الجزء التاسع

2K 132 22

#رماد
بقلم فردوس عبد اللطيف
الجزء التاسع ....حقيقيه
اعزائي المتابعين رماد معانا بالكروب والبيج وجاي تشوف تعليقاتكم ...هي صحيح غلطت لكن الاعتراف بالخطأ فضيله
هو رب العالمين يغفر ذنوبنا ومانحن الابشر نخطئ ونستغفر
وهي حبت تسردلكم قصتهه حتى البنات يستفادون من اخطائهه وما يقعون بنفس غلطتهه ...ارجو منكم ان تكون تعليقاتكم غير جارحه
وهذه الأسطر من بطله القصه توصف لكم حالها
(عندما تحترق الاشياء وتتلاشى ولايبقى منها سوى ذرات الرماد الاسود. الذي تعصف به الريح الى حيث لا مكان
هكذا انا
احترق كل شي في داخلي حتى مشاعري ولم يبقى مني سوى الرماد المتطاير في الهواء الى حيث لا مكان لاهدف لا شئي.)
نرجع نكمل الاحداث من كلي حسن لمي هدومج ...بقيت ابجي وأتوسل لا اكدر اكوله هذا موبايل اختك ولا اكدر ابقي الذنب علي بس شيفيد البجي والتوسل اكيد مايصدكني
راح صاح لامه وابو واخوانه اجوي يمي بالغرفه صرت بموقف الشبهات بعدين كلت خلي احافظ على حسن ولا اخسره وأثبت برائتي هي اخته تتحمل نتيجه غلطتهه
حجيتلهم كل الي صار بينهه وبين ابن خالي من سولفتلهم ماصدكوني لان الدليل جان يمي وهي بنتهم
اتصلو بأهلي واجه اخوي عصبي. وركض علي وسحب أقسام يريد يقتلني بالمسدس
امي ظلت تصرخ عمي لزمه لا تتهور ابني اسمعوها واخوي خلى المسدس على راسي ولازم شعري واني ابجي ويكول يالى ست رماد بالله سمعينا وامي كلتله اكعد واسمع بعدين تصرف اسمع من اختك اول
لان حسن من حاجي لاخوي كايل اتصلت بصاحبها
بس امي تعرف بقصه فاطمه ومحذرتني من البدايه ...وكفت بجانبي ووضحتلهم القصه والموبايل يخص ابن خالي وعنده علاقه ويه بنتكم
بعد كل هالهوسه رجعو يلومون بي صرت اني هم غلطانه لان مامنعت هذه العلاقه
حسن ....اختي طفله انتي اخذتيها بزواج اخوج وعرفتيها على ابن خالج
ام حسن.  ليش هيج رماد امنه البنيه وياج تروح وهاي النتيجه تقشمروهه وهي طفله ياحب يابطيخ وينهه وين الحب
ابو حسن الغلط منج رماد كان لازم تمنعين هذه العلاقه من الاول كان خبرتي امهه كانت حجيتي لحسن سكوتج غلط
رماد والله شكولكم ماكدرت اكولكم بصراحه اني نصحتها وكتلهه ابن خالي مو مال زواج ...بس هي استمرت وياه
بدت اصواتهم تعلى علي انت خنتينا وخنتي ثقتنا بيج والكل معلي صوته واني بس ابجي ....بهالهوسه والخبصه
حسن.  هو انتي خاينه ثالث يوم عرسنا اتصلتي بحبيبج القديم
وخنتي زوجج!!! كولي كذب ؟
اني ساكته ماكدرت اجاوبه بس اهله تفاجئو ....
عاد هنا امي واخوي وكفؤ وياي وردو عليه
امي.  احترم نفسك  شنو فضحت بتنه خاينه خاينه لزمتلك واحد وياها عيب عليك
اخوي رياض.  اسمع حسن من اتصلت بي انت بعدك اتصلت بالولد اسمه رعد وكال قسما عظما خابرني شخص كال هذا رقم ايناس كتله لا عيني غلطانين  وبس
لا اتصلت بيه رماد ولا غير رماد....
بعد شنو معنى هالكلام كافي عيب هذا الاتهام
رماد ...حسن من شاف موقف اهلي وياي سكت بس
حسن رياض رماد متبقى هنا ما اريدهه امي أخذتني لغرفتي ابجي لملمت ملابسي وحاجياتي ورحت مع اهلي لبيتهم
ابن خالي اجه اعترف لاخوي ان الموبايل هو مشتري ومنطي لفاطمة وان هو كان عنده علاقه مع فاطمه
اني الحمد لله ثبتت برائتي امام اهلي
وفاطمة هم اعترفت لاهلهه بالحقيقه وان هي كان عدهه علاقه مع ابن خالي
بس انوب طلعت شغله الذهب والفلوس ومعامله حسن السيئة الي من سمعو اهلي  صارو وياي وبدو يدافعون عني ويتعاركون ويه عيالي
ام رماد  شوفي عيني ام حسن ترى ابنج ماخذ من رماد 5  ملايين سحب نقد منهه مليونين ونص  والذهب الي اخذه منهه على اساس يسوي مشروع سعر الذهب حبيبتي 3ملايين
ام حسن تفاجئت ماكانت تعرف بتصرفات ابنهه
ام حسن.  ابو حسن الحكلي هذا ابنك ماخذ من رماد ذهب وفلوس على اساس يسوي مشروع
ابو حسن اعرف ابنج وسوالفه مكظيهه عالشرب والبنات
ابو حسن. وينك حسن وين مشروعك راوينيا خلي اباركلك
حسن يابه يا مشروع
ابو حسن مو توقعت انت مو وجه شغل
حسن اي صرفتهن الفلوس هسه شتردون
ابو حسن ضربه لحسن بوكسات وصار عصبي وظل يغلط ويسب حسن
ابو حسن. بعد مابيهه مجال ثبتت منو غلطان لازم ترجعهه زوجتك
حسن شنو ارجعها
ابو حسن غصبا عليك ترجعها
رماد بعد عشرين يوم مصيرهم يم اهلي اجوي عيالي يرجعوني ويسدون الموضوع
صار تقريبا 4 اشهر متزوجه مو حلو بحقي الطلاق الناس ماترحم.
والذهب والفلوس مو مشكله ترجع
بس اخوي شرط عليهم خل حسن يبطل سالفه خاينه ما خاينه
وخل يعاملهه باحترام
والا يصير وياه غير كلام ...هذه كانت شروط اخوي
ورجعت لبيت عيالي
كان الوضع نوعا ما هادئ
حسن حصل وظيفه بفندق بكربلاء ....ينزل كل 20 يوم 4 ايام ...الحمد لله على كل حال
رماد ...عمه ام حسن فدوه عمه اني اعزكم واحبكم مثل اهلي
وفاطمة معتبرتهه اختي ولما كنت اشوفهه تخابر ابن خالي كانت فرحانه ماكدرت اخرب فرحتهه
صدكي عمه فكرت اكولج بس لو كايلتلج ماجان ضربتيهه
وتاخذين الموبايل منهه
ام حسن.  طبعا لعد اعوفهه تتغزل بالتلفونات
رماد والله عمه كانت نيتي صافيه وكلت بلكي تصير قسمه ويتزوجون
ام حسن. لا عمه هذه طفله ومراهقه  المفروض تكوليلي من عرفتي بعلاقتهم
رماد اني اسفه عمتي وهذا راسج ابوسه وبعد توبه
تقريبا اقتنعت عمتي وعمي هم وحمواتي حاولت قدر الامكان ارجع علاقتي بيهم
لكن حسن من يجي بالاجازه 4 ايام ما اشوفه اسمع بي جاي
يرجع نص الليل يخربط ما افتهم شيكول شيحجي وينام وحده بالأرض
فد يوم اجه حسن سكران وما احسه الا اجه يمي بالفراش وتقربلي بس كان سكران اني كلت يمكن حايكسر الحاجز الي بينا ونعيش حياة زوجيه سعيده بلكي اكدر ارجعه حسن الي تزوجته وحبيته
لكن اليوم الثاني رجع كولشي لطبيعته ولا كاني زوجته يمكن تندم لان مجان بوعيه
ومره ثانيه هم حصلت بنفس الوضع كان سكران ومو بوعيه

مضت 4 اشهر اخرى على هالوضع واني من حسن بالدوام مهجورة ومن يجي بالاجازه هم مهجورة
صار مايتكلم وياي حتى مايباوع لوجهي
بدء صبري ينفذ شكد اريد اتحمل محسوبه متزوجه لكن مع وقف التنفيذ بس ارجع اصبر نفسي واكول يمكن يتغير يمكن الاجازه القادمه حايتغير
وهم مرت 20 يوم واجه نفس الوضع
وكلت النزول القادم يمكن يتغير وهم نفس الوضع
طبعا اني ما عندي موبايل اتصل بأمي من تلفون عمتي
ومن افتح تلفونهه يتصل بأمه كل يومين لكن ولا مره سال علي ولا مره يكولهه انطيني رماد احجي وياها
كنت انتظر نزوله بفارغ الصبر لان اشتاقله
وكانت هذه اخر محاولة الي احسب يوم يوم لنزلته
وصل العصر اجه سلم على أمه وكعد يمهه
اجيت بوسته وكتله الله يساعدك
حسن.  هلا
بعدين غير ملابسه واكل وسبح وطلع يم اصدقاءه
بالليل كلت خلي احاول وياه لبست ثوب نوم قصير اسود ورتبت نفسي ومكياج خفيف  وعطر راقي وبقيت انتظره
لحد ساعه 2 بالليل
فتح الباب.  لكأني كاعده.  ابتسمت له
مكال شي
فتح الثلاجه اكل فاكهه ونزل وتغطى ونام
كلت خلي أدوس على كرامتي وانزل يمه عالارض
نزلت يمه كتله مشتاقتلك....يعني كل هالمده ماتشتاقلي
حسن.  عوفيني اريد انام
رماد حسن اكعد.  لازم نتفاهم
ترا انت تعبتني اعصابي راح توكف
تغيب 20يوم وتجي ماتباوع بوجهي
وتروح وتجي وصار 4اشهر وانت مامتقرب مني ولا كانك تعرفني اصلا ناسي انك متزوج
اني هم حقي عليك
حسن وانتي شناقصج
رماد.  اهلك ينطوني مصرف اهلك يودوني للطبيب اهلك يودوني لاهلي واني مامعترضه واكول ميخالف بس
حق الزوجيه منك اريده اريد اشعر بحبك بحنانك ب اهتمامك ب احترامك
اني متزوجتك مو متزوجه اهلك من حقي أتباهى بيك
انت الي تأخذني لبيت اهلي ... ويشوفوك انت توديني
ومن اتمرض تحس بي ....تفرحني بشي يعجبني تشتريليا
كل هذا اني مشايفته منك اذا انت مؤكد الزواج ليش اهلك زوجوك
حسن اذا ماتريدني لا تخليني معلكه
كول ما اريدهه وخلي كلمن يروح بحال سبيله
حسن والله علواه
رماد.  حسيت كل كلامي مافهمه ولا استوعبه بس اخر جمله عجبته
صدك بيومهه انقهرت والصبر نفذ زاد عن حده  بعد ما اكدر اتحمل
للحكايه بقيه.   بقلم فردوس عبد اللطيف f

رماداقرأ هذه القصة مجاناً!