#بسمه
البارت 14
#ام_مصطفى
بارت مفاجئ لعيونكم
احبج واريدج الي بعد مااتحمل
لازم اعترفلج
بسمه ذاك اليوم متت من شفتج
واكفه وي أمجد
احركت حرك
مااريد واحد يشوفج غيري
مااريد أحد يحجي وياج
اريدج كلج ع بعض الي
تسمعني لولا
الو بسمه
يمه اني ذبت رحت بغير عالم كلبي يدك وادي وجسمي يرجف
وصخنت
صوتي راح
كوه كلت الو
كال وين رحتي
مارحت وياك بس تفاجئت بكلامك
يعني شنو
يعني جنت منتظرته دكوله الي من زمان
سامر اعترفلك بشي
من أول مامسحت ادموعي حسيت
كلبي دك الك اكو إحساس حلو انولد بداخلي الك
يوميه انام ع صورتك كبالي
اتخايلك وانت تمسح دموعي
ههههه أم دميعه أن شاء الله اضلين العمر كله تبجين وإني امسح دموعج
سامر لاصير غثيث
هههههههه
الله شلون ارتاحيت من حجيت الج
جنت شايل هم شلون اعترف الج
شلون اصارحج بمشاعري
بسمه مااريد أحد يعرف
بعلاقتنا أبد زين لولا
مااريد رائد يشك ويخبث عليج وعلي
زين
اي افتهمت
يله حبيبتي روحي كملي دراسه
أريد معدل زين
حتى تنجحين وتخلصين السادس
واجي اخطبج
بس اجمعلي كم فلس مال الذهب والمهر وفلوس عرس
رأسا نزوج واخذج عندي
وشحده اليوصل الج بعد
كتله الله كلامك يخبل عبالك بحلم اني ومااريد اصحى منه لا عيني اصحي وروحي اقري ورانه مشوار طويل
يله مع السلامه راح أوصل للبيت
مااريد أحد يسمع احجي وياج
اوكي يله باي
لزمت المبايل وكمت افتر بالغرفه
واضحك
واخييييرا ضحكتلي الدنيا
حبيبي اعترفلي
هسه كولشي يهون لخاطرك
اتحمل كولشي ودارس واتعب نفسي
يارب كلش فرحانه
شلون اعبر عن مشاعري مااعرف
فتحت الكتاب
كمت اقره بس مااستوعب
اووف شسويت بيه.
الكلام مالته يدور بذهني
خلي اقره لازم أنجح لخاطر سامر
خلصت الامتحانات
كمت يوميه انام ع صوت سامر.
الصبح أكعد ادزله صباح الخير
كام من يجي الجمعه
يروح لهله ساعه ويرجع يمنا
يضوج من يشوف رائد يصيح علي لو يغلط
يكلي بسمه من اسمعه يصيح عليج ابدي اكوم ضاربه بوكسي
واكله لا تضوج حبيبتي
شكد ارتاح من اسمع كلامه
تعلقي يزيد بي يوم وره يوم
شخصيته تخبل هادئ حنين
متفهم مثقف يقدر المرأة ويحترمها مو مثل العندي ..
باجر موعد النتائج
سامر باجر النتائج وخايفه
لا تخافين حبيبتي اني واثق بيج راح تنجحين
دائما ترفع معنوياتي انت
الله يخليك الي. ويخليج الي
يا احلى بسمه بحياتي
نامي حبيبتي اطمأني ناجحه
أن شاء الله
سامر جاي اشتاقلك هواي
والله اني هم
بس شسوي جاي اشتغل واتعب لخاطر عيونج
اعرف خالتي طلباتها هواي
اكيد تريد مهر وذهب غالي
صدكين جاي أخذ شغلي وشغل إضافي بالليل لخاطر عيونج
بس أريد أجمع مبلغ زين
حبيبي والله كلشي مااريد بس
أريدك انت
ميخالف حبيبتي
تستاهلين التعب
يله روحي نامي
والصبح انطيني البشارة
أن شاء الله
من الصبح رحت للمدرسة
واستلمت النتيجة ناجحة
طرت فرح اول واحد خابرته سامر
حبيبي سامر ناجحه ناجحه
صدك الف مبروك حبيبتي
تستاهلين
يله هانت بقى بس السادس
وتجين يمي
أن شاء الله
رجعت للبيت امي فرحت
وكالت باجر أشر جوازات السفر ونسافر ليران هم ع مود الموعد مالتي.
وهم اونسج هدية نجاحج باليل احتفلت للصبح بالمبايل وي سامر
جنت اسمع صوت رائد يمه
بس هو مفهمه يحب وحده ميعرفها
جان حريص مايذكر اسمي
حتى لو حده كوله يكول حبيبتي
يكول اخاف اجفص يم رائد باسمج
لو يسمعني وماادري
كتله سامر راح نسافر ليران
كال روحي سافري حبيبتي تونسي
مدام هالشي يسعدج روحي حبيبتي
مدري شلون وحجيتله ع السايق محمد
يبووي تعصب ويضل يحجي
ومااترحين بعد
سامر شجاك اصلا امي متقبل بيهم وكالت الهم مريضه
ميخالف ماأمن بعد اخاف
خالتي تغير رأيها وتوافق هناك
هاي شبيك قابل احنه راح نشوفه هم
وين نلكاه بعد
بسمه لاشلعين كلبي والله مااريدج ترحين مني
انت صرتي كل شي بحياتي
وخايف يجي يوم واخسرج
لا تخاف حبيبي والله
احارب الدنيا كلها ع مودك
زين طمنتيني يله روحي
ليران شسوي مااكدر اكلج لا
احبج اموت عليج
وإني هم يله عيني تصبح ع خير
الصبح امي فيزت الجوازات وثاني يوم طرنه ليران
وللحكايه بقيه #ام_مصطفى
