#بسمه
البارت 15
#ام_مصطفى
وصلنا لمطار طهران تفاجئت بأمي تتصل بمحمد وتبلغه بوصولنه لمطار طهران
كتلها يوم منيلج الرقم كالت لسه
محتفظه بي
وبعدين وين الكه مثله واحد
هيج آمين ويندل الدكتور
نروح ناخذ واحد ايراني يحجي فارسي
شلون نفتهم منه
ربع ساعة واجه محمد
بقى يسلم علينا ويتحمد النه بالسلامه
صعدنا ودانه لنفس الفندق
لأن جان قريب ع شارع الدكتور مثل ماكلت الكم نزلنا للفندق امي كالت لمحمد
باجر الصبح تجينه تاخذنه للدكتور
دخلت الجنط ورتبت الغراض
امي كالت راسي صار طلبة من الطياره
خلي انام
اني هم تمددت ع الجربايه
جانت بالغرفه جربي 3
أم النفر
اتمددت ع وحده وبالي صار يم سامر اول يوم مااسمع صوته
فدوه لعينه حبيبي
غفيت مافزيت اله تكعدني
كومي بسمه
طالعه اجيب عشه النه واجي
اي اوكي روحي
كمت غسلت وجهي
ضوجه وين اروح
اكو تلفزيون صغير وفوكاه أريد
حيل والله قديم
ديرة اريل بعد
شغلته من الضوجه
ماكو شي بس قناتين وفارسي
كلشي ماافتهم منها
شنو ماكو ستلايت عدهم
اجتي امي شنو تحجين وي نفسج
اي ضوجه
ورحت شغلت التلفزيون
اشو بس أرضي بي
شنو ماكو ستلايت عدهم
كالت ممنوع الستلايت والفضائيات عدهم
يا ليش ممنوع ميقبلون
يعني مثل قبل احنه بعهد صدام مو هم ممنوع
ها هيج
اي
ديله كومي جبت لفات تعالي نأكل
ثاني يوم رحنا للدكتور طمنا وكال لمي زينه عيونج
امي من العمليه تركت الخياط بعد
منعه منها الدكتور
كال الدكتور مدام تركتي الخياط
وماكو جهد بعد ع عيونج
كولش زين
طبعا يحجي فارسي ومحمد يترجم النه
كتب لأمي مقويات
وطلعنا رحنه للفندق
امي كالت لمحمد أخذنا نريد نتونس شكو مكان حلو ودينه اله
صدك اخذنه وتونسنه
وراها رجعنا
كال امي تريد تسلم عليكم
كالت امي خلي نروح لييتكم.
اخذنه لبيتهم
تلكتنا إم محمد
تأهل وترحب بينه
وسوت عشه النه
ضلت تسأل ع حالتي
امي كالت الها زينه احسن
كالت لمي خطبت لابني من العراق
بنت اخوي خطبتها لابني
امي باركت الها وعدتها بالعرس نحضر
وراها رجعنا للبيت ثاني يوم
رحنا لمشهد بقينا 4 ايام هناك
ورجعنا لقم زرنا السيده معصومه
وحجزنا للعراق بقينا عشرة أيام هناك عبالك عشرة سنوات
طك كلبي ع سامر
اول ماوصلنا لمطار بغداد نزلت
اجتني الشبكه
دزيت رساله الى
مشتاقتلك موت موت
مااكدر اخابرك امي وياي بعدنه بالمطار
رد. .حبيبتي الحمد لله على سلامتج
اشتاقيتلج موت اول ماتوصلين خابري
اوكي وصلنا للبيت وتحمدونه بالسلامه ماما راح انام تعبت من صوت الطياره والسيارات
كالت روحي
دخلت قفلت الباب من جوه
وخابرت ع سامر
الوو
الووووو وووو
بسومه حبيبتي والله اشتاقيتلج كالها بصوت تعبان
شسويتي بيه يمعوده
لا ليلي ليل ولا نهاري نهار
بعد مااخليج ترحين منا لهنا
ههههههههه شبيك ع كيفك وياي
اي اضحكي انت وإني مشتعل والدي عليج
وج عشرة أيام لو صار عشرين سنة
والله اني هم طك كلبي عليك اشتاقيتلك موت بس شسوي
مابليد حيله
كال راح اجي
وين
لبيتكم
صدك تحجي
اي والله
اليوم أحد
اي أخذ اجازه واجي
مااتحمل أريد اشوفج
كتله حبيبي شيجيبك يمعود
من كربلاء لهنا بهالحر
وترجع ثاني يوم
كلشي يهون لخاطر عيونج
يله باي جاي اني
يا شبيك سامر
سده
مخبل مو صاحي والله
فديته وفديت خبالاته
للعصر اجه هو رائد يبووي
شجاب رائد وياه يعني حتى رائد اخذله اجازه
اووف خطيه
طلعت الهم سلمت عليهم
رائد كال اي عيني مخلصتها ونسات وسفرات ست بسمه
سمر من يمها صاحت سفراتيش يمعود
امي ماخذتها مثل الخدامه ع مود تشيل جنط وتخدمها هناك
ماميته عليها
شكد انحرجت من سامر من هيج كالت
سامر شافني ضجت وعبست وفشلت كدامه
كال اي زايره بسمه
بعد شتردين صرتي زايره مرتين
هنيالج عمي
والف مبروك ع نجاحج والله ضاملج هديه ادزها الج بيد رائد
حاول يغير الموضوع خطيه
ابتسمت اله
غمزلي ويضحك ويكلي ميخالف
بالحجي اجت مرت خالي وخالتي
وهم تحمدوا النه بالسلامه
خالتي أم ثامر تفاجئت بسامر
شجابك ولك
يوم ضجت طلبنا اجازه واجينه
هسه كلت أوصل رائد وأسلم ع خالتي وارجع
مرت خالي حجت فدوه عيني بسمه كلما تكبر تحله
عيني أم آمين مو دكولين
تره حاجزتها لامجد
يبوووي
حجت كدام سامر وصار نار
احسه راح ينفجر
خله وطلع.
ركضت للغرفه خابرته
شبيك ضجت.
يعني شتردين افرح واهلهل وركص الج
شبيك والله متقبل امي وحتى لو تقبل اني ماقبل
كال ابقي جوه لاطلعين من الغرفه
شفتي هاي تالي وكفتج وي أمجد مو أعرفه عينه زايغه
كتله صار مراح اطلع بس اهدأ
مرت الأيام
آمين اشتره بيت وطلع
صار عنده ولد وبنيه
نورس كلش متعلقه بيها اني
كلش انقهرت من شالوا
زهير امي طلعته بايتنه القديم
كالت هذا البيت يبقى لرائد ازوجه بيه
رجع شغل البيت كوله ع راسي
سمر ماتلزم خيط بالبيت
وامي مريضه
بدت المدرسه
وصف سادس
هملت الدراسه كلش
سمر شاده وياي تصيح وتغلط
وردت ردود علي اكثر من قبل
كامت تشك بيه
شوف شعندج
شكو تقفلين الباب
وذاك اليوم سمعتج تخابرين يجي رائد و اكوله
حجيت لسامر كتله تعبت والله
اخطبني من هسه وانتظرك عود
كال أن شاء الله افتح الموضوع
وي اهلي من ارجع
وره يومين اجت خالتي
لأمي كالت الها اريدج بموضوع لاترديني
كالت كولي أم ثامر
أريد اخطب بسمه
طرت فرح من سمعت فدوه لكلبه حبيبي بسرعه خابر أمه
وخلاها تجي
ضلن يحجن
خالتي كالت الها تعرفين ثامر شاغول وعنده بيت وسياره ومثقف ومتدين الف وحده تتمناه
بس هو اختار بسمه
نزل كلام خالتي مثل الصاعقه ع راسي
وللحكايه بقيه
#ام_مصطفى
