البارت ٢٢
....................
ضي
انطاهم مستمسكات
موظف: جنسيتها مطلقه
ضياء: هذا عقد الزواج محكمه وسيد
موظف: ماشي والغرفه شلون تريدها
ضياء: اصغر غرفه مااريد شي ضخم
موظف: عرسان
ضياء: ضروري الاجابه
موظف: اكيد لا اسف
ضياء: عادي ماصار شي
اني اباوع صافنه مااريد غرفه شلون انام كدامه
هذا الرجال شجاه
باوعلي ضحك
ضي: شكو
ضياء: راح نصعد مصعد
ضي: لا والله هذه مو خوش شغله
ضياء: ههههههههه بعد شوي هم ننزل
ضي: ماحجزت غرفه جوه اله مصعد
ضياء: اله فوك حتى نصعد مصعد
ضي: ليش تحب المصعد
ضياء: لا بس احب تلزمين ايدي
عزه هذا شيقصد سكتت
لزم ايدي ودخلنا للمصعد والموظف ويانه
ضياء: صوتج لا اطلعينه بكلبج خافي مااقبل
هزيت راسي اله
غريب وصاني مااطلع صوتي
وصعدنا لزمت ايده يدوخ المصعد
خليت ايدي الثانيه بتشيرته
حسيت دخت اخاف منا وضياء اله مصعد
لزم أيدي الثانيه
وراسي على أيده مدنكه ومغمضه وخايفه
شكد ارتاحيت من لزم أيدي حسسني بلامان
ضياء: وصلنا
رفعت راسي دايخه
ضياء: هههه صدك هيج تخافين وادوخين
ضي: اي
وصلنا الموظف للغرفه دخلنا الها
اباوعلها صغيره
سرير نفرين وكنتور بابين
وهادئه وكلها بياضات راقيه
واضوية نوم فقط مفتوحه شكلها يهدء الاعصاب
وماكو مكان نكعد بي غير فقط السرير وحمام بي
ليش طلب غرفه صغيره لعد هوه وين ينام
عزه اني وين انام
هذا تخبل الرجال
اذكرت نوح من شاف صدري وابتعد عني
