Charm Academy School of Magic

Chapter 26: For Those Who Remain

Bandang hapon na nang bumalik kami sa palasyo. Maaga daw uuwi si Georgia ngayong araw kaya kailangan na nandoon kami para salubungin siya. Wala kasi sa schedule namin ang pagpunta sa bayan at siguradong sasamain kami kapag nalaman niyang tumakas kami sa palasyo.

Habang naglalakad sa market square may ilang tao nag paalam sa amin habang kumaway. Bumalik daw kami kapag may oras kami. Nginitian ko lamang sila. Mababait ang mga tao dito. Pero bakit may pakiramdam ko may kulang parin?

Natapos ang dinner kasama si Georgia. Wala siyang nalaman sa ginawa namin at mukhang wala siya sa mood kaya hindi na siya nagtanong pa sa kinahinatnan ng araw ko.

Nagpaalam ako sa kanya at kay Leon na matutulog na ako. Pero pagkarating ko sa kwarto hindi ko magawang pumikit man lang. Lumipas ang oras at nanatili akong nakatitig sa kisame.

Maya maya pa naisip ko ang isang bagay. Kumuha ko ang isang lumang notebook sa study table at pumilas ng page nito saka umupo at nagsimulang magsulat.

--

Snow,

Kamusta na kayo dyan? Hindi ko alam kung mababasa mo ito pero sana maayos lang ang lahat sa Academy. Nandito ako ngayon sa Mirandi at okay lang ako. Mababait ang mga tao dito at hindi nila ako pinapabayaan.

Miss ko na kayo, Snow. Miss ko na ang pagiging bossy mo. Ang maiingay na tawanan ni Layla at Lily. Miss ko na din ang pumasok kasama niyo. Dito kasi mag isa kong ginagawa ang lahat.

Si Collin at Jett kamusta na? Pasaway parin ba sila?

Snow, babalik ako. Magkikita tayo ulit. Sana kapag nangyari yun bumalik yung dati. Magiging maayos din ang lahat at makakabalik ako dyan. Hintayin niyo sana ako.

Ariela

--

Charm Academy

Nakatingin si Snow sa labas ng bintana nang pumasok ang guro nila para sa susunod na klase. Puwesto ito sa flatform sa harap at nagsimulang mag tawag para sa attendance.

Nagtaas si Snow ng kamay nang matawag ang surname niya. Napansin niya din kung paano nilampasan ang pangalan ni Ariela na sana ay mauunang tawagin kesa sa kanya.

Noong unang beses gawin ito ng mga guro halos magalit si Snow at hindi pasukan ang mga klase nito. Pero ngayon sanay na siya. Pinagbawal ng Academy na pag usapan ang kahit anong tungkol kay Ariela at sa mga nangyari noong gabi yun. Para sa kanila hindi nag exist si Ariela Davis sa Charm Academy.

Everyone moved on after the disastrous night at the Senior Mystic Ball two weeks ago. Nasanay ang mga tao na hindi nakikita at hindi naririnig ang pangalan ni Ariela. Things went back to normal gaya noong panahon na wala pa siya sa Academy. Even her friends are forced to do the same.

Nagpatuloy ang roll call and Snow could sense another boring day coming.

"Forester." tawag ng teacher. Napatingin si Snow sa likod ng classroom.