#بسمه
البارت الأول
#ام_مصطفى
كان يامكان في سنة 1990 ولدت بنت اسمها بسمه
تعالوا ويانه نتعرف ع بسمه شلون كانت ولادتها
ونتعرف ع أهل بسمه وحياتها وقصتها
الي حبت تحجيها الكم
الأم. .
اه اه اه
خير يمه شبيج ولج سمر الحكيلي يوم عندي طلوك ووجع مو طبيعي
أخ أخ بعد مااتحمل
والله مابيه حيل اطلك
هي هسه انت مره جبيره مال حباله يايمه
بنتج مزوجه وعدها اثنين وإني
راح ازوج هذا الأسبوع
يعني حتى نستحي من العالم
مره شكدج وجده بعدج تحبلين
ولج هسه وكته هالحجي
روحي صيحي ابوج
خلي يجيب الجده أم حسين ويجي
مشوفيني شلون أتوجع
امشي يلله
اووف.
يارب العالمين سهلها علي تدري بيها مره تعبانه
ومو مال حباله بس هذا رزقك بعد
والف الحمد لله عليه
بس سهل الولاده علي يارب
الأب.
ها أم آمين شبيج
الحكلي أبو آمين طلوك عندي بعد مااتحمل ولا اكدر امشي
ولا اتحرك
فدواتك جيبلي الجده
اي هسه رايح أن شاء الله ساعة السهله عليج
سمر وينج بابا حضري الغرفه خاف تجي الجده
اي بابا صار
نهى كومي وياي ساعدني مو بس علي
شنو اساعدج هي غرفة يرادلها عونه
كومي يله مدام غرفه مشوفين
رائد شلون لازك بيه
ويركض وراي
اوف شوكت ازوج واخلص
منكم
ماضل شي بس أسبوع وتزوجين
خلي نشوفج مراح تخدمين هناك
انجبي واسكتي شكدوتج ولسانج شطوله
ولجن كااافي الله وأكبر عليجن
مشوفني اطلك
ماعدجن إحساس
اوي منو كايلج كل يوم جايبه وحبلانه
وج انت اني اعلمج بس خلي اكوم بالسلامه
هفففففففف
عود عروس اني المفروض هسه ادللولني
من همداني
اروح انضف الغرفه واسكت
يوم اجت الجده أم حسين
ديله اجت أجده وانت مامحضرات مكان
خلي تتفضل
تفضلي تفضلي خاله
ها وينها هياتها جوه بالغرفة
ها أم آمين شلونج الحكيلي أم حسين وجع مااتحمله
عدي اطلوك
دنامي خلي اشوفج
ادري غير تفرشن فراش الها
اووف صالهن ساعه يتمالخن ع الفراش
يااا شبيهن صغار
مو تريد تزوج سمر
هاج خاله الفراش
افرشيه عيني لمج
يله أم آمين نامي خلي اشوف
اوف عندج صدك ولاده
اطلعن وسدن الباب
اي طالعين وصيحلي وحده تساعدني وحدي مااكدر
هسه أصيح جيرانه أم زهره
روحي نهى صيحيها وتعاي
اي رايحه
رائد تعال حبيبي مدري شلون ازوج واعوفك
لاتزوجين ابقي يمي
اوفف سوده علي
اجت أم زهره تعالي خاله فوتي
مساء الخير
صدك امج عدها طلوك
اي والله خاله والجده جوه يمها
فوتي فوتي
اللهم صل على محمد وال محمد
صليتي ع نبيج
نهى تعاي اكلج
ها روحي خابري ع عذراء من التلفون وكليلها امي تطلك
اي هسه
ديله خلي اكنس البيت ومن اخلص امسحيه وراي
خاف يجونه خطار
يله أم آمين علي وياج
اي يا الله
صلووات بنيه
بس من بجيتها هاي احسها شكد راح تتعذب وتشبع بجي بحياتها
اه لا كولي غيرها أم حسين
هم بنيه وهم تتمرمر
والله هاي بعد تجربتي بالولادات علمتني هيج
لا أن شاء الله عكس يصير أن شاء الله
ناوشني ملابسها خلي البسها
أم زهره عيني روحي بشريهم
اي كايمه
وينكم سمر نهى
جابت امكم بنيه
صدك خلي اكوله لابوي
بابا بابا جابت بنيه امي
ها الحمد لله ولد ابنيه كلشي خير من الله عندي 3 ولد و3 بنات وهاي الرابعه
الحمد لله خير
وامكم شلونها
بعدنه مشايفيها
أن شاء الله دكوم بالسلامه ...
يله أم آمين اروح اني وعدج العافيه أن شاء الله
بس شراح تسميها للبنيه
حتى اسوي البيان
اسميها بسمه
أريد تكون مبتسمه كل عمرها عكس ماكلتي
أن شاء الله عيني دوم البسمه
يله مع السلامه أترخص انه
الله وياج وإني هم أترخص
ضلي أم زهره كاعده لا عيني
اخليج تاخذين راحتج
مع سلامه الله وياجن حبايب
يمه حمد الله ع السلامة الله يسلمج ابنيتي
ها أم آمين حمد الله ع السلامة الله يسلمك أبو آمين
خلي اشوفها وينها الطفله
ماشاء الله حلوه
بس تبجي ليش هيج ماتسكت
اخاف جوعانه ارضعيها
اي من وكعت ولهسه تبجي
اكلك أبو آمين متخابر ع عذراء
خلي تجي شويه يمي
هذن خبلني بس يتناكرن
خابرتها نهى وراح تجي اي زين نامي ارتاحي وإني راح اخلي سمر تجي يمج
بين متجي عذراء
بابا سمر تعالي شيلي اختج
افف بدت رحمة الله
همزين بعد أسبوع ازوج واخلص
ولج انت ماتحترمين صايره
ولاتستحين مو واكف اني
أبو آمين عوفها عوفها
ختولي ايست منها هاي
اي يا بابا اني المفروض هسه احير بروحي
وكتها هسه امي تجيب هاي الفكر
اسكتي حرام شنو فكر
اجت عذراء
اي همزين خليها تلتهي هي بيها
هلو عذوره بابا
هلو بابا شلونك
ها بشرو شلونها امي
جابت امج
شجابت بنيه
بنيه 😏
اي بنيه خير من الله
ها يمه حمد الله ع السلامة
تتربه بعزج ودلالج
حبيبتي ماما
اشكرج بنيتي
همزين اجيتي يوم
هاي الطفله بس تبجي مدري شبيها
من اجت للدنيا ولهسه
ارضعيها ماما
جاي انطيها صدري بس
ماكو حليب قليل
اي صح وره الثالث يله يكثر
خلي اسويلها مي وشكر
اي بنيتي فدوه
سمر سمر فوري مي للطفله
وجيبي
عفيه سمر اي ان شاء الله
هاي شبيها سمر كلش نحسه صايره
والله يمه خبلتني مناكر هي ونهى
واذا انخاها مية احجايه ترد علي تعبت منها
خلي تزوج واخلص منها شويه
يمه شبيها الطفله بس تبجي هيج
ولا تسكت شو جيبها ارضعها
بلكت تجر الحليب
يمه يمه اختنكت شجاها سكرت البنت دخيلك ياربي
وللحكايه بقيه
رمضان كريم حبايب
#ام_مصطفى
