الجزء الخامس عشر والاخير

2.5K 178 103

#رماد
للكاتبه فردوس عبد اللطيف
الجزء الاخير .حقيقيه

.اتصل حيدر ب اخوي وكاله اختك تغلط عليه
اختك تكلي انت متستحي.
واختك تشتم امي
واختك ماينسكت على سؤالفها بعد.
.
رياض انطينياها
حيدر رماد هاج اخوج يريدج
رماد ؤالله ياخويه ممسؤيه شي مجرد طلبت مصرف
وهو كالي انتي نعال مكطع هواي بحقج
صدك غثتني هالكلمه. وكتله انت متستحي.
رياض ماشي . هسه اريدك تبطلين بجي 
واطلعين تسؤين عشا واني اعرف شلون اتصرف ويا.
رماد ماشي خويه.
.
بعدها انتبهت على كلام حيدر من كال ل اخوي شتمت امي .
للصبح مانمت ليلتها واتاذيت هواي

ؤسالته
رماد حيدر شنو اني شوكت مشتمه عمتي
حيدر هي سامعتج
.ضليت ابجي للصبح وصار عندي الم قؤي بامعائي
ماعرف يمكن تمرضت من عرفت انو عمتي اتهمتني بشتمها
واني افكر واسأل نفسي
شؤكت شتمتها
ماكو فد مشكله او سبب يخليني اشتمها
يعني معقؤله هي سامعتني
لو احد كايللها.
بس زوجي كال هي سامعتج
زين شؤكت.
لبست عباتي ؤرحت الها
رماد عمه يبعد عيني صدك انتي سامعتني مشتمتج
شوكت عمه وليش

ام عباس متسألين نفسج
شوكت وليش
تسأليني اني
عادي عمه عادي شتميني سبيني
شتسؤين سؤي.
اني ساكته بس اريد اخلص من شرج.
جانت بؤكتها تريد ترؤح ل ايران تسؤي عمليه.

رماد عمه وحق الرضا الي راح ترؤحيله اني مامشتمتج
واني وياج لليمين احلف بالقران اني مامشتمتج
ام عباس رؤحي رؤحي
رؤحي عمه واذا شتمتيني احط راسي براسج.
.
استغفر الله ياربي
عفتها وطلعت
معقؤله مرة جبيره بالعمر
اخر ايامها هيج تلفق وتكذب وتألف
شتاخذ وياها للكبر بعد
حسبي الله ونعم الوكيل
بس يردؤن سبب حتى يشوهون صورتي كدام زوجي وكدام الناس.
..
نمت ليلتها واني دمعتي على خدي
..
بس تأذيت وتمرضت وصار عندي تسمم وألم قوي .
ثاني يؤم
كلت ل زوجي
رماد حيدر اني مريضه اخذني للطبيب
حيدر اخذي فلاجين
رماد مو مال فلاجين اني تعبانه
احتاج مغذي وابر وعلاج
.
اذا ماتاخذني انت دزني ل امي تاخذني .
حيدر ياله .
اخذج ل امج.
صعدنا بالسياره واني حالتي مكسؤره
مو من المرض
لا من الحرمان وخيبة الامل الي نزرعت بداخلي
...
قريب مانوصل ل اهلي
حيدر سمعي يبنت الناس
انتي مو مريضه لو اشؤفج صدك مريضه جان اخذتج للطبيب
بس هذا ملعوب جديد منج
انتي كل فتره طالعه بسالفه
مره كرار . مره اني .مره مريضه.
اني هسه ماخذج ل اهلج
اكعدي ؤياهم وكليلهم اني مو مال زواج اني مال دياحه
علمود اطلكج وديحي براحتج.
...
اني ساكته واسمع كلامه مثل سجين ونغرس بكلبي تمنيت لو بذيج اللحضه اكدر اشرب من دمه وارتاح.

رماد  مااكلك شي
بس اكول الله ينتقم منك.
حسبي الله ونعم الوكيل.
.
هو عنده اخت متزوجه قريب من بيت اهلي
نزلني ع الشارع وشخط السياره وراح ل اخته
.
..
نزلت اني وبنتي والجنطه بيدي واحس الكاع ادور بيه
الكلام الي سمعته اذاني هواي
مشيت خطوتين وكعت بعد ماحسيت على نفسي
اله وامي تغسل بؤجهي وتبجي .
واني فاقده.
طلعت واكعه اباب اهلي وطالع عمي من بيته وشايفني وسامع بنتي تبجي متخبل عباله ميته
..
بؤكتها اهلي انخبصؤ
وين زوجي
منو جابني
ليش هيج حالتي .
لمن صحيت سؤلفت الهم كلشي .
اخذوني للمستشفى وهناك شدولي مغذي وابر وعلاج
وبعد ساعتين رجعنا وحالتي صارت احسن.
..
بس اهلي اعتبرؤ تصرف زوجي هو اهانه الهم
وعيب عليه يسؤي هيج
مرته مريضه يشمرها ع الشارع ويكلها روحي ديحي
...
عمي صار عصبي
كال زوجج سؤاها بلايه ملح
وسكتناله هواي
هذا الضاهر تمادى ولازم يتخلاله حد .
اتصل عمي بزوجي والضاهر صاير كلام قؤي بينهم وعرك وغلط.
اني تعبانه ودخت من العلاج ونمت.
...
وثاني يؤم باليل . قررت ارجع لبيت زوجي واشتريت كم شغله للجهال
واخذت بنتي ورحت.
وصلت للبيت وداانزل بالغراض
وصلني خالي بسيارته
رماد خالي روح هاهيه.
هستوه يريد يروح خالي اجه زوجي
حيدر وين رايح اخذها وياك
ما اطب للبيت بعد هاي الساقطه
كاله خالي احترم نفسك
رماد  ليش مااطب
حيدر شنو عمج يغلط عليه مااطبين للبيت اله يجي عمج يبوس قندرتي.
رماد مو بكيفك هذا بيتي وبيت بنتي
حيدر جان بيتج
وصاح ل اخوانه كلهم اجو يتعاركون ؤي خالي ورادو يضربو
اني كتله خالي روح
اني هنا ابقى انام بالحديقه .
جان سحلوني من عباتي وشمرؤ غراضي ع الشارع وسدو الباب وطبو
...رفعت عيني للسماء
وسلمتهم بيد رب الحق. هو يشؤف ويسمع وهو مايقبل بالباطل.
وين الشرف.
وين الغيره
تطردون عرضكم بنص الليل .
حتى لو مو مرت ابنكم اني حتى لو غربيه
مااستحيتو اطلعون مره وطفله ساعه ب 11 باليل بالشارع.
ربك جان خالي ؤياي
لو وحدي جان الله يعلم شصار بيه بؤكتها.
....
رجعت ل اهلي
مكسؤره حزينه
من جهه مرتاحه كافي تعبت من هالزواج الفاشل .
بقيت فترة اسبؤع او 10 ايام ماكو اي كلام بالموضؤع من الطرفين سكوت.
....
بعدها وصلت ورقه طلاكي .....
...
كان يؤم 25/5/2017
شكد شفت عذاب بزواجي وشكد شفت قهر والم وعشت انكسار بروحي وبكلبي وبشخصيتي .
عانيت هواي ابيت زوجي .
بس من شفت ورقه الطلاق
حسيت شي بداخلي انهدم
جنت اتمنى ابجي بس مابجيت.
مااعرف مصدومه . بس كنت مااحس بشي.
مجرد ضياع
تشتت
الكون شكد واسع بس ضاك بعيني كلش.
....
اطلكت مره ثانيه.
يعني هسه اني مطلكه مرتين.
منو يرحم
والناس اذا سمعت شراح تحجي.
سمعتي صارت زفت.
يعني مو معقؤله دائما اني مضلومه
زوجي الاول خاين قاسي عذبني اذاني وهملني .
والثاني هم خاين قاسي ..و..

رماداقرأ هذه القصة مجاناً!