The Aftermath | osh

Epilogue

THE AFTERMATH

Нүдээ анивчсаар нээгээд эргэн тойрноо харлаа. Хачин л юм. Надад энд яаж ирсэн тухай ямар ч бодол алга. Би эргэн тойрныг үргэлжлүүлэн харлаа. Завгүй газар. Эмч болоод сувилагчид санаа зовнисон бол түгшсэн харцтайгаар ийш тийш гүйж байлаа. Миний урд нэг хүний орнууд харагдах бөгөөд бүх орнууд цэвэрхэн цэнхэр хөшгөөр хоорондоо тусгаарлагджээ.

Босож суухаар өндийтөл миний толгой яг л там шиг өвдөж байлаа. Юу болсон юм бэ? Би зүүн тийш харахад нэг хөгшин эрэгтэй эмчтэй ярьж байлаа. Харин миний баруун талд сувилагч шаргал үст залуугийн гарыг боож байв. Тэр сувилагч инээхгүйг хичээж байгаа нь анзаарагдаж байна. Учир нь тэр яг л дэлбэрэх гэж байгаа улаан лооль шиг харагдаж байна. Өнөөх шаргал үст надруу хараад инээмсэглэх хүртэл би тэднийг ширтэж байснаа анзаарсангүй.

Тэр надруу инээмсэглэсэн учир би ч түүнрүү хариу инээмсэглэлээ.

Танил дуу сонсоод би өөр тийш харлаа.

"Ара." хэмээн орилох хоёр хүний хоолой.

Тэднийг сайн харвал ах нар байна. Тэд над дээр ирээд хоёул намайг тэвэрлээ. Би шалтгааныг нь мэдэхгүй ч би яг л тэднээс удаан хол байсан мэдрэмж төрөөд байх юм. Би тэр хоёрыг маш их саначихаж.

Тэд тэврэлтээс салаад "Намайг у-уучлаарай, Ара. Би цочиролд орчихсон. Б-би юу хийх ёстойгоо мэдээгүй. Би чамайг тэр новшийн машинаас а-аварч чадаагүй." хэмээн Чанёол убба надаас уучлалт гуйх ч би яагаад уучлалт гуйгаад байгааг нь ойлгохгүй байна.

"Та яагаад уучлалт гуйгаад байгаа юм? Би зүгээр байна." хэмээн инээмсэглэн хэлсэн ч толгой минь өвдөж байна.

"Новш гэж. Хэрвээ аав ээж хоёр мэдэх юм бол чи ч том асуудалд орно доо, Ёол." хэмээн Бэкхён убба түүнийг сүрдүүлэн хэлэх ажээ.

"Бэк, би мэдэж байна. Тэгээд л би уучлалт гуйж байна шүү дээ." хэмээн Чанёол убба хэллээ.

Бэкхён убба толгой сэгсрэн "Ямартай ч аав ээж хоёр мэдвэл чи өөрөө тайлбарлаарай." хэмээн тэр дахин хэлчихээд нүдээ эргэлдүүлчихээд надруу харлаа.

"Ямартай ч чи зүгээр үү, Ара? Ямар нэгэн яс хугараагүй биз?"

Бэкхён уббагийн хэлсэн үгэнд би инээгээд "Би зүгээр дээ, ахаа. Ямар ч хугарсан яс байхгүй. Зүгээр л бага зэрэг толгой өвдөж байна." хэмээн тэдэн рүү харан хэллээ.

"Сайн байна. Гэхдээ би эмч дуудах хэрэгтэй байна. За юу?" хэмээн хэлчихээд Бэкхён убба явж би Чанёол уббатай үлдлээ.