#بسمه
البارت 20
#ام_مصطفى
بارت لخاطركم
بقيت اباوع ع المبايل شكو مخابرني بيوم عرسه
شنو يبشرني بليلة دخلته لو شكو
بقيت متردده اجاوب لولا
المبايل بيدي يدك
ردت افتحه انكطع الاتصال كلت بعد احسن
خليته ع الميز
رجع دك
شكوو شعنده شرايد مني
فتحت خط كلت الو
كال الو بصوت تعبان
بسمه
اي بسمه خير شرايد اذا جاي تبشرني بعرسك تره ادري هواي شمات بشروني
بسمه اسمعيني
شتريد سامر روح لرنا لفضلتها علي
روح كافي بس الاذيه اجتني منك
بسمه اسمعيني
مااريد اسمع شي
لا اسمعيني غصبن عليج
عاط بيه
بسمه جاي اموت جاي اتعذب اني
متروحين من بالي عبالي ازوج وانساج
بالعكس زاد اشتياق واحتياجي الج
بسمه تعرفين اليوم زفتي وإني هسه بالشارع طالع
دخلت عليها ومااكدر اتقرب الها
نفسي متتقبلها
كتله ليش مو هاي الي بعتني
ع مودها
روك سامر هذا الحجي بعد ميفيد ولا راح يغفرلك
ولا يقدم ولا يأخر
بسمه اكلج اني مااختاريتها امي خطبتها الي
وكتله رنا أو غيرها متفرق عندي
مدام خسرتج بنات الدنيا كولها متمله عيني
ارحمني
شتريد هسه مني يعني شسويلك مثلا كولي
احبج بسمه ومااكدر بلياج
ههههههههه
ضحكتني
لا تكدر وكدرت سامر وكافي تلعب بيه وبمشاعري
وبعد لا تخابر أبد رجاء
وسديته
بس احتركت حرك عليه
هيج أوجاع كلبي كله
نبرة صوته الي تخليني ارجف رجف عليه
كلامة الي يخليني أنسى روحي بيه
اووف سامر لهسه أحبك وضعيفه كولش كدامك
بس لازم اصير قويه ومااطي مجال
أبد اي احسن
اه اه ليش هيج سامر ليش
يعني شلون مراح انساك
وفوكاها مخابرني
ودكلي احبج
ياحب هذت ياحب الي مابيه تضحيه
هاي انانيه مو حب
الصبح داومت كوه بس لازم اداوم
مااريد أضعف أريد ادرس وانجح
مااريد يأثر علي شي مررت الأيام وإني ملتهيه بدروسي
سامر بين فتره وفترة يدز لي رسائل شلونج مشتاقتلج
احبج
ماانساج
انت الي حتى لو ازوجت
وووووووهوايه
بس ولا يوم رديت عليه
امي حالتها الصحيه بدت تدهور أكثر وأكثر
صار عدها انسداد بشرايين القلب
وكامت هواي تختنك وتوكع
ونظطر نأخذها مستشفى
آخر شي كالوا اله عمليه
وعمليتها لازم بالهند عملية قلب كبرى
جان عندي امتحانات نص السنه
مكدرت اروح وياها
راحت سمر وابوي وياها
بقيت ادرس اني
سوت عمليه امي ونجحت العمليه
واجتي من الهند
وبدت الناس تجينه
اجتي خالتي ورنا
طلعت سلمت عليهم عادي
مجبوره اسوي نفسي مهتمه
بس الصدك اني من شفت رنا وي خالتي متت قهر بودي املخها تملخ
خصوصا من صفت بصف سمر
وكامت تتعيقل وتسمعني كلام
اني حامل وبيه ولد وسامر مدللني ادلل ويموت علي
جانت تحجي وتباوعلي صفح
عفتهم وكمت.
لليل اجه سامر
أبد مطلعت من غرفتي ولا شفته ولا شافني
لحد ماتاكدت راح
هاي صار 8 أشهر مشايفته أبد سامر
حيل جنت بداخلي مشتاقتله
بس أكابر ومااريد اشوفه
اخاف أضعف كدامه
وهاي رنا فتتني فت
ردت اخنكها .. .
كامت امي بالسلامه الف الحمد لله
وراها توفت مرت خالي أم رنا
وامي كالت لازم ترحين عيب وبعدين شكو باقيه هنا
جنت هواي أحبها خوش مره وحبابه وتحبني هواي. من صدك بجيت عليها
لبست اسود وعندي نفنوف هو عبالك جبه اسود ضيك كولش ردن وطويل
اني بيضه كولش من البس الأسود ع كولت امي يشتعل علي
لبست شال وياه
حواجبي ثخان سود برزن أكثر بالاسود لبست عبايه فوكاهن ورحنه
فتت يم النسوان صريخ وبجي
ولطم ورنا شفتها سلمت عليها البقيه بحياتج
بقيت كاعده ع صفحه
مرت خالي الخ كالت كومن انتن بنيات سون جايات للنسوان مي
كومن
كتلها أي خاله صار
خليت عباتي يم اختي الجبيره عذراء وكمت للمطبخ
طلعت من الاستقبال
صار بوجهي سامر وكف كبالي
وصفن بوجهي بسمه
وللحكايه بقيه
#ام_مصطفى
