Nerd in Section ANGAS

CHAPTER 28

Wala sa sarili kong iniinom ang Chuckie ko habang pinagmamasdan ang mga estudyanteng nagkakalat sa paligid.

May gusto ka sa akin Ash?

Aish! I shook my head hardly. Naalala ko na naman ang kabaliwan ko kahapon! Di ko mapigilang mapasabunot sa sarili ko. Ang baliw ko naman kasi. Bakit ko naman yun tinanong kay Ashton?

*Flashback*

Nasa tapat na kami ng bahay lulan ng kotse ni Ashton. Gaya nga ng sinabi niya, hinatid niya ako, and take note hindi na ito panaginip. Bababa na sana ako nang magsalita siya.

"Umm. About what you asked earlier---

"Wahhh!" tili ko na nakapagpalukso kay Ashton dahil sa gulat. Bakit niya kasi pinaalala?!

"Mix---

"Ah! H-hehe! Y-yun ba?" I stuttered, "Kalimutan mo na lang yun Ash! Galing ako sa tulog tapos may napanaginipan pa ako kaya kung ano-ano na lang ang lumabas sa bunganga ko. Hehehe."

Akala ko naman kasi totoo yung nagkasabay kaming maglakad ni Ashton para ihatid niya ako. Akala ko totoo yung Pokemon with freebies na binili niya sa akin. Akala ko totoo yung umamin siyang gusto niya ako. Pero panaginip lang pala ang lahat! Nakakahiya ka Mixhee! Ang ewan mo talaga kahit kelan!

"You asked---

"W-wag mo na lang yun sagutin! Hehe. Wala pa ako sa katinuan nun eh. Kalimutan mo na lang," natataranta kong pagpuputol sa sasabihin ni Ashton.

Ashton just stared at me. Nagkatitigan kami habang binalot ng katahimikan ang atmosphere namin. Awkward. Napatungo siya tyaka napabuntong-hininga.

"Ganun ba?" he smiled nang tumingin na siya ulit sa akin.

Ilang ulit akong tumango-tango para lang makumbinsi siya.

"Sige na! Bye Abo! Ingat! Salamat ulit!"

Tumakbo na ako sa loob ng bahay nang walang lingon-lingon dahil ayoko ng mapahiya pa ulit. Dumiretso ako sa kwarto at nagkulong. Sa susunod kasi Mixhee, wag padalos-dalos. Ibahin mo ang panaginip sa reyalidad.

*End of Flashback*

"Baliw. Malamang 'no' ang sagot niya. Duh! Paano ka naman magugustuhan nun?" I groaned.

"Ang lalim ng iniisip ng best friend ko ah."

Natigilan ako sa pagkakasapo sa mukha ko nang may biglang tumabi sa akin.

"A-Aki?"

Inakbayan ako ni Aki gaya ng nakagawian niya kapag nagkakasama kami. Ito na naman ang puso ko. Parang ewang tumitibok-tibok kapag nagkakadikit kami.

"Yieee! Sino yang iniisip mo Mix? Ayiee. Ikaw ha," sinundot-sundot niya ako sa tiyan dahilan para marahan kong tapikin ang kamay niya.

"Tss. Paano mo naman nasabing sino? Yung report natin sa Science ang iniisip ko," pagsisinungaling ko. Hindi naman niya agad ako sinagot. He narrowed his eyes as if he's giving me that 'weh-di-nga look'.

"Lokohin mo na ang lahat, wag lang ako Mix. Not me," ngisi niya, "You're my best friend. I know you."

Sinabi niya yun habang linalapit ang mukha niya sa akin. My eyes widened. My cheeks burned. Aki! Wag ka ngang ganyan! Mas lalong lumakas ang kabog ng dibdib ko kaya nilihis ko agad ang ulo ko at umusog ng konti.