#بسمه
البارت الثالث
#ام_مصطفى
ام آمين. مساء الخير عيني أم زهره شلونج شخبارج
هله خيه أم آمين كل الهلا فوتي فوتي
شلونج شكو ماكو هاي بسومه فدوه لله حبيبتي
خلي ابوسها تعالي ولج
اوف يا أن زهره هالطفله كلش متعلقه بيه
حتى خواتها متريدهن هواي تحبني
عمرها فوك السنه و3 أشهر ومجلبه بيه تجلب
حبيبتي فدوه لله تطلع حنينه كلش عليج هاي وعلى خوانها
وين حنينه لج عيني نحسه
دشوفي هسه تكبر واذكريني
دعوفينه منها عيني أم زهره
شسويتي ع الشغل فدوه كلش محتاجته والله اشوفين وضعي شلون الرجال كاعد لا شغل ولا عمل
وبركبتنه عايله انوب هاي سمر فوك الهم
اجتني زعلانه وهي وبتها
هم يرادلهم اكل شرب والله احنه كو مدبرين العيشه
نتغده مانتعشى
ياااا ليش زعلانه
اووف عوفينه منها طبها طوب هذا ختيارها اخذتلها مطيرجي شتترجه منه
عيني أم آمين والله رحت ذبيت اسامينه وانطيتهم رقم التليفون وكالوا احنه نصل بيكم
خلال هالشهر والله كريم
الله كريم عيني بلكت الله
أترخص اني حبيبه
الله وياج عيوني ..
هاشنو منو عدنه جاي صوت عالي
يمه يمه
مهند وامه عدنه بالبيت
ها وع شنو ها صياح
يردون يأخذون نوسه
و سمر متقبل
يا ليش يأخذون الطفله
شو وخر خلي اشوف شكو
مساء الخير
هله بيج
شلونكم عيوني
شلونه انريد بتنه نأخذها وبتج مجلبه بيها
سمر تعاي يمه يردون يأخذون بنتي مني شنو هالحجي أم مهند شنو القصه
شلون تاخذوها وهي ترضع ع صدرها
وبعدين ليش تاخذوها
عيني نريد نطلك وبتنه نأخذها مانبقيها يمكم ناخذها
ياستار عليمن هالطلاك كول يا الله
شنو مصايره وحده تزعل وي رجلها
لو هيج جان ماضل واحد مزوج
ع كل زعله طلاك
خربت الدنيا استهدوا بالرحمن عيني أم مهند
حبيبتي مانريد بتكم كوه خوما كوه
وحده لسانها شطوله وترادد
وفكر من أول يوم طبت بي النه فكرتنه فكيره
استغفري ربج عيني أم مهند شنو هالحجي الله الرزاق
عيني كلمن وكصته وكصت بتكم فكر
هسه شنو المطلوب
مامطلوب شي بتكم عدكم وبتنه عدنه
واذا اكلج ماننطيها
مو بكيفكم نأخذها وغصبن واذا مو اليوم باجر زين لولا
يله كوم مهند يمه كوم خليها وره امك واشوف شلون اجيبلك بنتك وغصبن عليهم
ياااا شنو من بشر ذول
ولج صخام الصخمج منين جبتيهم النه وهذا رجلج جنه عربانه أمه تجيبه هيج وتوديه هيج حتى كلمه مانطق
شفتي يمه شفتي مو اكلج عايشه بضيم هناك
ولج عساج مو انت حبيتي وردتي اكليها لعد
يمه شوفي لاتضلين تلومين بيه وبنتي مااطيها تره لو تنطيك السمه ع الأرض
دكومي كومي خلي يجي ابوج
ويسويله صرفه وياهم بلكت وخري هاي من بتي وخريها لاتعضها
ع كيفج شمسويه الها هسه
من جيتي ولهسه حطه دوبج من دوب بسمه
فكر غير
وج انت مستحقه يطلكوج
صدك لسانج شطوله
اووف خلي اكوم منجن احسن
الحمد لله والشكر شنو من بت هاي
مشايفه هيج بشر
لليل اجه أبو آمين
أبو آمين هيج وهيج صار
شنو رايك
اذا مايردوها خلي يطلكوها
شنو كوه خوما كوه
والبنيه شلون
البنت من حقهم انطوها الهم
شلون مو سمر متقبل وتتخبل وهي شلونها منا تصير مخبله رسمي
لعد متلزم لسانها وتكعد مو هذا اختيارها
شسوي والله تعبني هالبنات كلش
صدك الي كال هم البنات للممات
عوفيها ع الله والكاتبه يصير ...
وره اسبوع صارت كعدة زلم
طلكو سمر
وأخذوا البنت منها
ضلت سمر ادك وتلطم وصارت مثل المتوحشه
أبد ماتتحاجه واليتقرب منها
تضربه
قررت عذراء تنطيها بنتها تربيها عدها وبلكت تعوضها عن بتها
طبعا عذراء هم جابت بنيه هنه حبلن نفس الفتره
وجابن اثنينهن بنات حبيبتي سموره هاي بنتي ريم أخذها الج وربيها انت
ورائد هم عدج بعد شتردين
عذراء صدك تحجين ماكو شي نسيني بنتي
هاي قطعه من روحي والله راح تطلع روحي بفراكها
وانوب صدري ورم وكل شويه يدر عليها
عمت عيني نوسه ماما
شحالج هسه هئ هئ
لاتبجين عيني شنسوي هذا الي مكتوب عليج
وهاي حكمة ربج
وبعدين وين تروح وداعتج مرجعها الج تكبر وتضل ادورج وتجيج
وانت هم كل فتره دزي عليها
وشوفيها
والله سموره مدري شلون اصبرج
بس كلت انطيج بنتي
خليها عندج ربيها اعتبريها نوسه
شكرا عذوره حبيبتي
أحلى هديه هاي واوعدج اخليها بعيوني
كامت سمر إداري ريم وتعلقت بيها
وشويه شويه بدت تتحسن حالتها
أخذت غرفه الها خاصه
وخلت رائد وريم ويها ع طول
هي ربتهم علمت رائد ريم اختك
وإني امك
وبسمه خالتك
مالك شغل بيها أبد
بسمه طفله صغيره مرات تمشي يمهم من توصل للغرفه يدفعها رائد واضل تبجي
وسمر دكول طبها مرض شكو جايه لباب الغرفه مالتي ختولي
الأم دائما تتكفى شر سمر
تأخذ نسمه وتسكتها
فد يوم اجت أم زهره
عيني أم آمين بشاره
يا الله كولي شكو
طلع اسمنا
يا صلوات صدك اي والله من باجر لازم نروح يختبرونه
فدوه لعمرج حبيبتي
والله اجت بوكتها الوضيفه
والله العضيم حصره علينه الفلس
وحتى آمين طلع محافظات يشتغل عماله
يا خطيه
اي والله لعد شنسوي
الله يعينكم حبيبه
اني أترخص ولاتنسين
باجر الساعه 8 احنه لازم هناك
اي ان شاء الله
الف الحمد لله والشكر يارب
شكو يمه
سمر بنيتي ابشرج طلع اسمي وراح اشتغل بمعمل خياطه
اي الف الحمد لله
ماتشوفيلي شغل وياج
شغليش يمه
انت هنا اريدج بالبيت
تاخذين مكاني وأي شي تحتاجين اني انطيج
الله كريم وهاي بنتج اللزكه وين تخليها
يمكم قابل وين وهاي نهى موجوده
تبقى عدها هي شويه كامت تحب نهى
اي همزين لاتحمليني مسؤليتها تره ماالي خلكها أبد
ليش يمه هم عينج ع خيتيج فدوه لهل لوجه الله كريم
باجر من اروح مااوصيج فدوه يوم
لاتخلين رائد يضربها صاير نحس كلش
وبس يشوفها يضربها
وهي طفله صغيره
اي غير تلعب بغراضه يايمه
يمه شبيج هي جاهل
الله كريم دروحي اشتغلي ويصير خيرا عود
وللحكايه بقيه
#ام_مصطفى
