#بسمه
البارت 18
#ام_مصطفى
اتعس فتره مرينه بيها هي موتت آمين
انكسرنا كولنا يمكن موته لمتنه
ووحدتنه بعد ما كنه كلمن حاير بروحه
امي ماخلت هبه ترجع لبيتها وره ماخلصت الفاتحه
بقتها هي وجهالها يمنا
دللتهم دلال امي
شنو يردن وشيأمرون
أصعب شي بالدنيا فقد الاخو
الأخ عزيز من الله
مايتعوض أبد امي الي جابته
منين اجيبه بعد
يبقى الأخ سند لكل بنت
لو مهما يكون ومهما تصير مشاكل بينكم
الأخ عزيز بمعزة الروح....
اني انتهيت بهاي الفتره أبد مااتحمل اشوف هبة والجهال
من اشوفهم أذكره
وأبقى ابجي
هبة خطيه كلش اتأذت وانكسرت
امي مو ذيج امي لا
انكسرت كسره جبيره اول مره اشوفهه بهيج حاله
مررت الأيام والحزن مغيب ع بيتنا
سامر هاي الفتره ماعافنه أبد
خالتي رجعت علاقتها بينه
كامت تطب وطلع علينا
فد يوم لزمتني
بسمه جوزي من سامر خلي يشوف حياته
تره لو اضلين آخر وحده بالدنيا مراح اخذج لسامر
انعكد لساني بوكتها مااعرفت شجاوبها.
عفتها ورحت
ماعندي وسيله غير دموعي
والدعاء لله ربي ارحمني تعبت
ماكلت لسامر ع الموضوع
لأن بوكتها يحجيلي يكلي
امي أكلت كلبي تريد تزوجني
وجان ضايج وطالعه الدنيا من عينه
خابرني ها بسومه شلون صرتي
الحمد لله احسن
اكو شي احسج مغثوثه
لا ماكو شي اذكرت آمين وبجيت
الله يرحمه يارب
ع كيفج وي نفسج حبيبتي مو هيج اذا تحبينه اقريله قرآن
صليله ركعتين واهديهن اله
مو تبجين تره البجي موزين ع الميت
ادعيله بالرحمه والغفران
أن شاء الله
يله اروح اني اجه رائد اسويله عشه
ادري رائد مو مزوج شكو انت تسويله وين مرته
مرته الاميره وإني الخادمة مالته
يله عيني روح لا اضوج نفسك
اتعودت تره.
كمت سويت عشه لرائد وخليته يمه
ورجعت لغرفتي
صدك طلعت القرآن وكمت اقره
وراها طلعت فني كمت اراسل بسامر ...
امي وضعها الصحي بده يتدهور كلش
صار عدها خفقان وضغط يصعد دوم
احتاريت بيها يوميه بدكتور
مره رجعت من الدكتور لكيت سامر عدنا
امي سلمت عليه وترخصت طبت غرفتها ترتاح
بقينا نسولف اني وسامر
محد جان موجود بس مرت رائد فوك
والجهال تفتر بالبيت
وراها اجه رائد بعد عفتهم ورحت
وره ساعه اجاني رائد لغرفتي
تعاي شعندج وي سامر
شكو شعندي
شو من يجي دك سوالف وضحك شكو
منو كلك هذا شدشوف وضعنا مال ضحك اصلا حتى الضحكه نسيتها
من مات امين ولهسه
أزهار دكول كلما يجي ضحكهم يوصل لسابع جار
الله لايوفق أزهار
هاي مرته وحده جذابه ومنافقه
تعرف كلش زين سامر مربي ويانه
وسوالفنه عاديه
بس هاي مرتك وحده جذابه وهجامة بيوت
كال لاتحجين ع مرتي ولج
كام وكتلني
شوفي ولج بعد ممنوع يجي سامر اشوفج واكفه يمه لو تحجين وياه
اني أساسا شاك بيكم من زمان بس اجذب نفسي
هاي حذرتج بعد يجي سامر
مااشوفج يمه أبد
طلع وركع الباب
تف عليك وع مرتك الله لايوفقها
وين اولي ياربي
قفلت الباب وخابرت سامر
ضل يشيل روحه ويطكها هسه
إلى متى نبقى هيج ياربي
مرت الأشهر وصدك كام من يجي سامر لازم أفوت غرفتي ومااطلع أبد
فد يوم سامر كال ماكو حل غير انو اخذج وننهزم من البيت نروح محافظات وخلي شيصير يصير
كتله صدك تحجي عود انت الفاهم العاقل
ولج هو ضل عقل يعني صار شهرين ماشايفج الله يقبل
مو تعبت والله تعبت
