الجزء العاشر

2K 127 12

#رماد
بقلم فردوس عبد اللطيف
الجزء العاشر.  حقيقيه
لمن نفذ صبري وزاد عن حده
عاد الصبح لميت ملابسي بجنطه جبيره وكتلهم
رماد كافي عاد تعبت
عزة نفسي وكرامتي بعد ماتسمحلي
مليت من وحدتي
مليت من حزني مليت من دمعي
اني وحدي بين اربع حيطان بس عند ناس غرب عليمن خوب ارؤح عند اهلي

الناس عبالها متزوجه
لا
اني ماعندي رجل
هنا اني حالي حال بناتكم بس اني مو بتكم على اساس زوجه ابنكم.

بس والله وسفه عليكم
غشيتونا
وطلع الكلام الي انكال على حسن بالخطوبه كله صحيح . ...ياله اني رايحه
واذا حسن يريدني خل يجيني ل اهلي .
..
طبعا عمي تخبل طلع المسدس
ابو حسن اليؤم اكتل حسن فشلني هالساقط
ام حسن لا ابو حسن دخيلك وليدك هذا كول يالله وتعوذ من الشيطان

وفعلا ضربه طلقه وحسن انهزم مايعرفؤن وين .
.
واني صرت مثل المنبوذه بالبيت
امه وخواته ماينطن بي مهما يكن هذا ابنهن حتى لو مو زين وياي .
ضلن يحجن ويلطمن ويبجن
وعمي واولاده اخوان حسن ضلو بينهم عرك وصياح واني اجرت سياره وشردت ل اهلي .
سولفت ل امي واخوي ع كلشي
كالو ابقي هنا
هذا مبين انسان فاشل
عوفي .
...
بهالفتره اني مرتاحه عند اهلي
هالمره ماغلطت بشي
ظميري صافي . زوجي محترمته صاينته احبه ممقصره ويا بشي ابد هو الي باع هو الي مقصر هو الي غلطان
اني لااهتم ولااتعذب
كافي تعبت
..
بقيت شهر ونصف تقريبا
صرت حلوه وسمنت
واضحك للهوى الطاير
واذا طلكني عشتو
طبعا مااكو اي تواصل بينا بس امي وره اسبؤع راحت تجيب كم غرض من غرفتي و
جايتها مرت اخو حسن
وكايلتلها حسن ميريد رماد
يكول ماكدرت احبها . مجاي اتقبلها ويريد يطلك. ...
ام رماد ماكو اي اشكال
بنتي مناقصها شي والنقص بيكم وب ابنكم عادي طلكوها
بس الها حقوق تاخذهن من عيؤنكم.
حاظر وغايب وذهب وغراض وعتى حشم ع المغشه لان غشيتونا اهلها يردؤن يسونها عشاير وياكم.
...
الضاهر هالكلام خوفهم
و بعد الشهر ونصف
.
اجت امه وابو وعمته.
رجعوني
ابو حسن .ام رماد حسن دزنه ويكول اريد مرتي.
ام رماد ع الخير والبركه .

هالكلام كان ب 2012
رجعت كانت بوكتها زيارة الاربعينيه وحسن مموجود بالفندق
بقى20 يوم
وبعدها نزل وصالحني وجابلي ويا
جهاز موبايل.
فرحت ودعيت ربي ان تكون هذه بداية خير
بقى اسبوع تقريبا وبعدها راح حسن للدوام
وكالعاده بقى20يوم
واجه للبيت
وباليل بيومها طلع يم اصدقائه واولاد عمامه
وبقى تليفونه ع الشحن دت انام ماكدرت ذيج الليله بس كلت خلي ابحث عن السبب الي مخلي حسن مبتعد عني يمكن اكدر اعالجه واحافظ على زوجي .
كلت خلي ادور بموبايله بلكي الكي فد شي وبالاسماء لكيت رقم مسمي (البيت) صراحه استغربت منو البيت لا رقمي ولا رقم امه وخواته او اي واحد من العائله خزنته بتلفوني.
وسديت تليفونه
بعدها رجع حسون ونام
كعد الصبح وسبح وتانق وطلع كلت خلي اتصل بالرقم واشوف يجوز متزوج لان ماكو رجل يتحمل بعيد عن زوجته كل هالفتره
اتصلت بالرقم ردت وحده
الو
رماد الو انتي منو ؟
كالت انتي متصله
رماد شوفي حبي لكيت رقمج بتلفون زوجي مسجله البيت منو انتي
كالت منو زوجج
رماد زوجي حسن ابو محسن
كالت اها وبضحكه خفيفه ههه طبعا يسجله البيت لان هو مستقر عندي
رماد يعني شنو مستقر ترا عادي كلشي اتقبل
انتي زوجته الثانيه ؟
رجعت ضحكت ضحكه طويله هههههههه وكالت
حبي انتي الظاهر فطيره وعلى نياتج ولج بس الشريف الي يتزوج وزوجج مو شريف
زوجج يجي عندي يدور دعاره وبنات ليل وبالشهر يصرف اذا مو مليون ف 900 الف.....يختار الغاليه الحلوه
رماد ها مشكوره بس انتي بكربلاء ؟
كالت اي
رماد والله عيب عليج بمدينه الحسين وفاتحه بيت دعاره
كالت اسكتي سكتي
كامت تحجي بالعيب مرت الساقط
وسدت التلفون.
رماد اوف حسن واني حسره علي الالف دينار وانت فلوسك كلهه للحرام ....استغفر الله
وحسره عليه محبتك واهتمامك وانت منطيها لل ساقطات

رماداقرأ هذه القصة مجاناً!