ام زهراء
12
مر اسبوع اليه .... واني حالتي تسؤء اكثر واكثر
تركت الاكل
نسيت شئ اسمه فرحه.... وضحكه
نسيت شئ اسمه حياة
ولا رحت للكليه
حيدر مدمر ..... هم اسؤء مني
ماكدرت اروح للفاتحه
الساعه 1 بليل طلعت من غرفتي
رحت لغرفه حيدر .... وعلي
لكيت حيدر..... كاعد بفراشه ومرتچي علئ الحايط
عنده اوراق ويباوع بيهن ويضحك
علي نايم
حيدر
رفع راسه
تعالي حنونه.... شوفي قلب الي راسمته علياء اليه بهاي الرساله
حته قلبها عكس قلوب الناس. صاير بالطول
بيه جفاف
شفته .... فعلا صاير بالطول ومابيه اي عرض
باوعتله وضحكت حيل
وي ضحكتي تنزل دموع
ههههه شبيه هذا القلب..... ليش هجي
والله يا علياء عندج سوالف
ينزل مو دمع
احس
جمر ينزل علئ خدي ... ويچويني
بس ماشكيت منه
حيدر هم يضحك ودموعه تنزل
شوفي هاي شكاتبه بيهن .. تكولي ابو كاضم انت
ابو كاظم ليش
ههه علمود كاظم الساهر
اي صدك تحبه هي .... وعشقها كاضم
وعدها كومه كاسيتات اله....
حنين لهسه مامقتنع ...بموتها
ماااكدر اتخيل
علياء راحت .... وندفنت جوه التراب... راح كلشي بيها هسه
معانيها
غمازتها .... عيونها ..شفتها ..كلها راحت
ايدها الناعمه
مااصدك راحت .... اكيد اكلها الدود هسه
راح كلشي بيها هسه
حنين مااكدر استوعب
لمن تجي هنا
قبل هنا الج... اشوفها .. حنين ماتدرين شيصير بيه
لمن تكعدن بالصاله.... اضل اتحجج واروح وارجع
وكانت علياء منتبهه لهذا الشئ
أنت تقرأ
بين الامس واليوم
ChickLitمنقوله للكاتبه ام زهراء .بيها كميه كبيره من الالم والانين وبنفس الوقت مراره الحب.... وراح اعبر بيها عن حياة هواي بمجتمعنه
