#بسمه
البارت التاسع
#ام_مصطفى
أول ماوصلنا تلكانة أبو التكسي يحجي عربي
كال من العراق انتم امي كالتله اي
بقت امي تحجي وياه
كال اصعدوا اوديكم فندق
قريب ع عنوان الدكتور
صعدنا وياه بقى يعلم امي ع العمله الايرانيه
وشكد تصير بالعراقي
كالها ديري بالج تره هواي يقفصون ع العراقين الي اول مره جايين
امي تعجبت بالحجي مالته
كالتله لهجتك عراقيه
كال اي نعم اني عراقي من كربلاء
واشتغل بتكسي
هنا اوكف بالمطار واشتغل فقط ع العراقيين
وخير من الله يجون عراقيين
بس انقهر من اشوف أحد يقفص عليهم ويأخذ منهم أكثر من حقه
امي ضلت تشكر منا الى ان نزلنا للفندق ودخلنا
وكال لأمي هذا رقمي شوكت ماتردن اطلعون اخذكم
امي اشكرت منا وانطته اجرته وراح
كالت خطيه شلون رجال الله يرضى عليه
كعدنه بالفندق جان عادي حجزنه سويت بي غرفه ومطبخ وحمامات
رتبنه اغراضنا جايبين اكل ويانه اكلنه ونمنا ساعه وراها
امي اتصلت بالرجال حتى يأخذنا
للدكتور بسرعه اجه خطيه
خذانه وراح للدكتور
كال انتضطركم
نزلنا دخلنا ع الدكتور
بده يشخص حالة امي
ماعرفنا شنو يحجي جان يحجي فارسي
امي كالت خلي اخابر الرجال يجي يترجم النه
خابرته اجه خطيه
كام الدكتور يحجي والولد يترجم
النه
الي افتهمنا انو عمليتها سهله اهنا
ونجاحها اكيد
وحدد ثاني يوم العمليه وفهم أبو التكسي وين وشلون نجي
امي كالت الحمد لله الي وكعنا بهيج رجال
جان شصار بينه كولشي منعرف هنا
رجعنا للفندق وكالها حجيه اذا تردين اوديكم مزارات
بكروتي
امي كالتله احنه بعد ع الله وعليك
ليش ننطي لغيرك الفلوس انت أولى
كالها اي والله خلي اكلج حجيه احنه هنا كاتلنه الجوع
عدهم غلا مو طبيعي بالمواد الغذائية
وعايشين ع الله وع العراقيين
احنه أهل التكسيات
كالتله ادري شجابرك يايمه
خاله مشوفين العراق شلون صار وضعه كسيف
مانأمن نطلع باب الحوش انفجارت
وقتل ع الهويه
وأمريكا
بس يستتب الأمن ارجع للعراق
امي كالتله اذا ع حجيك هيج
كل الناس طلعت وضل فارغ
العراق
يايمه الأمان من الله ربك كاتبلك شي تشوفه وين متروح
خاله موبس شغلة أمان
هنا نضام خدمات موجوده
دراسه زينه مستقبل بجهالي
كالتله شكد عندك جهال
خاله عندي 3 ولد وعندي امي وابوي عايشين
واخوي ممزوج وأختي هم
كلنا عايشين هنا
الله يحفظهم الك عيوني
هاي بنتج خاله
اي بنتي الصغيره
الله يخليها الج..
أخذنا مزارات فرنه طهران كولها
لليل رجعنا
كال خاله أصبح اني يمكم
تعبتك يمه لا خاله هو هذا شغلي
واكون ممنون منج
انطته امي كروته وراح
ثاني يوم امي دخلت العمليات
كعدت اباب الصاله اقره ادعيه وآيات قرانيه
وقلقه كلش
اجه السياق كال لاتخافين خويه
تره سهله العمليه وتطلع أن شاء الله سلامات
أن شاء الله
دك تليفونه
الو ها يمه
ها لا تغدو انتوا اني عندي شغل
مو كتلج جماعه من العراق
اني ماخذهم كروه
لا مااكدر اعوفهم ابنيه وحدها
وامها دخلت عمليات
راح بعيد عني
بعد مااسمعه شحجي
شلون ولد مؤدب وخلوق
عبالك واحد من خواني واكف منتظر امي تطلع بقلق
وره ساعه طلعت امي
ورحنا دخلنا عليها لغرفتها
لسى بعدها بالبنج
وره ساعه فكها البنج
بقينه بالمستشفى
السائق ترخص وراح
بعد مانطيته فلوس كروته كال باجر اجيكم
امي خالين الباندج لافيه ع عيونها
كالو يوم كامل
ثاني يوم الصبح فتحوا عيونها
شويه تشوف زينه
اجه السياق وجايب أمه وياه
المره شلون حبابه جايبه
ريوك وجاي النه
وكعدت تسولف وي امي
عبالك بالعراق احنه
مت شفناها
سوينه خروجيه وطلعنا للفندق
واجوي ويانه السابق وامه
وللحكايه بقيه
#ام_مصطفى توقعاتكم بنات للقصه
