي
شاف حلكي وخشمي يجرن دم
رائد دخل وراه
اطلع لك اطلع بره
كله سامر الله لايوفقك ياحيوان شمسوي بيها ليش هيج والك
رجعوا تلازموا
اووف سامر شجاي تسوي تخبلت شنو جايني بنص البيت تعارك ع مودي
كافي بعد عوفني بحالي أفهم بعد
اني طلعتك من حياتي ........
بس اباوع بعيوني ولا اكدر أنطق كلمه ولا أحرك ايد ولا رجل
حتى شكيت بروحي متت
سامر كله من الأخير رائد
اني راح اخطب بسمه
تقبلون تزوجها الي
كله انت شتخربط كاعد انت غير مزوج ومزوج بنت خالي جماله
شنو تخبلنه اطيك إياها
اطلع بره ومااشوف وجهك مره ثانيه
لا اشوفني رائد ومراح اعوفها تحت رحمتك سمعت لولا
طلع سامر
ورائد صعد فوك فضحتنا الحقيره هاي اني اعلمها ....
بقيت يومين نايمه بالفراش
جسمي مكسر تكسر
امي جانت تبجي علي تدخل اتجيبلي اكل ومي وتطلع يومين مرايحه للمدرسه
امي مخابره زهير يطلبلي اجازه أسبوع
لأن وجهي مزورك
امي طلبت مني اروح أكعد يم بيت زهير احسن
اجه زهير ياخذني رائد مقبل
كتلهم اذا متخلوني اروح وياه اكتل نفسي
كوه طلعت منهم
وهناك بديت مرحلة حياتي جديده
نسيت سامر طلعته من فكري وبالي للأبد التهيت بدروسي وبس
دخلت بكلوريا
وبدت امتحاناتي هناك ماعدي شي
بس ادرس وبس ارتاحيت من سمر ورائد
بس بالي ضال يم امي وجهال آمين
الي كامو يجوني خميس وجمعه ويرحون لمي كعدت ادرس وتعبت كلش بدراستي
والحمد لله نجحت وطلعت معدل زين دخلني كلية هندسه
امي كلش فرحت بنجاحي وقررت تذبح خروف وتعزم الأقارب كولها
وتسويلي حفلة تخرج ع طريقتها
عزمت خوالي وعمامي
وسوت غده الحمد لله لا رنا اجت ولا سامر
التمينه كولنا خواتي وخوالي وعمامي كلها فرحتلي
لأن الكل يعرف معاناتي وي رائد وسمر
وجان اداوم كليه واتعرفت ع صديقاتي اثنين وياي الاء
ويقين
كلش حبابات وصرت احجيلهم كولشي حبيتهن هواي وارتاحيت الهن
زهير اشترالي مبايل وكال خلي سري يمج مااريد رائد يدري استخدمته عندي ارتاحيت هاي الفتره كولش رغم رائد كل شويه داز لي تهديد بس ارتاحيت
وبديت صدوك أنسى سامر
سامر صار عنده بنيه
ومشاكل هو وزوجته
حاول هواي يلتقي بيه بس مانطيته مجال أبد
للحكايه بقيه
اعذروني مكدرت أركز وأكمل البارت من هبطة الانفجار
بردا وسلاما مدينتي المظلومه مدينة الصدر
😢😢😢😢😢😢😢😢😢😢 كملي كملي شطلعت هاي
سويتيها قصة عنتر
غير قصه هي وردت أكمل رمضان بيها وياكم
بس هسه اختصرتها الكم ابارت النهايه
بسبب بعض التعليقات السلبيه
