#بسمه
البارت 13
#ام_مصطفى
عود من اموت خلي تزوج ع راحتها
اسم الله عليج خيه أم آمين صدك تحجين عود
اي صدك لعد شعبالج وضحكت امي
بكلبي كلت بس لا راح دكول الها مريضه وراسها ومدري شنو
مثل ماكالت لأهل إيران
كمت ادعي دخيلك ياربي لا دكولها
صاحت مرت خالي يله كومن حبايب
اجت السيارات مال الزفه
امي كالت يله سمر بسمه يله امشوا
كتلها يوم مااروح
ابقى هنا
يا شعندج باقيه هنا كولها تروح للزفه
ماما مو ملابسي ضيكه وخاف رائد يشوفني ويسويلي سالفه
كالت اخذي من رنا صايه والبسها فوكاها وتعالي
صاحت ع رنا
رناوي عمه انطيها صايه عبايه خلي تخليها ع جتافها
دكول ملابسها ضيكه
خزرتني رنا تعالي يله انطيج
لا ابقى هنا يمعوده مااطلع
عيني من هسه تخافين منه
لا مو هيج بس كال كلمه الي مااريد يكول صدك اني اعانده
دبقي هنا ورايحه اجيبلج
ع ما راحت لفيت شعري كبايه وخليت الشال ع راسي ولفيته عدل
اجتي كالت هاج هاي البسيها
لبستها جبة اسلاميه سوده
عفتها مفتوحه مادكمتها
كتلها يله طلعنا امي تمشي كدامنا
ورنا وياي طلعت بالشارع رنا راحت صعدت بسيارة العريس
واحنه صعدنه بكيا
امشي مدنكه أبد مانتبهت ع الي بالشارع
كعدت ليكدام يمي وحده مااعرفتها منو يمكن من أقارب مرت خالي
كعدتي صارت بصف الشباك
مشت السياره
والسيارات كلها تمشي
هوسات وصفكات وهلاهل وركص
كلش حلوه الزفه فاتت من يمي سيارة الولد
يصفكون ومطلعين رأسهم من الجام
شكد حلو أحب هوسات مالتهم تخبل
واندمجت واصفك وياهم
فاتت سيارة العريس
رنا اشرتلي بسمه
اشرتله هلو
وصلنا لأهل العروس نزلت
من السياره
سامر صار اكبالي
ابتسمت
جان مبين عليه الضوجه
عفته ورحت
شبيه هذا معبس بوجهي
هو شكو شصار
حتى هيج كلب خلقته علي
دخلنه البيت العروس هلال وهوسات
شويه وكوموهم صعدوهم بالسياره
رنا تحولت وياي
رجعنا صعدنا بالكيه
مشت بينا السياره وراها وكفوا كالوا راح يصرون العراسان بالستوديوا
وكفنه نزلوا الولد كلهم يهوسون ويركصون
وراها نزلت مرت خالي وامي وخالتي
هم ضلن يهوسن وياهم
رنا كالت تعالي ننزل كلها نزلت
تخبل الهوسات
نزلت وياها
صدك اجواء تخبل وزفه تخبل جانت
وإني كلش أحب هاي الأجواء
نزلت اجه أمجد لزم ايد رنا وضل يهوس وياها
شكد حلو شلون خوه عبالك أصدقاء
رائد شافني من بعيد
خزرني واشرلي بمعنى اصعدي
وضل يسويلي بسيطه بيده
اووف شوف الفرق بين أمجد ورائد
عبالك عدوته مو اخته
رجعت صعدت ضليت اباوع من الشباك عليهم
خلصوا وصعدوا
ورجعنا للبيت
صبوا العشه كالت خالتي كومن يبنات تناوشن من الولد الاماعين
جان تمن وفوكاها تبسي لحم غنم
وريحته تجنن صدك اكل الأعراس
بي طعم ونكهته خاصه
كمت اتانوش
يبووي الي اليجيب الاماعين أمجد وسامر وثامر
مرت خالي وراي وإني ورنا ناخذ ونطيها
هي تقدم للنسوان
أمجد يناوش ويشاقي ويضحك
هو طبعه هيج كشكولي
ثامر جانت شخصيته غير عن الكل محترم متدين بمعنى الكلمة
عنده وضيفه وسيارة
جان ثكيل كلش يجبر أكبر واحد يحترمه
كل لامجد كافي شكد تلح
سكت أمجد
سامر يناوش بسكوت
خلصنا كعدت اكل الله يجنن الأكل
وراها لمينه الأكل والمواعين
كالت امي يله حتى نروح
خابري رائد كليله يله
آمين صاح علينه
كالت امي التخابرينه اجه آمين
كال يله ترحن
اي أي نروح امي صاحت ع الجناين وسمر
وصعدنا آمين بسيارة أقاربنه كيه
رائد كال فد مره نروح وياكم
صاح ع سامر تروح كله لا مااروح
روح انت اليوم ابات عند اهلي واغبش مناك
ونلتقي بالكراج
كلش ضجت من سمعت هيج
رجعت للبيت
دخلت لغرفتي كتلها يوم تعبانه راح انام كالت افرشي لاخوج رائد يله
رحت فرشت
شافني رائد تعاي تعاي
اني ماحلفلج اول شي شكو خاله مكياج
وشعندج نازله بنص الولد
ها لزمني من شعري
انت تردين تفضحينا شنو
كتله امي قابله انت شكو
لج لاتلاسنين ليش اكرهج اني لان لسانج شطوله صاير
ضربني دفره وكعني ع الباب
كمت ابجي
رحت للغرفه
شلون ياربي مااخلص من رائد والله تعبت متت منه
خاصرتي كامت توجعني من الضربه
لزمت خاصرتي وابجي
اجتني رساله
فتحتها من سامر
فارغه كولشي مابيها
نسيت الضربه
مسحت وجهي
كتبت هلو ليش مااجيت وشنو هاي الرساله الفارغه
رد اجتج بالغلط
زين ليش مااجيت بنت هنا
كتب لا يم اهلي احسن
كتله انت زعلان مني
انت شدكولين
اني جاي اسئلك زعلان مني بشي
والي اليوم سويتي مايزعل
شنو سويت ؟
هواي أشياء سوتي
منهن لبسج ووكفتج وي أمجد
كتبت. انت هم علي تره مسويت شي جنت أتصرف بعفويه وماعندي شي وي أمجد
ولبسي شبيه
مشفتني من طلعت بره لبست جبه
شبيكم وياي
كلكم علي والله لو انتحر واخلص من هاي العيشه احسن
كتب. .ليش منو وياج
كتله هسه رائد ضربني ع خاصرتي برجله حتى كليتي احسها وكفت
شنو شبيكم وياي تره اني بشر مو حيوانه
رأسا خابر علي كام يدك
اني مخنوكه ماجاوبته
دك مرتين مارديت
دز رساله جاوبي بيج شي
مارديت
جان كلش قاسي وياي بالحجي مالته ع شنو مااعرف
معقوله كلهم مثل رائد
لو رائد أثر عليه
قفلت المبايل ونمت
للصبح كعدت رايح رائد
صفحتي وكليتي توجعني من الضربه
شافتني امي كاعده تتريك هي وسمر
شنو شبيج كتلها رائد ضربني البارحه
ليش ع شنو ضربج يكول لبسج ضيك
سمر كالت لوما شاف عليج شي
ماظربج
كالت امي شنو اشاف
اني اكلج يمه
لازمه أمجد ودك ضحك وسوالف
امي خزرتني صدك ولج
لا والله يمه هو أمجد يشاقي متعرفيه شنو
بعدين هو ابن خالي واذا حجيت وياه غريب قابل
ولج لاغريب ولاقريب أبد لا اسمع بيج متقربه يم احد
وحيل بيج تستاهلين كتلة رائد
تعاي تريكي والتهي بدروسج عندج امتحانات آخر السنه
حتى نرجع ليران نسافر موعد الدكتور مالتي كعدت اتريك وباوعت بغضب ع سمر
كالت فدمره تعاي اضربيني عني بسمه خانم
امي كالت كافي سمر عوفيها تتريك
اتريكي وطبي لغرفتج مااشوفج طالعه منها أبد
التهي بدروسج زين لولا
اي ماما افتهمت
أخذت بطل مي ودخلت للغرفه
كعدت أكلب بالكتاب اذكرت مبايل البارحه غلقته
رحت جبته فتحته رأسا اجتني رسائل ردي وين صرتي
اوف خطيه ضل باله علي فدوه لعينه حبيبي
كل هذا ويحسبني مثل اخته
دزيت رساله هلو
دقايق ودك علي
جاوبت الو
الو بعصبية
وين جنتي ليش مجاوبين من البارحه لليوم غالقه المبايل
عندي امتحانات وجاي اقره
والبارحه ليش اراسلج ومااجوبين وراها خابرت مارديتي
جنت ابجي وماردت دكول أم دميعه علي
زين كولي سوالج شي رائد
اي ضربني ع صفحتي وكليتي توجعني لهسه
خرب
مو كتلج لا اطلعين لا يشوفج رائد ميفيد وياج
سامر ليش ضايج انت
من وراج
ليش شسويت
وكفتج وي أمجد حركتني حرك
شنو اعتبرها غيره لو شنو
لا غيره شكو شعندي وياج
بس ماارتاحله واخاف عليج
زين لعد لاتخاف علي بعد اني جبيره
واعرف شلون أتصرف وراح أغلق
المبايل عشرة أيام عندي امتحانات
يلله مع سلامه
اووف كامت نار تحرك بكلبي
ليش هيج يسوي
ليش يحاول ينكر
ومايعترف بمشاعره
اووف سامر لاتصير انت واهلي علي تعبت والله حيل محتاجتك
بدت الامتحانات وركزت ع دراستي حيل
ولا طلعت من غرفتي أبد
اله بيوم الجمعه مثل كل مره بدلت أحلى ماعندي
امي كالت شكو طالعه
يوم تعبت من الدراسه اليوم جمعه خلي ارتاح شويه
اجوي رائد وسامر سلمو وإني هم
سلمت عليهم
سامر عينه مشالها مني
اسوي نفسي ممنتبهه عليه
كال ها بسمه خلصتي امتحانات لو بعد كتله بعد 3مواد واخلص
الله يسهلج شدي حيلج
أن شاء الله اشرلي خابري
هزيت راسي بمعنى اي
طلعت
ياربي معقوله كل هذا ويعتبرني اخته
اسمعه يطلع رايح لهله سلم ع امي وطلع
سديت باب غرفتي قفلته من جوه
ورحت شحنت مبايلي
وكلبي يدك سريع ماادري شيصير بي من اشوفه مااسيطر ع نفسي
ولا ع تصرفاتي
اتصلت بي
جاوب الو
هلو سامر
هلو بسومه اشتاقيتلج
وإني أكثر
شلونك
موزين
ليش؟
تعبت
من شنو
منج
مني ليش شمسويه
أريد اشيلج من بالي مااكدر
يعني شنو تشيلني من بالك
يعني مجاي أركز بشغلي
تفكيري كوله بيج
ضحكت وفرحت وي نفسي
كتله وليش تفكر بيه
بسومه بعد مااكدر اقاوم أكثر
اني احبج واريدج الي
وللحكايه بقيه
#ام_مصطفى
