#بسمه
البارت 19
#ام_مصطفى
ضربتين ع الرأس توجع
هااااااااااااا
شنو منو منو يخطب منو مفتهمت يمه شنو كلتي
كمت اعلس بالحجي
اسم الله بسمه شبيج يمه
سامر يخطب رنا بنت خالج هسه خالتج عزمتنه كتلها احنه منكدر نحضر تعرفين لسه حزنانين
عفت امي ورحت ركض
صاحت وراي شكو بسمه شبيج
ركض لغرفتي
جانن اكو عطور ع الميز
طكيتهن وطيرتهن
معقولة سامر يبيعني لا لا لا مااصدك
سامر يحبني
يجوز امي مفتهمه غلط
خلي اخابره
اي خلي اخابره
أريد أركز وين خليت المبايل مااذكر
انسطرت كمت افتر بالغرفه مثل المخبله
وين خليته ها وين بالكنتور فتحته دورت طشرت الملابس
ماكو وينه لعد
بالمجرات يجوز فتحت الجراره نكتتها بالكاع ماكو
بقيت كاعده ودموعي تنزل لا اراديا وامسحهن
شكو تبجي عيوني
لا سامر ميسويها تره
شفت المبايل ع الجربايه
ركضت خذته
دكيت دكيت عليه ماكو
كررت ماكو جاوب سامر فدوه لعمرك كلي جذب ماكو هيج شي
دزيت رساله سامر جاوب عفيه ضروري
دك علي
سامر الو سامر خالتي شجاي تحجي
شنو رنا شنو انت مفتهمت
ههههه تنصب علينه شنو
كال لا بسمه
اتقبلي الوضع باجر خطوبتي
الله يوفقج ويوفقني
احنه طريقنه مسدود وانت ممرتاحه بحياتج
وإني مااكدر اسوي شي
قررت ازوج حتى انت هم الله يوفقج وتزوجين وتخلصين من رائد وسمر
عطت حقير نذل كذاب خاين
ومالكيت غير رنا
افتهمي بسمه تره امي خطبتها الي
وإني قبلت لأن متفرق عندي رنا أو غيرها
والله زين تحجي ابرود
وقرر بالنيابة عني انت تعرف شسويت بيه ذبحتني من الوريد للوريد
الله لايوفقك ولا يوفقها
مااكول غيرها بعد
وسديت الخط
ملخت نفسي لحد ماتعبت بجي ودك ع وجهي
أريد الحركه والنار الي بصدري تطلع ماكو فايده
نار كبره بصدري
امي اجتني افتحي الباب
كالت جنت شاكه وهسه تأكدت
عندج شي وي سامر
ولج شصار بينكم
سوالج شي
حضنت امي ماما كسر كلبي
ولج بسمه احجي صار بينكم شي
لا اطمني كلشي مصار بينه
وكمت اصرخ
كافي مصخمه لا يسمعج رائد ويذبحج غير
طلعت وعافتني
اجوي جهال آمين
عمه شبيج بيج شي
مابيه شي تعالوا يمي حضنتهم ونومت للصبح اتكلب بالفراش مانمت أبد انعادت علي احجاياته سوالفه وياي
ضحكتنا كعداتنا نضرات عيونه
كلهن راح يرحن لرنا
اني الحبيت ولغيري صفيت
صخنت كلش الصبح مكدرت اكوم انترس حلكي طكاك من القهر
وبلاعيمي من البجي والقهر كامت توجعني وورمن
امي اتطب وطلع علي كل شويه
متعرف شدكلي وشلون أصبر علي
بس احسها انقهرت حيل علي
أسبوع كامل ماكمت من الفراش.
اتخايل هسه يخابر بيها
جاي يسولفون يضحكون
طلع وياها لزم ايدها
تعبت من التفكير متت
كرهت أحس الدنيا كولها
شلون أنساه مااعرف
الضربه الي ماتقتلك تقويم قررت اصير قويه وارجع للدراسة واوكف بوجه رائد واهلي كلهم
رحت لمي يوم أريد ارجع للمدرسه وأكمل السادس
وادخل كليه
ومااريد أحد يعارض زين لولا
كالت والله احسن شي تسوينه
اي شكو بيها ارجعي لدراستج
بس هذا المصخم رائد شيقنعه
شوفي يمه رائد ماله دخل زين لولا
انت وابوي عايشين هو شكو يدخل
كالت اليوم افتحه بالموضوع واشوف
شوفي يوم قبل ما قبل
اني مداومه وباجر اروح استلم كتب
عفتها ورحت
اجه رائد كاموا يصايحون ولا طلعت خلي شيحجي يحجي
كافي مدكه صايره اله. وخدامه لأمه سمر ومرته
اداوم يعني اداوم اريد شي إلهي نفسي بي أريد أنسى طيف سامر الي يلاحكني
لوما جهال آمين جان تخبلت رسمي همه صاروا ونستي بالدنيا
نهار كله مداريتهم
بالاخص نورس حبيبتي كلش متعلقه بيها
بالليل احضنها وابجي ومرات اشكيلها
الصبح بله ما اعرف شصار بدلت وطلعت رحت للمدرسه
استلمت كتب ورجعت للبيت
امي كالت لنص الليل اعارك برائد
كتلها يوم يقبل ميقبل مشكلته هاي
اني مداومه وغصبن عليه
كافي تتحكمون بيه كافي مو دمرتوها لحياتي
كوليله تره اني مو ذيج بسمه
الي تخوف بيها من البزازين بالليل
وضل تبجي جوه البطانيه
ولا ذيج بسمه الي من تضربها تخاف وتسويلك كلشي تريده
شوفي يمه والله العضيم اذا
ادخل انهزم من البيت واسويلكم سالفه شكبرها
ولج بسمه طالع لسانج
استلمتني سمر اي محروك كلبها ع سامر هههههه عبالها ماادري اني
كتلها أي وشتردين هسه
ماتعبتي مامليتي من الكره الي بداخلج والي زرعتي بكلب
رائد وريم اتجاهي
نسيتي لو اذكرج
من جنتي ادفعيني من اجت اتقرب منهم حتى العب وياهم
وماتقبلين
تذكرين شلون جنتي دكوليلهم هاي مو اختكم لادخلوها الغرفه ولاتلعبوها وياكم
تذكرين شلون جنتي تشوفين رائد يضربني ويأخذ حاجاتي ودكوليله
حل بيها تستاهل
انت ساس الكره كوله بهذا البيت
انت الي كرهتي امي وإخواني بيه. أتمنى اعرف ليش هيج سويتي
ليش شسويتلج اني
احجي
كالت اكرهج مااحبج لأن فكر انت
عمتي أم مهند جانت تعايرني
بأمي لأن جابتج ع كبر
وجنت اتعارك وياها مت اسمعها دكولي امج مثل البزون يوميه مخلفه
جنت انقهر وكلبي ادعي عليج عساج ميته
وازداد كرهت الج من خذوا بنتي مني
وانت كبال عيني وبحضن امي نايمه وإني بنتي راحت تبجي
وانحرمت منها للأبد
اكرهج اكرهج سمعتي لولا
وراحت. ..
الحمد لله والشكر وإني شكو ابنتج همزين جنت طفله بوكتها
امي كالت روحي يوم معليج بيهم
اني اخليج اداومين
وصدك هالمره امي وكفت بوجهم داومت مدرسه
وازوج سامر
بيوم عرسه مارحت للعرس وبقيت اتكلب بالفراش
الساعه وحده
دك مبايلي
كمت اجيبه واشوف سامر يتصل بك. ..
وللحكايه بقيه
#نورالصدر_ام_مصطفى
