عصفورة تحدت صقر.......للكاتبه فاطمه رزق

الفصل الثانى

إرتفع إحدىّ حاجبيّ بيجاد في تعجب ، وأردف بنبرة حائرة :
-إزاي كان زمان مش فاهم ؟
صهيب بنبرة جادة :
-بيجاد إنت عارف إنى قبل ما أوقع أي عقد بتأكد الأول إن الشركة دى يتوثق فيها صح ؟
بيجاد بنبرة إعجاب :
-وأكيد لقيت مشكلة عندهم ...!
صهيب بنبرة هادئة :
-كدة تعجبنى
بيجاد بنبرة فضولية :
-طب و إنت عرفت إزاى ؟
صهيب بنبرة متريثة :
-درست الأوراق بتاعتهم وعملت Search ( بحث ) مفصل عن كل أركان الشركة ، لأن إلى يخليهم يقبلوا بــ 20% بس مكسب ، خلانى أشُك فيهم ، وإتأكدت من شكى ... لما عرفت إنهم اتعرضو لخسارة ضخمة من سنة ، بس هما مستترين على الموضوع عشان مش عاوزين إسمهم ينزل للارض
بيجاد بنبرة إعجاب :
-يعنى لو كنا تمينا التعاقد مع الشركات دى كنا هنخسر ...!!!
كاد صهيب أن يتحدث إلا أن صوت طرقات الباب جعلتهما يصمتان ....
صهيب بنبرة طبيعيه :
-إدخل ...
دلفت فيروز وهى تحمل مستنداً أحمراً بإحدى يديها ، وباليد الأخرى تحمل فنجاناً من القهوة ، سارت فيروز عدة خطوات إلى أن وقفت أمامهم ...
فيروز وهى تعطى المستند لـ صهيب :
-إتفضل يا فندم دا البرنامج الجديد إلى حضرتك عملته لنظام الشركة في تطوير طرق التصنيع ..
أمسك صهيب المستند الأحمر منها وفتحه وبدأ ينظر بداخله بتفحص
صهيب وهو يطالع أوراق المستند ، وبنبرة جادة :
-والـ machine modern (الآلة الحديثه) الى أنا قولتلك عليها ؟
فيروز بنبرة هادئه :
-إستوردناها من اليابان ، زي ما حضرتك قولت ، محتاجة بس مراجعه وإمضى من حضرتك عشان نتقدر نشتغل بيها ، حاجه تانيه يافندم ؟
صهيب وهو يرفع نظره عن الأوراق ، وينظر لها بهدوء :
-لأ إتفضلى إنتى
رفعت يدها بفنجان القهوة الممسكه به ، ووضعته أمام بيجاد و ...
فيروز بنبرة هادئة :
-إتفضل قهوتك يا فندم ...
ورمقته هى بنظرة حادة ، قبل أن تذهب من أمامه ...
بينما كان بيجاد ينظر لها نظرات متشفية ، وهو يجلس بمحاذاتها ...

سارت فيروز عدة خطوات حتى كادت تقترب من الباب ، فسمعته ينطق بـ ...
بيجاد بنبرة عالية ، ومستفزة :
-تسلم اديكى ، القهوة ...
قاطعته وهى تمد يدها لتمسك بمقبض الباب ، وبنفاذ صبر :
-مش أنا إلى عملاها ...
ثم خرجت من المكتب وهى تزفر بحنق ....
صهيب بنبرة مشمئزة :
-بيجاد لأخر مرة هقولك ، ألاعيبك القذرة دى برة المكتب مش هنا
بيجاد وهو يزفر ، وبنبرة متأففة :
-يعنى إنت شوفتنى عملتلها ايه يعنى ؟ كل الحكايه وأنا برة مسكت إديها وهى مش واخدة بالها ، فصدرتلى أم بوزها دة ، خلاص كان ناقص تقوم تضربنى ...
صهيب بنظرات نارية ، وبنبرة غاضبة :
-تانى ، تانى يا بيجاد ؟ السكرتيرة الى مشيتها قبل دى كانت بسببك فاكر ولا أفكرك ، أنا ساعدتك يوميها بس ووقفت جنبك ومشتها لأنها بنت ستين**** بس قسماً بالله لو حصل حاجة تانى لـ ...
بيجاد مقاطعاً ، وبنبرة متعلثمة :
-خلاص يا صهيب حاضر
صهيب بنظرات محتقرة ، وبنبرة ساخرة :
-انا مش فاهم إيه إلى عدل في البنات دى ؟؟ انا بالنسبالى إن البنات كلها محتاجة الحرق
بيجاد بنبرة ساخرة :
-هـه إنت عندك مشكله ، أنا مليش دعوة بيك ، أما بالنسبه ليا فالبنات دى هى أحسن حاجة في الدنيا ، يابنى البنات دى إتخلقت عشان تسلينا وتمتعنا بس ...
صهيب بنبرة متقززة :
-بيجاد إنت لو عاوز تفضل حيّ ، تنفذ الى قولتلك عليه ، إحنا هنا في شركة سمعتها نضيفة ، وأنا مش عاوز واحد زيك يعكرها
................................