اٌحِْـٌـبـّبـتِ جَّــِْثٓـَـهْ

الــبــ1ـــارتــ

اني شاب اعزب اسمي وليد عمري 27 سنه
راح احجيلكم قصتي الي ادور احداثها بالقرن الماضي بالسبعينات
راح ارجعكم ويايه بزمن
،،،،،،،،،،،،،،،،،،،،،،،،،،،،،،
عندي اصدقاء اربعه راح اعرفكم عليهم
صديقي حسان عمره 30 سنه وهم اعزب

وصديقي مصطفى عمره 27  سنه واعزب

وصديقي عمار عمره 29 سنه وهم اعزب

وصديقي ايمن عمره 25  سنه وهم .....
لا لا مو اعزب هذا خاطب 😁
يمكن تتسالون ليش اصغر واحد بينه مرتبط
لان البنيه الي خاطبها كان يحبها من زمان فا تقدملها وتورط
اقصد ارتبط 😅

و خطيبته نوره عمرها 24 سنه
طبعاً نوره مو بس خطيبت صديقنه ايمن هيه هم صديقتنه
هيه حكيمة الشله

احنه البقيه العزابيه مردنه نرتبط لان كنه هوايه نحب الحريه
كنا هوايه نسافر نطلع مردنه شي يقيدنه ابد
وهوايه نحب المغامرات
بس نسمع مكان مسكون رحناله
شي غريب نروحله متبرعين بنفسنه وهوايه نحب الاكتشاف

وسفره من هايه السفرات هيه الي غيرت حياتي
ما اعرف اگول للاحسن او للاسوء
المهم احچيلكم وانتو احكمو

اقترح مصطفى ان نسافر المدينه بعيده شوي
وهايه المدينه بيه قليل ناس يسكنوها
وبيها هوايه مستنقعات وبحيرات
ومعروفه بجمال الطبيعه مالتها لان ما بيها هوايه بشر
فا تكثر بيها الحيوانات الاليفه والمفترسه
والشجر والخضار يعني مدينه حيل جميله

المهم قررنه ثاني يوم نروح
ولان المدينه بعيده شوي اخذنه هوايه اشياء من ملابس واكل
وقررنه كولنه نروح بس نوره رفضت تروح لان امها كانت مريضه
نوره كانت تروح ويانه للسفرات الي نسافرها
بس مو دائمن لان اكو اماكن ميصير تروحهه

ثاني يوم كعدت اساعه 5:00 الفجر
تريكت وغيرت ملابسي
ورحت البيت صديقي عمار بيتهم قريب علينه وهناك اتجمعنه
وكان عمار عنده سياره وكنه دائمن نطلع بيها سفراتنه

كان الطريق طويل وساعه نضحك بي ساعه نسولف ساعه نكذب على بعض ساعه نغني ساعه نام
مخلينه شي مسوينه بس حتى يخلص الطريق
كان الطريق تقريباً 9 ساعات
قبل ما نوصل بساعتين تعبنه حيل من الكعده بسياره
فا قررنه ننزل شوي
واحنه نمشي بعدنه مواكفين شفنه بيت على الشارع
وكفنه يمه للامان
لان كان الطريق طويل ومحد بي بس سيارتنه تمشي

نزلنه وشفنه رجال جبير بالعمر شوي
من شافنه ضحك واجه علينه
گال اهلا وسهلاً بيكم ولدي ،، هاي صار شكد مشفت احد هنا