#بسمه
البارت 12
#ام_مصطفى
صار عدنه طفل بالعائلة كيفوا كلهم بيها طلعت هبه من المستشفى
فدوه تخبل البنيه دبدوبه ماجنها طفل نفاس
كابلتها وكعدت اطيني إياها
ههههههه اخذيها الج عيني
موتتني ماتنام الليل كله
ميخالف اسهر وياها
ههههههه اخذيها عيني بسمه
فدوه تجنن
آمين مكيف بيها وامي هم أول حفيده من الولد
سموها نورس
متوكع بالكاع من ايد لايد ...
سامر ماراح من بالي أبد
احسب للأسبوع ساعه ساعه
اليوم صارله 5ايام من راح
بعد يومين ويجون هو كل جمعه ينزلون
ويرحون السبت الصبح
بعد ماجنت أكره يوم الجمعة من وره رائد
هسه احسب حساب للجمعه
والله اشتاقيتله
الله ع كلامه الحلو ولمسات ايده الحنينه
من أذكرهن اروح بغير عالم
خطر على بالي اشتري مبايل واضل اراسله
رحت لأمي ماما اطلب منج طلب
فدوه لاترديني
كولي شتردين
ماما أريد مبايل صديقاتي كلهن عدهن وإني ماعدي
فدوه اشتريلي مبايل
شسوين بي هذا مبايلي واستخدميه
لا ماما فدوه أريد خاص.
ولج صخمه مابيه حيل مشاكل وي رائد
خاف ميقبل وتصير سالفه
اني اخلي سامر يقنعه
اي خوش عدج محامي هالايام
ها يمه شكلتي
أفكر
لا فدوه اليوم اشتريلي
دروحي اخذي فلوس وانطيهن لزهير يشتريلج
فدوه لعمرج يا احلى أم
اي بس اذا رائد ماقبل تبيعيه
بلا مشاكل
اي أي بس انت اذا حجه كوليله اني شتريته هي ماكالت
زين
امي رغم إهمالها الي وعمرها ماحسستني بحنان ولا يوم احتوتني
بس جانت شنو أريد تشتريلي الله شاهد من هاي الناحيه امي مدللتني ملابس وفلوس كولشي تنطيني
رحت لزهير دكيت باب غرفته فتحته شذى مرت زهير جانت حامل
وصايره دبه مورمه كوه تمشي
ها شذاوي زهير موجود
اي هذا
زهير فدوه أريدك بشغله
زهير كلش كلش فقير
جان يرتل بالحجي وع نيته
زهير عفيه امي انطتني فلوس
أخذني اشتريلي مبايل
أريد اشتري بناتي ع ذوقي
كال اي ثوكت ماتردن اخذج
هسه فدوه هسه لا تغير رأيها امي
يله اوكي ام امثي
اي فدوه
ركضت بدلت ورحت وياه لمحل أبو المبايلات
اختاريت مبايل دفتري صغير وردي يخبل مال بنات
رجعت طايره فرح بي
شكلت السيم كارت وعبيت رصيد
بس ماعدي أرقام
اجه يوم الخميس كعدت من الصبح نشطه لبست تراكسود وردي وبي خط ازرك
شلت شعري ذيل احصان
كمت احسب حساب لل ساعه حساب
صارت الساعه ب9 واجوي
اول مره افرح بجيت رائد
ركضت سلمت عليهم
رائد لا هله بيج
سامر شلونك هلو هلو بسمه
كالها ابرود
يله اني اروح كتله وين اتريك
لا لا امي خبصتني مخابرات
يله رئودي مع سلامه
الله وياك حبيبي
طلع وراح مثل البريق
كلشي مفتهمت ردت يكعد اسولف وياه ردت أخذ رقمه
بس قابلني ابرود
ولا اهتملي مثل مااني مهتمتله
ضجت خب حضي
ردت ارجع للغرفه.
رائد صاح ريوك ريوك سوي ميت جوع تره
كتله اي مسويه
رحت جبت الصينيه ورجعت كضيت كتابي واقره
بعد كم يوم امتحانات نص السنه
كلت يله يرجع بالليل يبات هنا
اكيد حتى يغبشون باجر
رائد بدل وطلع
بعده مادره عندي مبايل
لليل اجوي اثنينهم
يمه سمعت صوته كلبي كام يدك
سريع ركضت للمرايه رتبت شعري
وعدلت ملابسي ولزمت كتابي بيدي وطلعت
لكيتهم بالصاله يضحكون
هلو
هلو بسومه شلونج
الحمد لله زينه
شنو عندج امتحان اي جاي اقره
رائد كال بلكت تسقط حتى ابطلها
وين الله هيج وتسقط
كله سامر شكد خبيث بدال متدعي لاختك تنجح ومايضيع تبعها
شبيك بابا كبر عقلك
ختولي شبيك هي مال دراسه هاي
سمر من يمها حجت
اي وهسه جابولها مبايل لازمته وكاعده لا شغل ولا عمل
شنو طفر رائد منو جاب مبايل الها
امي كالت اني جبته الها صديقتها يخابرن ثبرني ثبر
كلت اشتريلها واحد واخلص
شنو يمه انت بكيفج تجيبلها مبايل
شصخم هي بي
وينه المبايل جيبيه
كتله والله مابي أرقام بس اثنين صديقاتي تعرفهن امي
حتى مالازمته ذاك بالغرفه
منو جابه الج زهير اشتراه الي
هو زهير لو بي خير ميشتري الج
امي كالتله أنجب لاتحجي ع اخوك هيج
سمر حجت منها
وهذا يحجي وذاك صارت هوسه
سامر كعدت رائد شبيك يمعود تسوي مشكله كوه تريد
شنو شكو بيها واذا اشترت مبايل
نص العراق صار عنده مبايل عادي
يعني تشتري كدام عينكم احسن ماجيبه بالبوكه
شبيك يمعود تره كلش عادي
هسه مو البنات خواتي عدهم
تره عادي ماكو شي غريب
بسمه كتله ها
كال روحي جيبي
رحت جبته خليته بيده
هذا فتحه سامر كلب بي
هاك شبيه رقمين
وهاي رسايل من صديقاتها ع الدروس والامتحانات
اووو ميخالف ماريد مبايل عدها
امي كالتله اني جبته الها وكافي بعد لاتفتح الموضوع
شنو انوب اني مالي كلمه
لاغين وجودي انت وسمر
انطيتكم الحريه صح
بس مو هيج
كامت امي زعلت
كالت روحي لغرفتج انت
كمت ابجي واشهك هسه شبيه وياي شلون يغلط ويصيح يم الولد
أخذت المبايل وطبيت
سامر جان عينه علي
ضل يحجي وياهم
وره ساعه
اندك باب غرفتي
اني خاتله راسي جوه المخده وابجي
هي هاي حياتي بس بجي
مايصير يوم انام مرتاحه
ياربي أخذ عمري وخلصني
مالي لازمه بهاي الدنيا
اندك الباب كمت فتحته
صار سامر بوجهي
تخردلت مسحت وجهي برداني
ليش تبجين
مثل مشوف رائد وسمر شكو فرحه بحياتي يخربوها
فات للغرفه
كال فوتي وعوفي الباب مفتوحه
فتت كعدت ع الجربايه وهو كاعد بالطرف الثاني
باوعت عليه بجيت أريد احضنه
أريد يمسح ع راسي مثل ذاك اليوم
كال شبيج يمعوده هسه قنعته
وقبل يبقيه عندج
مو كتلج مدام اني موجود
محد يندك وياج
صيري قويه لا ع كلشي تبجين
تره انت صرتي جبيره
مو جاهل وع اي شغله تبجين
لا مو هيج بس اني انقهر من تصرفاتهم وياي
وماعندي وسيله غير دموعي
يعني انت أم دميعه هههههه
الله يساعد الياخذج اذا ع كلشي تبجين بالضيم هذا
خليت عيني بعينه
كتله مااعتقد ابجي يمه وعنده كل هاي الحنيه والرحمة
كال منو هو
صفنت بوجهه رأسا كام
كال وين مبايلج
كتله هذا
جيبي فتحه كال وهذا رقمي صار يمج
شتحتاجين خابريني راسليني
ابتسمت وكمت امسح بدموعي
كال الله شكد حلو وجهج من تبتسمين اي هيج دوم ابتسمي
كتله مدامك بحياتي راح ابتسم دوم
كال يله اني اروح انام تصبحين ع خير
عود كعدينه لا تنسين
طلع وسد الباب
يمه كلبي راح وياه ياربي شجاي يصير وياي
كمت افتر بالغرفه ولازمه مبايلي
وأخيرا صار رقمه عندي
فدوه لطوله
متحملت دزيتله رساله شكرا
ردها علي ع شنو
كتبتله لأن زرعت البسمه ع وجهي
كال انت اصلا بسمه مسوويت شي اني
كتبتله الله يخليك الي وخليت بصفه قلب حب
بقيت لازمه المبايل أريد اشوف رده
بس مارد أبد
فديته ميخالف لايرد المهم اني احجي اله واعبر عن مشاعري
بس استحي ..
مرت الأيام ومرت زهير جابت ولد
وخلصت امتحاناتي وبدت العطله
سامر كلش حنين وياي
وصار الأمان بالنسبه الي
وع كولة امي المحامي مالتي
بس جان بارد وياي يتعامل وياي كأنما صدك اخته ولا فديوم
حسسني غير إحساس
وإني اموت الف موته من هيج يتصرف أتمنى يحس بيه
أتمنى اكوله اني أحبك
أتمنى يجي يوم ويكلي احبج ويخطبني واعيش وياه العمر كله
واخلص من رائد وسمر
