الجزء الرابع عشر

2.1K 117 20

#رماد
للكاتبه فردوس عبد اللطيف
الجزء الرابع عشر . حقيقيه
خابرته
رماد حيدر اني حامل
حيدر اي خوش.
رماد !
تفاجئت من رده
حسيته مافرح ... ميهمني المهم اني فرحانه.
بقيت لليل يم اهلي .

ومن رجعت للبيت  اشوفه معبس ماهتميت ولاسألته شبيك.
هو من وحده حجى
حيدر شنسؤي بالطفل هسه ذؤله الاربعه كالبين البيت ولاعبين بي جوله
والله مالي خلك الهوسه والجهال
...
رماد الاربعه الك
اني من حقي اريد طفل الي يصيحلي ماما
ينام بحظني
يملي عليه حياتي
يكفي عايشه بالحرمان.
تعبت اريد شي يخليني اتمسك بالحياه بسببه.
....
حيدر اي خوش لعد اتمسكي بالحياة انتي واني يطيح حضي
. وطلع
وبقى فترة اسبؤعين ضايج وحزين
واني محتقرته عيب عليه هالشي والله
هذي نعمه من ربي الي واله هيج يشكر ربه ع النعمه ....
...
طبعا اني من النوع بنيتي ضعيفه وعندي فقر دم وزني دائما بالنزلان . وشهيتي صفر .
وانوب حامل
ونساتي جانت كلش صعبه وصلت الموت
واشتغل هواي واتعب وهو حتى مايساعدني ولو الخبز جيبه من الفرن
ماكو .
انضف واطبخ واخبز واغسل ملابس وخدمت الاطفال

وكوي ملابسه والله جنت مااكعد دقيقه
من يصير الليل انام على وجهي من التعب .
صار عندي نزف
والدكتوره كالت الحمل ضعيف واسقاط مهدد
خل رماد ترتاح وزوجها لا يتقربلها .
...
بس جان يغتصبني غصب ولاكأن هذا الانسان المثقف الي يفهم بالاصول
وكأنو يحاول بأي طريقه يسقط الطفل
...
جنت اكله والله مااكدر
والله متأذيه
والله تعبانه
بس ماكو احساس
مجرد شهوه ورغبه عبالك حيؤانه كدامه مو بشر
...
رغم يعرف بتعليمات الدكتوره ويشوف حالتي
بس ماساعدني بأي شي
لامادي ولامعنوي
...
وطبعا مصاريف العلاج والطبيب من امي.
حيدر ماله داعي. هالعلاج
زوجتي الاولى خلفت اربعه مااخذها للطبيب غير مرتين مره تحلل ومره تجيب
وجنت انام وياها يؤميه.
شنو رماد بيش تختلف عنها
لو بس رماد حبلت ...
بهالفتره زوجته الاولى تزوجت ورجعتله الطفل الرابع الي عدها
وجان يصغير ويحتاج عنايه ورعايه خاصه
واني مريضه ومااكدرله والله
....
زادت حالتي سؤء وهو يتهمني بالكذب
والنزف قؤى
واني ماعاولت احصل هالطفل اشتري بروحي

...
فد يؤم الصبح جنا كاعدين نتريك اني ؤيا والجهال
ومضى على حملي شهرين ونصف او 3 اشهر
وام زوجي عمتي ولاسألت ولاحتى كالت عمه ع الخير وتدري بيه مريضه وانزف وارؤح بالشهر مرتين للطبيه.
...
عاد اني كلت للبنات اشؤ بيبيتجن لااجت لاسالت وعماتجن مو البارحه يم امهن بالجذب محد اجت سلمت عليه .
...
جان يرد زوجي المحترم.
حيدر اني كتلهن لحد ترؤح الها
خلنها مثل الكلبه وحدها بالبيت لااحد أطب عليها.

صدك انقهرت
انصدمت
كلام ماله داعي
ومابي ذرة اخلاق
من الالم الي بيه
كتله
رماد والله انت الكلب
حتى الكلب هم وفي وبي رحمه اكثر منك
.
شفت بحياتي حقاره بس مثلك ابد ماشفت
رماد شوف
ترا الرجل هو الي يعلي زوجته وهوه الي يوطيها.
بيده يصنع الها كرامه وحق وهيبه
من كلامه ومدحه بيها
حيدر وانتي شنو ينمدح بيج.
رماد بس هاي خدمتي الكم المفرؤض تبوسون ايدكم عليها
تجون من الدوام
بيتكم نضيف
ملابسكم مغسؤله
طبخكم مطبؤخ
خبزكم مخبوز
وهاي دمكم ولحمكم ابطني كل هذا مو بعينك
اني مرتك
عرضك شرفك
ام ابنك
حتى لو مو خوش
المفرؤض انت الي ستر .وسند
بس ياحسافه.
حيدر لج انتي ادبسز تكولين عني كلب وحقير ياساقطه.
كومي اوديج ل اهلج
.رماد انت البديت وانت الكلت كتلهن كلبه لحد اطب عليها .
ومااروح ل اهلي
هذا بيتي وبيت ابني وغصبا عليك
وكمت نضفت المطبخ وغسلت مواعين الريؤك
وطبيت لغرفتي صدك انقهرت وبجيت وتأذيت.
...
اسمع ابنه كرار يكوله بابا ليش ماراحت
وهو يكله لك بابا وين ترؤح همه حتى اهلها ميريدوها
اندزها ويرجعوها علينه
لك هاي غضب الله بلانا بي بلوه.
..
زاد قهري وهنا قررت اروح ل اهلي
ليش اهلي ميريدوني .
لايردوني . ويحبوني ويحترموني احسن من الذل الي عايشته وياك
لميت غراضي
رماد ياله وديني
حيدر ياله امشي
ومن تجيبين دزيلي ابني اني اربي !!!!

رماداقرأ هذه القصة مجاناً!