#بسمه
البارت الرابع
#ام_مصطفى
الصبح
أم آمين : صباح الخير أم زهره
صباح النور عيني
يله خليت نتوكل نروح
نهى : اووف شبيج حبيبتي كافي هسه تجي ماما اسكتي اسكتي
سمر : يافتاح يارزاق صبحنه ابصريخ هاي الفكر شلون يعني ماانام
مو كعدت الجهال علي شبيج تبجين كااافي
ع كيفج وياها يمعوده لاتصيحين عليها اخترعت الطفله
طبها طوب شبيها تصرخ من الصبح احنه عايزين زعاطيط وامج جابتها
اوو مانخلص من هاي السالفه
دروحي روحي اغسلي وجهج وسويلنه ريوك
لو تلزمين بسمه وإني اسوي
شنوو اني الزم هاي عوع ختولي الي خلكها اني
رايحه اسوي ريوك هاي اول يوم هيج دخلنه وي بسمه خانم
أبو آمين :صباح الخير بنات
صباح الخير بابا
شبيها بسمه تبجي
انطوني إياها اسكتها
اي بابا فدوه أخذها كعدت تبجي وادور ع امي موتتني
تعالي بابا تعالي.
يله وين الولد
نايمين بابا
آمين اجه من الشغل نص الليل
و زهير هم نايم
ورائد بغرفة سمر نايم
لعد عوفيهم نايمين
بابا ماعدنه ريوك
عندك فلوس اندز
لا والله منين يابنتي هالشوفين
صار شهر كاعد
امج مو خبزت وراحت
اي
دصبيلي جاي وخبزه
سمر : شنو جاي وخبزه نريد ريوك
يعني العشه مابي خير والريوك خبز وجاي
شسوي يابنتي كولي الحمد لله عدنه خبزه نأكل
اكو غيرنه طحين ماعدهم خبزه ماعدهم ياكلون
ليش هو الحصار شخله بينه دمرنه
دروحي روحي كعدي آمين بلكت
عنده كم فلس يجيب الجن ريوك ...................
مرت الأيام وأم آمين توضفت بالمعمل كامت تروح من غبشه
وترجع بالليل
وبسمه مخلصتها بجي إلى أن شويه تعودت ع نهى
كامت أم آمين تجيب الملابس الزايده الخربانه للبنات
نص يبيعوهن والتعجبهم ياخذوها الهم
تحسنت شويه حالتهم زين
كامو ياكلون ويشربون
والفضل يرجع لشغل أم آمين
يعني اذا تركت الشغل يرجعون
لا اكل ولا شرب
مرت 3سنوات ع شغلها بي كبرت بسمه صار عمرها 5 سنوات
سمر كلش ماتحب بسمه وتكرها
دكول تذكرني ابنتي
كرهت رائد وريم بيها
رائد يطب يطلع يضرب الطفله
وهي تضل تبجي ترجع سمر
تضربها والله متنه منج
ويضل رائد يضحك علي
لسه أذكر معاملتهم وياي عبالك غريبه
صح طفله عمري 5سنوات بس أذكر شلون يعاملوني
وماتقبل سمر العب وي ريم ورائد
جانت سمر تخيط لعابه لريم
والي متقبل
واذا رحت لغرفتها تطردني
نهى دائما تكلها طفله شبيج وياها بس ميفيد ادكول فكر هاي
اول مااجت للدنيا فكرتني
امي تجي نص الليل صح من تجي
جايبه ملابس الي وحلويات ومدللتني
بس اول متجي تنام
وترجع الفجر تطلع
فديوم اجوي ناس خطابه ع نهى
واهلي وافقوا
ابوي يريد بس يزوجهن ويخلص من مسؤليتهن
انخطبت نهى وخلال 6 أشهر ازوجت
بيوم العرس امي أخذت اجازه
الله شكد فرحت مت كعدت الصبح ولكيتها يمي
كعدت ريكتني ومشطت شعري
واشترتلي بدله تخبل لبستها
بس رائد دوم يخبث وياي
من طلعت اشتري دفعني بالطين
وضل يضحك علي
رغم عمره 8 سنوات بس خبيث كلش
سمر علمته اني خالته الفكر وريم اخته
وهي أمه
رجعت للبيت ابجي واصرخ
تلكتني سمر اهووووووووووووووووو
متخلص من اسطوانتج هاي نهار كله تبجين ماتكبرين شنو
امي كالت ها شبيها
ماما رائد دفعني بالطين وصخ بدلتي
شوف العياره ذبتها ع رائد
كولي وكعت بالطين
تعال رائد صدك وكعتها انت
لا ماما سمر هي وكعت
اسئلي ريم
اه شوفي يمه بنتج جذابه هاي لاصدكيها
كامت امي ضربتني هم اموصخه نفسج وهم من اجذبين
مااجذب ماما
اس اسكتي يله
امشي غسلي وابقي ماترحين الزفه
بيش اخذج بعد
يله ولي
كمت ابجي بالحمام وغسل ابدلتي
وإني لابستها
ماكو ميفيد خليت ونزعتها
رحت للغرفه طلعت ملابس بيت ولبست
اجت امي
كومي كومي اغيرهن الج
ماما هو رائد دفعني
لزمتني من أذاني ولج لاجذبين بعد عيب سمعتي لولا كمت ابجي
دكومي هاي بدله عدي عود جاي ابيعها كومي خلي البسها الج
الله تخبل
اي ماما أريدها هاي الحمره
ديله البسيها وبعد لا تطلعين بره لاه لا ابقى بحضنج ولا اتحرك
دكومي يله امشينه راح تجي الزفه
طلعنا من الغرفه
سمر شافتني ها يمه منين هاي البدله
عود ردت ابيعها
بس خطيه بس خليتها لبسمة بعد بيش تروح وياي
والله هنيالها بسمه خانم ...... ازوجت نهى وخلص العرس امي ثاني يوم طلعت للشغل
وبقيت يم سمر
دكومني يغلط وتكعدني بكفخه
اخلص أكثر الوقت ابجي
ومن تشوفني ابجي
دكلي الفكر الططوه نهارج كله تبجين
رائد كلش عدواني صار وياي
يلعب ريم ومن اتقرب يمهم
يدفعني يكلي وخري أمتي
مو اختنا احنه خوان نلعب سوه
ومن اتشوفه سمر دكلي حل شكو
رايحه يمهم ولي روحي العبي
هناك بغرفة امي
من تعيط بيه ابقى ابجي
اني اعترف أم دميعه
بسرعه ازعل وابجي
اروح لغرفة لمي ابقى ابجي ومااطلع منا لحد ماتجي
من اشكيلها تجذبني سمر دكولها
بنت عياره ونهار كله تبجي خبلتني ودوختني ليل نهار تبجي وتتزعل
شنو ماعدي شغل وعمل اضل أراضيها
شكبرها شكدها عمرها ست سنوات راح تسجل مدرسه
وهي تتبجبج ع كلشي
فوك كل هذا تضرب ريم ووكحه كلش موتتني تعبت منها
اخذيها وياج شوفيلها جاره
امي ترجع علي اوف منج صدك انت مكروهه ونحسه من صرتي لهذا يوم الله تتبجبجين واموتتني
وين اوديج كولليلي
ماما والله كلشي ممسويه
انجبي ونامي يلله
انام وابجي جوه البطنيه ابقى
حيل انقهر لسه أذكر ذيج الأيام
طفوله محسيت بيها ولا عشتها مثل باقي الأطفال بين آب وأم
ابوي يروح محافظات هو وأكرم يشتغلون
وامي تشتغل من الصبح لليل
وزهير اخوي كلش زين وياي ويحبني بس جان
يجي من المدرسه يروح يلعب طوبه بالساحه
جان كلش يحب الطوب
ابقى اني يم سمر ورائد
رائد كلش أذاني من الصغر للكبر
فديوم اجه زوج عذراء
وأخذ ريم كال كافي بعد صار عمرها 5سنوات
بتنه انريدها
أخذها وراح وسمر جن جنونها علي
ارتاحيتي صفه البيت بس الج بسمه خانم
وللحكايه بقيه
#ام_مصطفى
