معزبه بعرس ❀حـــٌۣۙ﴿❤️﴾ـــبيبي❀

part 10

علاوي: هي الكامت تنزع بيه بملابسي وماانكر ضعفت اني صح متزوج واحب زهراء بس زهراء بعدهه صغيره بهاي السوالف تشلع كلبي اني اعلم بيها بس ديما تعرفني شحب وكلت مخسران شي اتونس وياها واخلص منها

ديما : خليته يفقد كلش
علاوي: لج هذا شنوووووو طلع دم مو تكولين انتي مو بنيه وع اساس مفت........
ديما : اهده حبيبي انت فاقد وعورتني هذا مو مال بكاره
علاوي : انتي صارلج شكد من ......
ديما : 5 اسنين
علاوي : يجوز رجع الغشاء اني شورطني
ديما: خليته يكمل ...... انت تريد تتزوج ومااخذ حيفي منك عبالك تكسرني وتفشلني بكيفك
علاوي : شنو قصدج لج هاااا تردين تورطيني
ديما : البادي اظلم علي مو ديمه التلعب وياها حتى شرفي مستعده ابيعه حتى اخلي راسك بالطين
علاوي : فقدت اعصابي اني وحده ك..... تضحك عليه وتلعب بيه بمزاجها ...ضربتها ودفعتها هي مالها حل الا اذا اكتلها وادفنها اني شلون اتورط هالورطه
رحت لاحمد للجامعه حتى اسولفله مصيبتي
ديما : كطعت شعري وركعت راسي بالحايط حيل ورحت لاهله الاخذت عنوانهم مااندليتهم بسهوله الا سألت هواي الا

دكيت الباب طلعت وحده صغيره ومستحيل هاي مرته لو منو ماعرفت بس تلمع ويا الشمس كتلها منو موجود صيحي اليزهراء : بنين تشتغل جانت وعمي وعمتي بالاستقبال البنيه عبالك وحده مخطوبه انخمش كلبي من شفتها
طبيت ركض لعمي كتله وحده تريدك عمي كبل طببها للاستقبال
ديما : شكو واحد موجود بالبيت صيحو واهم شي تجي المسكينه مرت علاوي

بنين وزهراء وام علي وابو علي كاعدين يسمعون المقتل وتشوفهم بصورهم القديمه من جانو يطلعون وفهمتهم ع اساس تريد تعوفه لان متزوج كام واغتصبها حتى متعوفه عدا البجي والمسكنه

علاوي : وصلت للجامعه وحجيت لاحمد وانصدم وخابرني ابويا كال تعال هاي وحده كذا وكذا وهم مصدوك
كلبي وجعني ع زهراء شصار بيها هسه
ديما : انت مو خابرته يلا راح اروح
ابو علي : وين ترحين اريد اواجهكم
ديما : لا عمو اخاف منه
ابو علي : شنو اني مو بعينج
زهراء : كلهم يباعولي منتظرين رده فعلي اني بيومها صرت المستمعه فقط
علاوي : بوجهي اجيت ع زهراء كعدت يمها ولزمت ايدها وردتها تطلع حتى احجي ويا ديما ماطلعت حاولت انكر بس كالت ارفع عليك قضه اغتصاب ويسوون فحص طبي تره وتنسجن  هي حايكتها صح ومرتبتها الخطه وصارت....وحتى بيها اثار هواي مال ضرب واني مضاربها هيج
اعترفت بآخر المطاف ومحد صدكني الكل صدك كلامها
علاوي : يابه كذا وكذا وحده ساقطه والله متسوي شي
ابو علي : تروح تتقدم للابنيه وعود كم شهر وطلكها
علاوي : مستحيييييل وزهراء
ابو علي :بيا عشيره بيا دين بيا مذهب  تاخذ الابنيه ماعرف تغتصبها وتعوفها!!
علاوي : ماريدها لوتموت مااخذها وزهراء زهراء شلون بيها
ابو علي : اني بيدي اوديها لاهلك لان متستاهل واحد عار مثلك وتاخذ ديما غصبا ع خشمك مو تجرجرك بالمحاكم والحبوس وبعدين شلون تكلب وحده مبينه من  ملابس وشكل وحجي مبينه وحده ك..... والوكع وياها اخلاق سز

بنين : اكلكم اختي اذا صار عليهم شي احرك البيت اختي متحجي ويا احد ومتاكل ومتشرب اذا راحت من ايدي منو يفيدني هاااا كلولي منو يفيدني
حسين : بنين كامت ترجف وتعيط وتبجي وزهراء لهسه ماخذه مبدء السكوت
عمتي : لك اني مو امك وماكو احن من الام ع ابنها بيدي اخنكك اذا بنت اخويا صار عليها شي علمود واحد زاني شهواني
ابو علي : اني هسه اصعد احجي وياها....ادك الباب الغرفه محد يفتح
زهوره بنيتي فتحي الباب اني عمج
زهراء: اني احبه واحترمه جنت مقرره اظل وحدي شويه بس ماكدر اخلي بخاطره
ابو علي: فتحت الباب فد حاله مأساويه صدك صدمتني اني عبالي دتبجي او نايمه او حتكسر شي من حركه كلبها
زهراء : احس نفسي مو طبيعيه بده كلبي يوجعني وماريد تنزل دمعتي علمود واحد خاين وحقير ونذل
ابو علي: كاتبه عالحايط وعالكاع وعالغرفه بمكياجها وبالحمره ومشككه صور عرسهم ومشككه ملابسها كعدت احجي وياها تبتسم وتهز براسها كتلها ماكو رجال ميغلط وبنت الاصول تتحمل وتصبر علاوي يحبج بس هي كمزه شيطان وهاي البنيه مو شريفه وحتى اذا ناخذها شهرين او 3 ويطلكها كل هذا هي متحجي خفت عليها خاف تسوي شي بنفسها
كووووومي كومي يلا خلي اوديج لاهلج ترتاحين شويه
زهراء: لاعمو خليني يمكم ماكدرر افاركه متعلقه بي حتى اذا نذل اريد بس اشوفه كدام عيني لاتحرمني منه اني اريد اظل عايشه وياكم عمي والله احبه والله ماقصرت ويا والله مخليت شي ناقصه ولاخليت شي بنفسه ...زين عمو بس اذا هيج يحس بنقص واني ممكفيته غير يكولي غير يلمحلي هيج يخليني مهزله كدام البنيه اني اريد ابقه يمك ماابقه جنه ابقه بنتكم هنا وممنوع علاوي يجي عليه خلي ياخذ الرخيصه ويخليها مرته هي تلوكله
ابو علي : نص كلامها مافتهمته هلكد ما مستهضمه ومخنوكه بس الافتهمته متريد تروح لاهلها لان تشتاق لعلاوي
بنين : عمي نزل بسرعه وراح كبل للاستقبال ركض ركضت ورا عمي شبيها زهراء عمي احجي
ابو علي : بعمري بحياتي ما مديت ايدي ع ولدي بس ماكو شي يشفي كلبي غير الضرب ..... لك ابن الحرام البنيه راح تتخبل اهلها خلوها امانه يمك لك مو بعقلها ومتقبل تروح لاهلها علمودك انت حيوان انت تروح فدوة لابن الزنا
عمتي : اذكرووو الله اقرو سوره الفاتحه لام البنين  اهدوووو خلي نفتهم ..... تخبلت عوف الولد راح تموته
حسين: يابه شبيها كلبيتك
ابو علي : هاي ايد زهراء مدمره ومن جانت تبجي وتشكيلي صار بملابسي
بنين : زهراء متقبل تفتح الباب واني راح اموت واشوفها ظليت كاعده بالباب ابجي
زهراء: اسمع بنين تبجي بس مابيه حيل افتح الباب بس مالي غيرها بعد كمت فتحت الباب وطلعت تحاضنه وبجيت
علاوي : صعدت اريد اشوفها شفتها حاضنه اختها وتبجي
زهراء: شفته اجه مسحت دموعي ونزلت واخذت عهد ع نفسي ماخلي يشوف دمعتي لان ميستاهل
علاوي : طبيت للغرفه كلها بكفه وصورنه بكفه اني روحي بصورنه كلش حبيتهم وجنت اني وزهراء متفقين عالحركات وعالخبال البيهن شلون هيج تشككه الالبوم والمكياج مكسر ومطشر الحياطين وصخه حسيت بالاهانه وبالندم بس ماعرف شسوي محتاج زهراء اريد ابجي بحضنها