#بسمه
البارت 11
#ام_مصطفى
اجه دك الباب اطلعي بسيطة اني الج
اسمع سامر اجه شكو شبيك رائد
مابيه شي ضربت هاي الحقيره بسمه
وايدي كامت توجعني
كله حل شورة بيك
شنو
اي والله شورة بيك
ادري بيش طالب هالمسكينه شتريد منها تره صارت جبيره مو مال ضرب عيب عليك تمد ايدك عليها
يمعود ختولي مااحبها تتعيقل دوم
ومكروها
وين مكروه شو تضحك للهوى
ههههههههه
تصنف انت وإني منعول والدي
عليمن يمعود دفوت فوت
شبيك عبالك عدوتك مو اختك هاي
عيب الرجال يقوي عضلاته ع مره
لا واخته انوب
صاح علي بسمه اطلعي وعليج الأمان شحده اليوصل يمج اكصه ايده
فتحت الباب
رائد شافني طلعت راح سد الباب مال الاستقبال
وامي اجت كامت تحجي. الله لايرضى عليج بسمه يوميه مسويه
عرس النه
اله تلاسنين يله
كالها خاله عوفيها علي اني هسه
احجي وياها
اي والله ياريت عقلها تره خبلتني
كال اكعدي
اني عيوني طاكه حمر صايره
ودموعي تارسه وجهي
كعدت بقى صافن بوجهي
مسح دموعي بلطف
صارت عيني بعينه
بقينه ثواني عين بعين
وراها دنك كال شبيج احجيلي
شحجيلك سامر
منين ابديلك
كمت ابجي
من سمر من رائد من امي
تعبت منهم ومن معاملتهم وياي
ولا عبالك اختهم
ضرب وشتم
وقلة احترام
تعبت تعبت كمت أفكر انتحر واخلص
مااعرف ليش هيج يتعامل وياي
والله مجنبته وخادمته
وشيريد اسويله
بس هو كارهني من الصغر
حجيتله كولشي
أحس رب العالمين دزه الي حتى
أفرغ همي يمه
أبد مايوم حجيت لأحد الحجي الي حجيته اله
احجي وابجي لحد ماتعبت
لا اراديا خليت راسي ع صدره كتله تعبت والله تعبت
خله ايده ع راسي وبقه يمسد ع راسي
كال كافي كافي
انتبهت ع نفسي رجعت ليوره
كتله اسفه
كال لا عادي يعد اني موجود
وراح اعوفج أبد
شنو تحتاجين اطلبي مني
هاج هاي فلوس اشتري الي يعجبج
لا شكرا مااريد
امي رغم قساوتها وياي بس الله شاهد ممخليتني بعازه كولشي تشتريلي
كال ميخالف انت منا وهيج مسؤوله مني
ها افتهمتي ورائد عوفي علي
خله ايده ع خدي مسح ادموعي كال كافي بعد
ياالله شلون حنيه بيده
رحت بغير عالم
نفسيتي ارتاحت من كلامه
جريت نفس وتبسمت
شكرا سامر
ماكو داعي للشكر
ومثل ماكتلج اي شي تحتاجين اني موجود مثل اخوج اعتبريني
لا تستحين مني
يله هسه نامي وإني هسه راح احجي وي رائد معليج
طلع تلكته سمر ها شكو هم بسمه
كالها ع كيفكم وياها تره طفله بعدها
طفلتيش يمعود صف خامس علمي
ختولي هاي متعرفها أم المشاكل عياره
حر الجيس معليك بيها
خلي رائد وياها مستحقه تتعيقل ع كولشي دكوم تتبجبج وتسويلها
سالفه
يمعوده صدك تحجين هاي انت عود جبيره ومعلمه تربين أجيال
حتى لو صف خامس بالعكس هيج عمر يرادلها مداره ومتابعه
وتتعاملون وياها بلطف
تره هي سن مراهقه هسه
مايصير هيج تعاملوها
امي جانت واكفه
كالت فدوه كلهم مصخوها كلش وياها
وتعب من مناكرهم
اني دوم اصير وياهم
مااريد اقويها
بس الصدك همه كلش مأذينها من صغرها ولهسه
كالت سمر ها هسه هيج صار الحجي
اي والله هيج وكافي جوزو منها
والله بنتج فكر من اجت للدنيا ولهسه مشفت راحه بحياتي فكرتني فكر
كال سامر صدك تحجين
شنو هالتفكير يمعوده فكر شنو
شلها علاقه بحياتج هي
والله مافكرتني بس هي
ومااحبها واكرها ومن اشوفها اتذكرني ابنتي
كامت تصيح طبت وسدت الباب
سامر راح للاستقبال هم
اني جنت اسمع الهم وره باب غرفتي
من راحوا رجعت اتمددت ع الجربايه
وبقيت خاله أيدي ع خدي مكان ايد سامر
وكمت اتخايل عيونه وحنيته
ولمسة حنانه
الي عمري ماحاسه هيج إحساس
ولا عايشته
مااعرف مشاعري تلخلطت
نسيت المشكله ورائد
وبقيت أتخيل عيونه
وحضنه ومسحت ايده ع شعري
شلون إحساس حلو
شكد حنين
ياريت عندي هيج أخ لو آب حنين مثله
هههه ابوي وجوده مثل عدمه بالبيت
نمت ع أحلام اليقظة
أحلى إحساس واجمل ليله حسيتها
شكد مرتاحه حواسه بأمان بهاي الليله
حلمت سامر مد ايده الي
راد يلزم أيدي واجتني دفعه من وره وكعتني بالكاع
فزيت
باوعت ع الساعه ساعه 6 الصبح
ركض للاستقبال بعدهم نايمين
اعرف وقتهم لازم ب7 الصبح يرحون للمعمل
اجيت وكفت فوك رأس سامر
شلون نايم
اول مره انتبه ع معانيه
جان سامر طويل حنطاوي عيونه كبار وملونه
عبالك ملاك ونايم
هيج تخيلته من كم الحنيه الي حسيتها عده البارحه
كوه نطقت الكلمه سامر سامر
فتح عيونه
جان لابس فانيله تعلاكه وشورت
من شافني فوك رأسه
جر الغطه
ورجع باوع علي بابتسامه
ها بسمه
صارت ب6 الساعه
ردت أكعد رائد وخفت يضربني
ضحك كال شحده
ابتسمت كلت بكلبي ربي يخليك ويحفظك
كتله اروح اسويلكم ريوك وانت كعد رائد
كال اوكي
اول مره هيج نشطه ووجهي يضحك
اي بسمه يمكن ابتسمتلي الدنيا
بسرعه بسرعه سويت بيض عيون
وخدرت الجاي زيدت الهيل مالته
واهتميت بالصينية رتبتها
خليت الجبن ابماعون وزيتون
حميت الصمون
ودخلت للاستقبال
كلت صباح الخير مبتسمه
بوجه رائد
كال هو اليشوف وجهج يشوف خير
سامر كله هااا شكلنا ولك
صباح النور بسومه الحلوه
ع عناد رائد
خليت الصينيه
كال ماشاء الله اليوم مسويه ريوك
من كلب ورب
شوف شلون الكتل يجيب نتيجه
صدك لو كالوا الخوف يعدل الشوف.
ودكلي ع كيفك وياها النسوان مايجرن عدل اله بالعين الحمره
كله دسكت اسكت
هذا الريوك لخاطري مو لخاطرك
عبالك يدري شنو بداخلي
روحي بسومه كملي نومتج خويه
معليج بيه
رجعت لغرفتي اول مره ماهتميت لكلام رائد ولاجني سمعته
مركزه بس ع كلام سامر
مااعرف شنو الي أولد بداخلي
اتجاها بين يوم وليلة
ماعرف شنو
بس الي اعرف شي حلو مفرح كمت أحس بيه بداخلي
اكو أمل انزرع اتجاها
اكو نغزه بكلبي من أذكره
معقوله هذا الحب الي يحجون عليه
بس حب بيوم وليله
ينولد اكو هيج شي
مااعرف المهم اني فرحانه مااريد آخرب فرحتي
راحوا الولد
وكعدت هبه مرت آمين تصرخ
ها شبيج هباوي
فدوه بسمه كعدي عمتي
عندي طلوك ووجع
بسرعه فدوه بعد مااتحمل
ركض كعدت امي
أخذتها وراحت للمستشفى
وره ساعه خابرت امي كالت جابت ابنيه
وللحكايه بقيه
#ام_مصطفى
