#بسمه
البارت 16
#ام_مصطفى
ضليت مصدومه كمت مااسمع شنو يحجون
دوي صار كلامهم
كمت ركض للغرفه دخلت وسديت الباب وابجي
معقوله الي سمعته مجاي استوعب
شنو هالصدفه
ليش ياربي فرحتي متكمل دووم
لزمت المبايل وايدي ترجف
أريد افتح القفل مالت المبايل
مااسيطر
حاولت مره مرتين
أيدي ترجف شمرته ع الجربايه
اهدئي سمر اهدئي خلي افتهم من سامر
رجعت لزمت المبايل فتحته
خابرت
رد
ها حبيبتي هسه ردت اخابرج عود
شوف صدك كلب المحب دليل
انخمش كلبي عليج
كلت خلي اخابرها
جاي اخابرج وانت سبقتيني
الوو بسمه وينج
كلت الوو بصوت يرجف
الو سامر
شكو بسمه شبيج أحد سوالج شي
لا
شكو لعد احجي شبي صوتج متغير
خاااااللتي يمنا
امي
اييييييي
اي شنو شبيها
سامر مدا استوعب الي يصير
هو شنو الي يصير شكو
خالتي اجت تخطبني لثامر اخوك
شنوووووو ووو
مثل مسمعت كمت ابجي فهمني سامر شنو الموضوع
معقوله كل هاي الفتره انت ما ملمح شي لخالتي
مكايل الها انت رايدني
شلون تجي تخطبني لثامر
لا وجماله دكول ثامر رايدني ومختارني
الوو احجي
الووووو الووووو سامر
باوعت ع المبايل انسد
رجعت دكيت يدك وماكو رد
حاولت مره مرتين ماكو
نمت ع وجهي وابجي خايفه
شنو راح يصير مااعرف
شنو كالت امي الها مااعرف
بس متأكده امي مراح تقبل تزوجين بالوقت الحالي
زين خاف خالتي تأثر عليها
وتوافق امي
شلون يعني ازوج ثامر وإني أحب سامر واعيش وياهم
لا لا لا
ياربي حلها منك
طلعت فتحت الباب
كلت اروح اكول لأمي وخالتي اني مااريد ازوج
رحت يمهم شافوني منهاره بجي
شكو
خاله اني مااريد ازوج
وحتى لو أني توافق اني مااوافق
أريد أكمل دراسه
عفتهم ورجعت لغرفتي
لزمت المبايل وخابرت ميجاوب
شكو ميجاوب
ياربي خاف صارله شي
لو سوه بنفسه شي
ضليت الوب اروح وارجع بالغرفه
وابجي امسح دمعه تنزل عشره
غيرها
كتبت رساله
سامر حليت الموضوع
طلعت لخالتي كتلها ماازوج اني سامر جاوب عفيه لاتصير انت والدنيا علي
دكيت مرة لخ ماكو
عضيت المخده وكمت اصرخ
جاوب جاوب
سامر ماعوفك لاتخاف
اندك الباب كمت فتحته
امي اجت شبيج
تبجين ها شكو
ماما مااريد ازوج
ومنو يزوجج اصلا اني قبل لاتحجين كلت لخالتج ماازوجها هسه مامتوازيه عليها
وانوب انتي اجيتي كملتي الشغله
خلص انته الموضوع
بس ليش هيج انفعلتي اكو شي
الي أعرفه الف وحده تتمنى ثامر
صدك رجال
وإني لو جنت رايده ازوجج
ماازوجج لغيره أبد
ماكو شي ماما بس أريد أكمل سادس وادخل كليه
خفت لا تقبلين بي
لا لتخافين
اجت سمر عيني ست بسمه
أم حض الكاعد
كافي عياره وتعاي سوي العشه
عشتو تبجي
ع شنو عيني
ع حضج وبختج
شو كل يوم جايج واحد احسن من الثاني
يله كومي كومي السنك مليان اماعين كومي
طلعت من الغرفه سويت عشه تكلاه
وغسلت اماعين
هلكت لحد ماخلصت
عندي امتحان كمياء شهري
ردت اقره أركز
كلشي ماافتهمت
تالي دخت ونمت ع الكتاب
فزيت الصبح
اول مره أخذ المبايل وياي للمدرسه
ممنوع مبايلات مع ذالك اخذته
كلت اخابر سامر واحجي وياه براحتي
دخلت للمدرسه
اول شي رحت لمدرسة الكمياء ست فدوه ممكن أجل الإمتحان عندي ضرف بالبيت وماقريت
مااكدر حبيبتي تاخرنه ولازم
انطي الدرجات
ست فدوه كولشي مقاريه
عود اساعدج باليوم اني روحي امتحني تره سهل
اووف
رحت فتحت الكتاب
البنات كولها تقره
جاي يلخصون
وهذا مهم وذاك اكيد جاي
أخذت كم مهم منهم راجعته
بالفرصه رحت للحمامات
دكيت مره مرتين ماجاوب
طلعت
رحت اراجع بالمعادلات الكيمائية
دك الجرس
بده الامتحان
كوه جاوبت كم سؤال
انطيتها الورقه وطلعت طلعت للساحة رجعت خابرت ماكو
ياربي شصارله
وين صار وليش هيج يسوي وياي
اني شعليه شنو ذنبي
جانت حاره وشمس تحرك حرك
دخت افترت الكاع بيه
من البارحه لليوم كولشي مماكله
وتفكير وقلق
لزمت السياج مالت المدرسه انتجيت عليه
صديقتي شافتني
تقربت مني شنو بسمه شبيج
تعالي تعالي
كتلها مااعرف شو دخت
كالت اي يجوز من الامتحان والله سطرنه سطر
معادلات وتفاعلات ودوخه والله
تعالي نكعد جوه بالصف
رحت وياها كوه امشي حيلي مهدود
ليش هيج يعاملني صار هو واهلي والزمن علي
كعدت ع الرحله راحت جابت الي عصير بارد وكيكه
كالت اكلي بسمه هاي جبتهم من الحانوت مال مدرسه
اكلي بلكت يرفع ضغطج
صدك محتاجه عصير بارد
لأن بكلبي نار محتركه
كالت اخذي اجازه واطلعي احسن
لا ماكو داعي بقن درسين اخلصهم
واطلع
كوه خلص الدوام
رجعت للبيت تعبانه وراسي دايخ
بدلت واكلت لكمه
استلمتني سمر
البيت والبيت وخاس
من طلعن الجناين وضل عليج
ووووووو. ...
كمت ذبيت حركتي بالشغل
لو بس اعرف
ليش ميجاوب شبي شصار عليه جان ارتاحيت
مر يومين وماكو سامر
صباح الجمعه اجه رائد
كمت اباوع وراه بلكت سامر جاي
ماكو اول مره ميجي وياه سامر
حتى امي استغربت
سئلت رائد شعجب سامر مااجه
كالها مااعرف شبيه شو صعد مناك وراح
كالتله امي خاف هم زعل مثل خالتك كالها ع شنو يزعل
مو خالتك خطبت بسمه لثامر
ومانطيتها ألها
كالها لا مااعتقد بس هو ضايج
صاله 3ايام مااعرف شبي
المهم يمه شكو مااطيتيها هاي
زوجيها وخلصينه منها شكو مبقيتها خمره شنو
اسكت مالك شغل شكو مزوجتها وتخدم الناس
خو تخدمني اني امها أولى بيها .
استمع الهم وبداخلي اتكطع تكطع
عبالك مو بنتهم عبالك خدامه
وتريدني ابقى اخدمها
اووف مو مهم هسه المهم سامر عندي
والباقي يروح لجهنم
رجعت لغرفتي اخابر وماكو هم
لليل خابر سامر
وأخيرا بعد 4 ايام يله خابرت
جاوبت الو سامر حبيبي بيك شي
ليش هيج تسوي بيه ليش
كال اسمعي بسمه
عندي كلام وياج
كتله اسمع كول
بسمه الله شاهد على حبيتج من كل كلبي
وتمنيتج الي زوجه واقضي عمري كله وياج
وماافكرت يجي يوم ونفترق
كلت بس الكوت يفرقنه
بس اكو أشياء أكبر من حبنا
اكو أشياء ننجبر نسويها
بسمه بعد مااكدر أكمل وياج
اتمنالج التوفيق بحياتج
سامر تحجي صدك انت
شنو الي صار شنو الي بدر مني
شنو ذنبي تعاقبني هيج
انت مالج ذنب وضحية صرتي
بس مااكدر مااكدر
شنو ماتكدر
مااكدر أكمل وياج وإني اعرف
مراح ازوجج
تعرفين ليش
لأن اكتشفت اخوي خال عينه عليج ويحبج
صعبه كلش صعبه
اخذج منه
سامر شنو تاخذني
اذا حبني مشكلته مو مشكلتي هاي
انت عندج الشغله سهله وعادي بس يمي لا وكف كلشي يمي
مااكدر
تعرفين ثامر شنو
ثامر مو بس اخوي وابوي هم من بعد مامات ابوي هو الي صار النه آب واتكفل بينه وتحمل مسؤوليتنا
جان يطلع الكلمه من حلكه ويحطها بحلكنه
هسه تردين أخذ فرحته منه
كتله شكاعد تحجي انت اصلا امي مقبلت انت مالك دخل
كال حتى لو بعد مااكدر ازوجج وإني اعرف اخوي جان خال عينه عليج
مااكدر صعبه صعبه قدري وضعي
لا عبالج اني مرتاح
اني جاي اموت الف موته
لا ليلي ليل ولا نهاري نهار
كتله سامر آخر كلمه وياك اذا عفتني انتحر واخلص
صاح اسكتي شنو هالحجي
كتله هذا احسن حل الي
اني تعبت أريد اخلص
من الدنيا أحس مالي لازمه بيها
بعدك
مع سلامه سامر
وسديته منه ضل يدك يدك مااجاوب
جمعت شكو كبسول وحب بالثلاجة
وبلعته سوه
وللحكايه بقيه
#ام_مصطفى
