وصلت للبيت مشي جنت من امشي ادنك راسي بالكاع واعد الحصو الي بالكاع واذا انسى ارجع اعدهم مره لخ هههه
__ هلووو يووم اشلونج
__ وعليكم السلام شوكت تتعلمن تسلمن ماكو شي اسمه هلووو
__ ههههه مشيها ام سموري
_ ههه يلا حبيبتي روحي بدلي وتعالي خلي نتغده سويت دوولمه تلوك لهلحلك وبوج واخوتج بالطريق خلي مريم تكمل تبديل وتجي يلا راح ابدي اصب
__ اي حبيبي هسه اروح ابدل وجي
__ صدك ملك يمكن اليوم جدج يجي البسي احلى ملابس عندج انتي ومريم
__ اويلي ميخالف بس ماما باجر لازم اروح يم ريماس حتى ندرس رياضيات
__ ماشي دروحي هسه ومنا بالباجر الله كريم
صعدت لغرفتي شفت مريم كاعده تخابر بخطيبها وتبتسم اويلي عايشة اللحظه ابتسم وياها ومادري اصلا ع شنو يسولفون ههههه
__مريم
__ اشش خلي اكمل اتصال وحجي وياج
__ ولج ماما
دفعتني ع الجرباية وضلت لازمه حلكي حتى مايطلع صوت اصلا هي تريد اسكت هههه وانا بس اضحك يربي شوكت ابطل ضحك بدون سبب 😁 ضليت ساكته من خلصت تلفون صعدت عليه وضلت تكرص بيه
__ اووي ولج وجعتيني والله توبه ماعيدها
__ كم مره كتلج من يخابر وائل تسكتين متحجين ولج ماريد صووت فهميني
__ ماش ماااشي بس دكومي من ظهري مو كسرتي 😓
__ شتريد ماما
__ كالت ننزل ناكل وبعدين حيجي جدوا يزورنا
__ يووو جدوا يجي
__ لج ترى اكول لامي ...
وضحكنا هواي ضحكنا وضلينا نقلد اشلون يحجي جدوا اشلون يريدنا نصير واحن نحب النوم هههه ، نزلنا تغدينا جانت الدوولمه تخبل من ايد امي كلنا كاعدين ألتمينا عائله وضحكاتنا تخبل احب هواي هاي الاجواء لان احس براحه وطمئنان ...
اجه جدوا سلمنا عليه وكعدنا ويا وحجينا حباب وطيب بس عصبي 🙄
ولبسنا احلى لبس وكمنا نحجي بمواضيع ان احن نحب الدراسة ودرجاتي ومدري ايش المهم خلصنا نص الحجي تأليف واخراج مريم وملك ههههه
وترخص وراح وانطا الكل وحده منا فلوس نضمها شكرنا وبسنا ايده ودعنا وكل واحد راح لغرفته اما انا ....
صعدت انام حتى اروح لبيت ريماس باجر لا بعدين هم انظرب بوري بالرياضيات مثل الانكليزي ....
صار الصبح كعدت مخترعه لان جان بالي كله يم الدراسة هاي المره ماريد اخسر مثل ذيج المره بدلت بسرعه وتريكت غسلت وجهي ورتبت روحي وطلعت اخبل 😋
___ مماتي حطلع اروح ادرس يم ريماس
__ روحي حبيبتي بس ديري بالج ع نفسج وانتبهي من السيارات ...
__ تدللين يانظر عيوني 😘 وانطيها بوسه هوائيه مثل الجهال اصلا ماجنت احب اكبر احب ابقه طفوليه ماريد غير حضن امي ولو مرات متفهمني بس دافي حييل دافي ..
مشيت رحت لبيت ريماس بدينا بالدراسه اجتي إيناس وصديقاتي ودرسنا وصدك فهمتنا إيناس جانت شاطره وجديه هواي من اضحك تضل تكولي كافي ههه .. اي شسوي 😁 ورجعنا للبيت جنت تعبانه كولش مو دراسه انتقام 😑
واجه يوم الامتحان دخلت القاعه جان الامتحان زيين حلوو خلصت انطيت الورقه وطلعت انتظرت البنات طبعا إيناس اخر وحده تسلم الورقه اله يخلص الوقت انا ماكدر اله انطي وطلع بسرعه 😁
__ ها بشري شلعتي كاشية من الكاع
__ اي غير اجيب درجات زينه بنت الاوادم
__ لج بابا منو المات واخذ شهادته ويا هههه
__ اويلي منج ملك بس سوالفج تخبل ماتنمل يلا البنات وين
__ كلهن منتظراتج خلصي حتى نروح
تابع الجزء الثالث انطوني رايكم حبابين 😭
أنت تقرأ
أقدارنا مكتوبه
Romanceقصه واقعية ، تفاصيلها ، اوجاعها ، ألمها ، كلشي بيها ، اتمنى تعجبكم الكاتبه ملاك شاركوني القصه برأيكم ?
