عقبات حياتي

😓الامانة 😶

بعد ما كمل محمد الهدرة مع انفال

جواد : ڨولييي شكون لي ماتت 😦
محمد : رغد ماتت 😫

جواد اصيب بصدمة نفسية حااادة و قعد مجمع مشوكييي 😶

محمد : ڨاتلي راها باغية تعطيك امانة وصاتها عيلها رغد قبل ما تموت😖
جواد : --------
محمد : مالك جواد علاه راك ساكت😔 ... قدر الله وماشاء فعل ربي يعضملك الاجر
جواد : انا نروح لدار
محمد : انا تاني

راح جواد مع محمد لدار ... جواد في صدمة نفسية وموراله طااااااايح 😥.. و محمد  مخلوع ملماشاكل و الشؤم لي طاحو عليهم ضربة وحدة ڨعد كل واحد في دارهم دخل جواد لشومبرته رڨد ديراكت و رهف مع ماماها كل وحدة باغية تلهي روحها و لاب ملخدمة لدار ومرات عند فرح🙍 .... يحيى و محمد نفس شي .. فاتت هاد العائلة على مرحلة ماشي شاابة بزاف حتى عائلة يحيى و محمد تحسست من هاد لمشكل كما ان العائلتين تعرفو على بعضاهم .
فات اسبوعين و هوما ڨاعدين على نفس لحالة يحيى و محمد ورهف ولاو يروحو للجامعة مي ڨلبهم ماشي فلقرايا .. جوااد مولاش يحل ڨاع على روحه لباب دائما في شومبرته ما يكلش ڨاع بزاااف و ميهدر مع حتى واحد    🙅

محمد : الو
انفال : وييي محمد صاڤا راك مليح
محمد : نقولو لحمد لله وانت ؟؟
انفال : الحمد لله ... ليوم جيت للبلاد و راني في اوتال .. ما باغيش نطول بزاف و نرجع ما دابيك في هاد ليامات نعطيك لامانة
محمد : اوكي .. في اي وقت يساعدك نجي عندك
انفال : تنجم غدوة تجي مع لعشية ٢ هاكااا في صالوندوتي ****
محمد : اوكيي ويي مكانش مشكل
انفال : ميغسيي محمد ربي يحفظك
محمد : بلا مزيااا انفال .. باي

رهف : شكون ؟؟😮
محمد : (حكى كلشي لرهف)
رهف : اااااا معليش نروح معاك غدوة نشالله ؟😟
محمد : اوكيي ونجيبو جواد ... صح جواد كيراه عندي شحاال مشفتهش و تيليفونه مبلع 😓
رهف : راه مبلع على روحه فشومبرة و ڨاعد مسكين
محمد : والله لي فوتناه ماشي سااهل 😔
رهف : ويي .. ايا انا نروح لدار  ، وڨول ليحيى يعيطلي ممبعد 😐
محمد : اوكيي باي 😐

راحت رهف لدار بدلت لبستها و كلات شوية و طلعت لماكلة لجواد

رهف : جواااد .. جواادووو .. عمريي 😇
جواد : -------
رهف : هااا رد علياا علابالي ماراكش رااڨد 😩
جواد : -------
رهف : اوكي باغي نڨولك حااجة ... زعما شايلا لفايدة كيراك ڨاعد هاااك هاد لماشاكل ڨاع رانا نتحملو فيهم مشي غير نتااا .. نوض تاكل شوف كيفاش ولييت غي نتا مصفار و زدت 😥
جواد : -------
رهف : جوااد غدوة راها جاية صحبة رغد الله يرحمها باغي تعطيك امانة .. خلاتهالك رغد 🙍
جواد : روحي وحدك جيبيها من عندها😑
رهف : لا رووح معانا و تحرك شوية ... ديجا نتا اختك فرح ڨاااع متسقسيش عليهاا ؟؟؟ و ماما لي راك زايدها فوڨ الهم هم 🙅
جواد : رهف روحي و بلعي لباب موراك 😑
رهف : افففففف اوكي😤