قالت لي هي الوقعت باسل في المشكلهه دي وراجلها بلغ في باسل واسي باسل ماسكنو عندهم حسبي الله بس...😭😭😭😭😭😭😭💔قولته ليها كيف يعني؟كيف يعني هي الوقعت باسل وهي مصلحتها شنوو توقع باسل ؟؟؟قالت لي م عارفه والله ي شهد حتى انا م فاهمهه شي 😭💔قولته ليهم انا ماشهه لي باسل ارح نمشي ليهو وين هو حاليا؟؟قالت لي م حيدخلوك ليهو ارح امشي معانا البيت بس،قولته ليها لالا انا عايزة امشي ليهو ااااااسي دة 😭💔روان قالت ليها خلاص اررح نمشي ي روان حتى امي ومؤمن بكونو هناك اسي ،،،طلعنا مشينا لما وصلنا قالو لينا ماف طريقهه تدخلو ليهو،قولته ليهو ليه ماف طريقهه ندخل ليهو ؟؟؟مؤمن قال لي شهد لو كترتي معاهم م حيخلونا هنا اهدي ،،،قولته ليهو اهدي كيييف انا اعصابي تلفااانهه اهدأ بأي طريقهه،فجاة الضابط جا طالع قال لينا انتو الموقفكم هنا شنوو م بتشوفوهو الليله لو أذنتو 😡💔قولته ليهو دقيقه دقيقهه انت بتمنعنا نشوفو على اي اساس؟؟قال لي ي زولهه هووي احترمي نفسك م تتجادلي معاي بقفلك اسي معاهو،قولته ليهو انت المفروض تحترم نفسكك م انا تمام ؟انك تقوم بي واجبكك دة م معناها تعلي صوتكك على اي زول هنا اتكلم معانا بي اسلوب ،والقولته لينا لو أذنتو م حتشوفو هو دة حأنشوفو اوكك؟؟قال لي بالله انا م ناقصكك اتخارجي مني،ياااخي السجن كان ملااان كلو اهل باسل بجد زي م بقولو الخبر الشين بنتشر بي سرعهه والغريبه دخلوهو السجن على طوول كدة💔هم كان بإمكانهم يطلعوهو بس راجل هااجر شكلو كان واسطتو كبيييرة شديد والضباط رافضين يتفاهمو مع الناس حتى،،وانا من التوتر دي حتى م قادرة اقيف على حيلي ،،،مؤمن قال لي شهد الانفعال والجوطه م بتحل مشكلهه اهدي وإتريسي ،،قولته ليهو م بقدر اهدى انا لو م شوفته باسل😭💔قال لي مش عايزة تشوفي باسل؟قولته ليهو اااي 😭💔قال لي طيب نرجع البيت وبكرة من الصباح انشاءالله تشوفيهو لكن اسي الزمن اتأخر وم بدخلونا تاني براك شايفهه الضباط والعساكر ديل مناعيل كيف،،،واقفين كدة جا المحامي وقف،مؤمن قال ليهو اها الحصل شنوو ي استاذ؟؟قال ليهو والله غايتو لحدي الأن مافي شي في يدنا لأنو الناس ديل عندهم ادله على كلامهم دة وانا اتكلمته مع المرة لقيتعا مصصصرة على موقفها وم ناويه تغير كلامها،،قولته ليهو ادله كيف يعني؟ماسكين على باسل شنو هم؟قال لي ماسكين عليهو شنطهه فيها سلاحين م مرخصات ودولارات وتلاتهه قناديل بنقو ،موقفو ضعيف شديد،قولته ليهو كيف كيف يعني والحجات لقوها وين والدليل شنو انها حقتو يعني؟المحامي قال لي اتلقت في المكتب بتاعو ،،،سامي صاحب باسل قال ليهو م استاذ م تقول موقفو صعب ولا زفت الزول دة الحجات دي م حقتو ولا ليهو علاقه بيها المرة دي عشان راجلها يدو واصلهه قاعدة تعمل امورها دي،،،المحامي قال ليهو ي جماعهه كل شي بالهداوة بس ،وبعدين انا لحدي الأن م دخلوني لي باسل قالو الا بكرة ،اما بالنسبه للمرة هي زانها راجلها ساجنها لأنو الدولارات حقتو سرقتها بي شنطتها وعندو سلاح مرخص م لاقيهو ،وبالنسبه للبنقو والسلاحين الما مرخصات ديل هي بتعرف جابتهم من وين بس راجلها شكلو ضربها لأنو خلقتها م بتتقابل💔قولته ليهو وهي اساسا الشنطه الجابها لي باسل شنوو؟قال لي دة السؤال البطرح نفسو هنا ،،بعد م رجعنا البيت كانت فينا حاله غريبهه مكتئبين شديد وكل واحد بعاين للتاني وساكتين ،وفي جزؤ منهم فاقدين الأمل لأنو كلام المحامي م كان مطمن ،والأدلهه كانت كلها ضد باسل،،،فضلتهه الليل كلو ابكي واصلي وادعي واقرى قرءان ،مع كل سجدة انا دموعي دي كانت بتنقط في المصلايهه ،قريب للصباح كدة جاتني غفوة وبعدها صحيت مخلوعهه لقيت الشمس طلعت،نزلته لقيت ام باسل بتصلي،ومؤمن بتكلم بالتلفون وبقول:ضروري تمسك لينا القضيه دي ي استاذ اي نعم عارفها معقدة وصعبه بس نحاول،طيب تمام تسلم ي استاذ،قولته ليهم مش بعد كدة نطلع؟مؤمن قال لي الدنيا صباح ي شهد شويه كدة،واقفه بتكلم معاهو كدة جاتني مكالمه كانت من أحمد،رديت عليهو،قال لي الحاصل شنو ي شهد اتفاجأته بالكلام دة اليوم انا،قولته ليهو والله ي أحمد حتى انا م عارفه متفاجأة زيكك كدة من الحاصل دة وبقيت ابكي،قال لي شهد كدة روقي لو واقفه اقعدي ولو قاعدة اقيفي واحكي لي الحاصل شنو بالظبط؟حكيت ليهو بالحاصل ،قال لي لا حولاا معقوله بس دة كلو يحصل من امس وم تفكري تتصلي علي حتى؟قولته ليهو والله ي احمد انا حتى نفسي ناسياها وم مركزة في شي،،،قال لي طيب م تبكي لانو البكى م بحل شي،قولته ليهو طيب اعمل شنووو ي احمد والله م بيدي شي اعملو حاسه نفسي يديني ورجليني مربطات،قال لي طيب ي شهد افصلي دقايق وبرجع ليك،فصلته منو بعد 10دقايق رجع لي شهد امي بعد شويه حتتصل عليك وحتحاول تفهم منك الحاصل بعدها حتحاول تساعدكم وتحل المشكله تمام؟قولته ليهو م فهمتك؟قال لي انا امي كانت قاضيهه قبل تلاته سنهه اتقاعدت يعني عندها خبرة في القضايا دي وممكن تساعد،قولته ليهو تسلم ي احمد م بتقصر والله،قال لي العفوو ي شهد انتي اختي معقوله بس ولو اتضطر الأمر ممكن انزل السودان عشانكم ❤بعدها طلعنا مشينا السجن ،نحن واقفين برهه ساعتين ونص،بعدها المحامي جا طالع حتى ملامح وشو متغيرة،قولته ليهو ندخل ؟قال لي عايزة تدخلي اول؟قولته ليهو ايوة عايزة ادخل،،،قال لي طيب تعالي ،دخلنا طبعا اول م دخلنا وشوفته باسل إتفاجأته من المنظر الشايفاه قدامي💔فضلته ساكته وبعاين ليهو ودموعي جاريه،قال لي دة نوع من انواع الإحباط يعني😊؟كانو ضاربنو وشو متورم والعلامات في يديهو ،قولته ليهو باسل هم ليه عاملين فيك كدة😭💔قعدني قال لي دي ابتلاءات من ربنا وبس عايز يشوفنا حنصبر عليها ولا لأ💔قولته ليهو طيب هم ضاربينك لييه انت عملته شنو لمن يضربووك هم م عندهم صلاحيه يعملو كدة😭😭😭😭😭😭😭😭💔قال لي حبيبي انا بخييير م تخافي علي وكل شي لحكمه بس،قولته ليهو طيب احكي لي الحصل شنوو ؟قال لي حتى انا م فاهم شي💔قولته ليهو المحامي حكى لي القصه بس الشي المافهمتو باسل الشنطه دي جات لغاية عندك كيف؟قال لي الشنطه دي ي شهد قبل اسبوع بالظبط لاقتني جارتك دي في الشارع وسلمت علي ،بعدها قالت لي عايزاك تخت لي الشنطه دي عندك امانه بشيلها منكك بعد كم يوم كدة،وانا م حبيت اقول ليها لا وكدة على حسب انها جارة وكدة ،شلته معاي الشنطه وسبحان الله عندها يومين مخليها في العربيه،بعدها شلتها ختيتها تحت تربيزة مكتبي وزي م انتي شايفه دة الحصل ،قولته ليهو بس هي ليييه عملت كدة؟مصلحتها شنوو من دة كلو؟قال لي قبل الحصل دة بيومين اتصلت علي المساء وشكرتني وبقت تعمل حركات وقالت لي ي ريت لو عندي راجل زيك و....المهم انا م فهمتها حتى انا مستغرب هي جابت رقمي من وين اساسا💔لما زهجته منها قولته ليها الموضوع م محتاج شكر يلا تصبحي على خير وقفلته منها الخط بس،قولته ليهو بس الشي المافاهماهو هي مصلحتها شنوو من دة كلوو يعني؟قال لي علمي علمك ي شهد اكيد في سبب والغريبه انو حتى هي راجلها سجنها والدولارات الفي الشنطه طلعت سارقاها منو بس الأسلحهه الما مرخصهه والبنقو م عارف قصتهم شنو،انا م خلوني اتكلم معاها دي المشكله هنا ،بعدها سكتته وفضلته اعاين ليهو،قال لي المهم انا م خايف على نفسي بالعكس خايف عليك انتي م عايزكك تساهري او تبكي طوول الوقت فهمتي بس خلي بالك من نفسك وانشاءالله ربنا بحلها ماشي حبيبي؟قولته ليهو طيب انشاءالله ،كنت ماسكهه دموعي بالعافيه علشان م اخليهو يشوفها وعلشان عارفاه بلا الهم الفيهو حيشيل همي معاهو،،،بس بعد طلعتهه انهرته تمام والضرب الضاربنو ليهو كأنو ضاربني ليهو انا بقيت ابكي بكى ،باسل كان بحاول يعمل فيها قوي وم متأثر وم فارق معاه شي عشاني بس هو كان عكس كدة لأنو في السجن كل يووم كانو بعذبوهو وبضربوه علشان يعترف،وباسل كان بقول ليهم:انا م حأعترف بي حاجه انا م عملتها لا انا تاجر عمله ولا اسلحه😊💔الضابط قال ليهو انت عارف لو استمريت كدة حنعمل ليك شنو؟باسل عاين ليهو وسكت،العسكري قال ليهو لو م داير اظافرك دي تتقلع واحد واحد افضل ليك تعترف،باسل لسسسه مصصر يعاين ليهم من سكات،بعد اسبووعين من الكلام دة اتصل علي رقم غريب ورديت :قال لي السلام عليكم،قولته ليهو وعليكم السلام مين معاي؟قال لي معاك كريم ،قولته ليهو معليش بس م عرفتك ،،،قال لي انا محامي وسمعته بي قصه زوجك وصراحه انا عندي خبرة في القضايا دي لانو مرت علي كتير،عشان كدة عايز اساعدكم لو ممكن؟قولته ليهو م فهمتك وانت بتعرف باسل يعني؟قال لي ل بس سمعته بالقضيه وحبيت اساعدكم ا،قولته ليهو انا م عندي مشكله بس نحن عندنا محامي،قال لي م مشكله ي ستي زيادة الخير خيرين، قولته ليهو طيب تسلم ❤قفلته منو اصلا انا بقيت م فاهمه حاجه😭💔ونحن قاعدين كلنا مع بعض كدة مع المحامي،المحامي حق باسل قال لينا القضيه دي معقدة شديد وماف شي فيها ببشر بالخير لأنو باسل في إثباتات ضدو،وحيتحكم لأنو نحن للأن م قدرنا نصل لحاجة والمحكمه بعد إسبوعين،عشان كدة افضل حل انو تخلو باااسل يعترف بس ،طبعا كلنا قعدنا نعاين لبعض،قولته ليهو يعترف كيف انت م جادي طبعا صح؟يعترف بحاجه م عملها؟؟المحامي قال لي لما يعترف بخففو ليهو الحكم،هجته فيهو قولته ليهو اذا نحن موكلنك محامي عشان تجي تقول لينا خلوهو يعترف يبقى بلاش منكك،علا قالت لي لكن ي شهد كلامو فيهو شي من المنطق لو باسل اعترف ممكن يخففو ليهو الحكم لأنو في ادله ضدو ولا شنو ي أمي؟امها قالت ليها والله م عارفه لكن كلام المحامي م بنقدر نقول غلط،طبعا بقيت مصدومة فيهم وبعاين ليهم بإستغراب شديد،المحامي قال ليهم وبعدين ي جماعهه بيني وبينكم كدة انتو اسرتو ومافي بينكم زول غريب باسل دة لو عامل الحاجه دي وم ناوي يعترف م لمصلحتو والله كدة انتو فهموني ،،،وقفته على حيلي قولته ليهو دقيقه دقيقه انت معاهو ولا ضدو؟انت محامي على اي اساس اساسا؟ليك اسبوعين ماشي وجاي م عملته ولا شي غير قاعد وتتفلسف وتحبط فينا حتى استنتاجاتكك غلط ،وي سيدي باسل م عمل حاجه زي دي وحتى لو هو عايز يعترف انا م حأخليهو يعترف على حاجه م عملها وشكرا نحن حنفتش لينا محامي غيرك تمام؟ومشيت خليتهم،مؤمن قال ليهم امي وعلا بالغتو بدل م نكون واقفين مع باسل للنهايه 💔وانت ي استاذ شكلها القضيه صعبه عليك وانت م قدرها عشان كدة شكرا ليكك على تعاونكك لأنو نحن م جايبنك عشان تقول لينا كلامك دة 😊دخلته غرفتي وبقيت ابكي ،شويه كدة اتزكرته المحامي الإتصل علي قبل شويه،اتصلته عليهو،قولته ليهو معليش لأني اتصلته عليك في الوقت دة بس عايزة اااعرف اذا بكرة بتقدر تمشي تقابل باسل ولا لأ؟قال لي ههه انا اليوم كنت مع باسل واتكلمته معاه،م تخافي انشاءالله خير،قولته ليهو يعني ممكن تتحل؟قال لي بكرة ممكن نتلاقى ،قولته ليهو اي ممكن تجي البيت؟قال لي كويس❤بالفعل اليوم التاني جا حوالي الساعهه12كدة،يعني بجد كان فيهو هيبة المحامي الجدجد،والغريبه انو طلع شاب م كبيير في العمر كدة،بتكلم معانا معانا قال لينا انا قعدته مع باسل واتكلمته معاهو،من خلال كلام باسل انا الشي الفهمتو انو المرة دي م براها ،قولته ليهو كيف يعني؟قال لي يعني حتى لو عايزاه وعينها عليهو مع احترامي ليكم يعني م اظن تعمل حاجه دي بس عشان سبب تافه كدة وعارفه انها حتتسجن معاه بالمنطق كدة في زول بعمل كدة وعارف نفسو بروح فيها؟لأ طبعا الزول العمل الحاجه دي هو عارف نفسو بعمل في شنو💔😊قولته ليهو طيب حيكون منو يعني مثلا؟قال لي دة السؤال هنا 💔يمكن الناس البشتغل في نفس مجالهم ويمكن ويمكن ويمكن م معروف،لكن انشاءالله حنعرف،وبالمناسبه ي جماعه اليوم الأمين العام أمر بإنو يحجزو على كل املاك باسل لغايه م يتحكم دة الشي المؤسف هنا،عمتي قالت حسبي الله ونعم الوكيل،روان قالت ليهو كيف يعني على اي اساس الكلام دة؟مؤمن قال ليهم م تتفاجأؤ وم تنسو راجل المرة ضابط في الجيش يعني واسطتو قوية😊لما قام طالع طلعته وراهو،قال لي باسل دة عندو مشكله مع زول او كدة؟حتى ولو قريب ليهو م تستبعدي لانو زي م بقولو الأقارب عقارب واللدغه بتجي من اقرب الناس ليهو💔قولته ليهو بالعكس باسل م عندو اي مشكله مع زول والله ،قال لي انا امس لما مشيت السجن لقيت ماشاءالله كل اصحابو معاهو بسس لا بد من انو تكون في حاجه الناس م منتبه ليها،قولته ليهو اكيد،قال لي على العمومزشكرا ليك وانشاءالله نتلاقى مرة تانيه والقصه محلوله بإذن الله،قولته ليهو شكرا،صراحه جاتني حالهه من الاطمئنان كدة لانو من كلام المحامي شفته بصيص أمل انو ممكن باسل يطلع ،،،بالليل كنت بصلي بعد م صليت قريت سورة البقرة ،فجأة خطر على بالي اتصل على اسراء واتكلم معاها،قفلته المصحف وشلته تلفوني اتصلته عليها،اتكلمته معاها،قالت لي والله ي شهد قلبي واجعني على باسل ونحن كلنا متأكدين انو دي م اخلاقو وهو م بعمل كدة،نحن شغالين معاهو عندنا كم سنه م حصل يوم شفنا منو حاجه كعبه وربي،،،قولته ليها الخير فيما اراده الله ،وربنا لما يحب حد ببتليه وانشاءالله الحصل دة لخير💔قالت لي دعواتنا معاهو انشاءالله،قولته ليها وين انتي اسي؟قالت لي مع رامي كان عندنا زباين كدة في المعرض ومع المشاكل دي حصلت لخبطه مشينا اعتزرنا ليهم وكدة،قولته ليهم طيب ممكن اللقاكم عايزة اتكلم معاكم،قالت لي طيب نجيك في البيت يعني؟قولته ليهم لالا نتلاقى في....تمام؟قالت لي ظابط يلا،طلعته مشيت ليهم ،اسراء قالت لي شهد باسل لو شافك بالحاله دي عارفه ال،قاطعتها قولته ليهم دايرة اسألكم انتو باسل دة عندو مشكله مع زول في الشغل؟طبعا رامي عيونو كانت لمن محمرة حتى هو متاثر شديد،قال لي دي الحاجه الوحيدة الما قاعد يعملها ،قولته ليهو ولا حتى مع الناس الشغالين في مجالو م متزكرين زول متشاكل معاه ابدا؟اسراء قالت لي ابدا والله ي شهد او يمكن نحن م عارفين،رامي قال لي غير شكلتو مع سامي في المعرض م متزكرين ليهو شكله،اسراء قالت ليهو صحي والله بس اتشاكل مع سامي،قولته ليهم دقيقه دقيقه كدة احكو لي تفاصيل شكلتو مع سااامي كانت كيف؟اسراء قالت لي والله كان نقاش عادي باسل قال ليهو الطلبيه مهمه كان تستلمها،وسامي اتنفخ فيهو وجاط وكبر الموضوع وقال ليهو الشغل دة كلو ماسكو انا وانت جاي تنفخ ريشكك و...يعني جوطه شديدة،استغربته طبعا،رامي قال لي والغريبه ي شهد انو خزنه المكتب بتاع باسل لما حجزو على املاك باسل كانت فاضيه وانا متأكد لأاااخر لحظهه قبضو فيها باسل كانت فيها قروش م بتقل عن 100مليون باسل كان موديها البنكك،قبل الحصل دة بيوم لكن م لقى زمن،سكتتته مسااافهه وبقيت اكل في اظافري،رامي قال لي بتفكري في الأنا بفكر فيهو؟اسراء عاينت لينا نحن الاتنين وقالت لينا صراحه وشوشني التعبير صراحه سااامي دة من يوووم يومو متعجرف ومتغطرس ومتخلف خلاص م شوفتيهو لما باسل اتسجن كان بتفرعن فينا كيف الأيامات المضت دي ،😒💔قولته ليهم هو كان بجي المعرض م قال لي م قاعد امشي نهائي؟رامي قال لي يوووومي وشو في وشنا😪قولته ليهم دقايق،اتصلته على المحامي كريم قولته ليهو معليش ازعجتك بس حصل كذا وكذا وكذا ،قال لي وين انتو انا جاي عليكم،وصفته ليهو المحل جا بعد ساعهه كدة وقعد اتكلم مع رامي واسراء،وهزة راسو وابتسم وقال لينا كدة ي دووووب مسكنا طرف الخيط ،قولته ليهو بس السؤال البيطرح نفسو سامي علاقتو شنو بي هاجر ،وهي مصلحتها شنو تعمل ليهو دة كلوو؟؟بنتكلم كدة اتصلت علي ام احمد اتكلمت معاي كداا قالت تعالي زوريني بكرة في البيت كويس؟قولته ليها انشاءالله،كريم قال ليهم م تكلمو زول بالموضوع دة تمام ي شباب لمن نتأكد؟قالو ليهو انشاءالله،اليوم التاني مشينا انا وكريم لأم احمد وقعدنا اتكلمنا معاها وحكينا ليها بالحصل،قالت لينا هو م بعترف ولو عرف انو انتو شكيتو فيهو م بقعد،عشان كدة المرة الاسمها هاجر دي المفروض تعترف،قولته ليها لو عايزة تعترف بجد م كان سجنت نفسها وخلتو هو برة،قالت لي اصلا دي خطتهم كدة وهو حابكها ليها ،قولته ليها طيب وهي حتعترف كيف؟قالت لي خليها علي انا ي بتي النوع دة مرو علي كتييير،كريم قال ليها انتي قاضيه ماشاءالله عليك ليه إتقاعدتي؟قالت ليهو ي ولدي القصه الحصلت معاي م حصلت مع زول،قال ليها كيف؟قالت ليهو قبل كذا سنه كان عندنا قضيه قاتل ومقتول،وبعد تعب وجرجرة وتحت المادة 130القتل العمد حكمنا على واحد بالإعدام،والغريبه الزول دة في كل الجلسات نهااائي م اعترف وبقول لينا انا م كتلته زول ويحلف ويقسم ،بعد م حكمنا ليهو بالإعدام بشهر ظهر القاتل الحقيقي واعترف،نحن ومعي زملائي اتمنينا لو ربنا يخسف بينا الأرض ،وانا ومعي تقريبا 10قضاة اتنازلنا من المهنة دي وبقت تبكي وانا زاتي بقيت ابكي معاها ،،قالت ليهو ذنبو في رقبتنا لغاية م تقيم الساعه الله يغفر لينا من حقو بس مهنة القضاء دي صعبه وزي م قال الرسول بين كل 3قضاة اتنين في النار وواحد في الجنه💔قولته ليها فعلا والله بس ربنا غفوور رحيم وجل من لا يخطئ،بالليل انا في البيت وبفكر ،فجأة جا مؤمن دقة لي الباب وقعد يتكلم معاي, م قدرته ادس منو حكيت ليهو بالحاصل،قال لي م متفاجئ انا دايما كنت بقول لي باسل اعمل منو حسابك لأنو بتحسي بي نظرات الغيرة في وشو والغريبه انو باسل م برضى فيهو ،سامي خطين حمر،ياخي في عرسو تخيلي هو متكفل ليهو بي صاله العرس كلها،وشهر العسل سفرو ماليزيا،دة غير الحجات الصغيرة صغيرة وكمان باسل شغلو معاهو عشان كان صحبو في الجامعه وم كان لاقي البأكلو حتى ،قولته ليهو بس لغاية الأن ماف دليل قاطع على كلامنا دة،قال لي ماف زول عارف الرقم السري حق خزنه باسل الفي المكتب غيرو ابشررك💔قولته ليهو طيب م تكلم زول من ناس البيت لو م اتأكدنا،فجأة الباب فتح كانت روان قالت لينا يعني العمل كدة دة سامي؟😱😡قولته لي اسكتي لسه م متأكدين نحن زاتنا،قالت لي وااااي ممو الحقيير حيييي لو كان واقف قدامي كان وريتو الحيوان ناكر الجميل كان بنوم وبصحى في بيتنا😭😭😭😭😭😭😭💔 قاعدين كدة،اتصلت علي اسراء،رديت عليها قولته ليها خير؟قالت لي ادخلي الواتساب شوفي،قولته ليها في شنو؟قالت لي ادخلي بس،فتحته الواتساب لقيتها مرسله لي اسكرين شوت من بوست ليد مرة ملانه دهب،والمرة كاتبه ي بنات انا اكتشفته انو راجلي بخوني مع واحدة وزعلتهه منو اسي الليله فاجأني بالدهب دة عشان يراضيني اها ارضى ولا لأ؟؟؟قولته ليها دة شنوو؟قالت لي دي يد مرة سااامي نزلتها اليوم في الفيس،اتأكدتي انو سامي الشال القروش؟قولته ليها طيب،بعد م طلعته من الواتساب ،كلمته مؤمن وروان ،روان قالت لي مش توته مرة سامي؟صحبتي اسي بسألها من الحاصل حتحكي لي بي عفويه طيبانهه ومسكينه هي😴،،،قولته لي مؤمن سامي بعد كدة جاهو بلا😊مؤمن قال لي بلا معفن كمان 😴
